DÂNIAH 9:27 - Mara Bible RV (BSI)

²⁷ Abei ta hâta ei kha chhôh chyhsa hluhpi hnohta biehrai a ipa tao aw ta, hâta khophie chhôh atheihna nata hmohlâpazy a pachhâsa aw. Chatawhcha roryhrana patlôsatuhpa chô liata chhâna daihti rao chhielie hapa patlai thlupa a châ hlâlei cha, roryhrana patlôsatuhpa cha pasichhihpa mathlaw chô liata a chohpa ta â vy aw,” tah ta.

DÂNIAH 9:27 ပူးပေါင်းရင်းမြစ်များ

ISAI 28:15

“Thina nata bie hraih ha pi ta, Athihkhih nata bie eimâ taih hawh; Eima boh nawpa ta haipa bie reih pi ta, Bie doleipa liata eimâ chhai hapa vâta, Tisaih a tlô tita chhao miah pha aw vei,” Nama tahpa vâta,

ISAI 28:22

Chavâta chyhsa pahneisao khao khuh vy, Chataleipatala nama bâliazy pa-ipa a châ pathlei aw na; Pheisaihzy Abeipa Zehôvâh tawhta, Râh pôhpalôhpa parao nawpa biepiepa ei thei haw.

ISAI 42:6

“Kei he Abeipa ei châ; Siana ta cha aw na ta, Na ku cha patu aw na ta ei cha hrôbieh aw; Izarei phopi châta biehrai ta cha tao aw na ta, Râhzy châta khaihna ta ei cha tao aw.

ISAI 53:11

Pasataona khô lâta hrona khaihna hmô aw ta, Palôhtlâh ngaitapa ta a y aw. Nâ chakaotuhpa chyhsa siapa cha, A pahnona hmâpa ta chyhsa hluhpi thai pachâsa aw ta, Ama paraonazy a phaopa aw ei.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ZEREMIAH 7:30

“Zudâh pathlazy ­ta ei mohmô liata hmo pha leipa taopa ta, ei moh pachyuhpa o liata hmo pasichhihpazy soh ei ta, o cha ama papuapalei haw.

DÂNIAH 11:31

A pheisaihzy vaw pua aw ei ta, Achhyna o nata thokhyzy papuapalei aw ei ta, raopa hlâna hlâ tyhpazy ama pachhâsa aw. Chatanachata roryhrana a patlôsatuhpa hmo pasichhihpa cha ama padua aw.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 12:11

Raopa hlâna hlâ tyhpa cha pachhâsapa ta, roryhrana patlôsatuhpa pasichhihpa paduapa a châna daihti tawhta, noh 1,290 a châ aw.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

DÂNIAH 8:13

Chatawhcha mopathaihpa pakha bie reipa thei na ta, mopathaihpa hropa ta bie a reihpa mopathaihpa hnohna chata, “Raopa hlâna hlâ tyhpa kyh, roryhrana patlôsatuhpa paraona kyh nata phei ry liata tlypâ awpa ta su pathaihpa nata sahlaozy hlâpa ta ama yna kyh aluahnazy he khati taih ma a châ aw?” tah ta.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

MALUHREINA 7:62

ropahâhpa ta pabiepa ngôh phiahthla sekel miahrawh a hripa miakha;

MATHAI 24:15

“Chatawhcha hrohsopa Dâniah reipa, roryhrana patlôsatuh pasichhihpa kha, su pathaihpa liata â duapa nama hmô aw. He bie a reihtuhpa ta a yzie pahno mawh sy.

MATHAI 26:28

He he ei thisaih, moleinazy a ngiahthai nawpa ta, chyhsa hluhpi châta a lohpa biehrai thiehpa a châ.

MATHAI 27:51

Achhyna o pohraipa cha, a chô lâ tawhta a ry lâ taihta â khophie ta a hrie ta, alo a sih ta, lôpanôzy a patlaw ta.

MÂKA 13:14

“Châhrasala roryhrana pasichhihpa cha â dua lei nawpa su liata â duapa nama hmô tita, Zudia liata a ypazy cha tlâh lâ a râ mawh ei sy. A reihtuhpa ta a yzie pahno thai mawh sy.

LUKA 21:20

“Zerusale khihpi cha pheisaihzy ta ama dôhpa nama hmô tita, roryhrapa ta a y nawpa â hnia haw tahpa pahno teh u.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

RAWMA 11:26

Izarei zydua pachhapa ama châ aw, “Zaio tawhta pachhatuhpa vaw pua aw ta, Zakaw tawhta moleina a pahlei aw.

RAWMA 5:15

Châhrasala hmosaipiepa cha moleina nata a lyu vei. Chyhsa pakha moleina vâta hmahta chyhsa hluhpi ama thi khiahta cha, Khazohpa ngiachhiena nata chyhsa pakha, Zisu Krista ngiachhiena hmosaipiepa chhochhi cha, chyhsa hluhpi chô liata vaoheipa ta a y tlai aw.

RAWMA 5:19

Chyhsa pakha reingiah leina vâta chyhsa hluhpi moleipa ama châ hapa hawhta, chyhsa pakha reingiahna vâta chyhsa hluhpi mosiapa ama châ aw.

HEBRAI 9:28

Cha hawhna chata Krista chhao chyhsa hluhpi moleinazy siekhei awpa ta ei kha hlâpa ta y ta, a einona ta â vaw luah tita deikua cha, moleina siekhei awpa châ khao leipa aw ta, ngiatiah lei ta ano hâtuhpazy pachha awpa ta â vaw luah aw.