DÂNIAH 9:24 - Mara Bible RV (BSI)

²⁴ “Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

DÂNIAH 9:24 ပူးပေါင်းရင်းမြစ်များ

2 THÂTIHZYRONA 29:24

Theihthaipazy ta miezy cha thie ei ta, ama thisaih chhaota maisâh liata moleina hlâna ta hlâ ei ta, Izarei saw zydua châta chatlaina ama tao. Izarei saw zydua châta raopa hlâna nata moleina hlâna tao awpa ta, abei biepiepa hawhta ama tao.

HLAZY 2:6

“Ei tlâh pathaihpa Zaio tlâh liata, Ei Beipa ei patyusa haw,” a tah aw.

HLAZY 45:7

Siana pasô chi ta, Moleina nâ hao; Chavâta Khazohpa, na Khazohpa ta, Na viasazy hlâta rônah viapa ta, Thaphana sathaw a cha thu.

ISAI 42:4

Alei chô liata adona a chareisa hlâlei cha, A thachhâ leipa aw ta, A hnabeidy aw vei; A ryhpa bie cha, Tilaipi kiah râhzy ta ama hâ thlâh ha aw.

ISAI 51:6

Chô lâ avâzy khi sai u la, Ry lâta alei he moh tua u. Avâzy khi meikhuh hawhta pai aw ei ta, Alei he chysia hawhta paroh aw ta, A chhôh liata a pahrâpazy mathyupa hawhta ama thi aw. Ei pachhana deikua cha tlyzaw ta y aw ta, Ei siana chhao tleih beih aw vei.

ISAI 51:8

Chhoma-u ta chysia a niepa hawhta âmo cha nie aw ta, Alôpa ta sahmi pala a niepa hawhta a nie ha aw ei. Ei siana deikua cha tlyzaw ta y aw ta, Ei pachhana chhao chhâ zydua taihta a y aw.”

ISAI 56:1

Abeipa ta hetana heta a tah: “Ei pachhana vaw tlô daihmâ ha ta, Ei siana â vaw lâ patoh awpa vâta, Adona zyh u la, Siana tao teh u.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

CHAPHÔHTUNA 4:22

Hy Zaio sawchanô y, Na paraona vâta hriena cha a ki ha ta, Abeipa ta seichâna râh liata cha paysa khao aw vei; Hy Edômâ sawchanô y, Nâ deikua cha na paraona vâta Abeipa ta cha hrie aw ta, Na moleinazy a palâhâh khai aw.

EZEKIA 28:12

“Chyhsa sawchapawpa y, Tyre bei châta chaphôhtuna hla phi la, a hnohta, ‘Abeipa Zehôvâh ta hetana heta a tah,’ tah mah y: “Phapakipa chahnaona kusadi na châ; Sona ta bie chi ta, Chhithai pakipa na châ.

EZEKIA 4:5

Ama moleina kô zie ta nâ zia nawpa nohzy cha raopa na ta, noh 390 chhôh Izarei pathlazy moleina na phaoh aw. Cha tlu pasipa ta, Izarei pathlazy moleina cha na phao awpa a châ.

EZEKIA 4:6

“Cha cha na patlô tita, na chachâh lâ a hniehpa ta a zia heih aw chi ta, Zudâh pathlazy moleina na phaoh heih aw. Kô kha châta noh kha lymâ ta, noh sypalih a zia awpa ta na châta ei cha rao.

THEIHTHAINA 25:8

“Chatawhcha a pahâ kô kô sari reipati aw chi ta, kô sari cha su sari ta papôhsapa châ aw ta, chatanachata a pahâ kô kô sari cha kô sypalih nata kô chaki a châ aw.

THEIHTHAINA 8:15

Mawsi ta viahchao tôhpa cha thie ta, a thisaih la ta, a kudy ta maisâh kizy hniapa ta, maisâh cha pathaisa ta, thisaih laibâhpazy cha maisâh thaby liata patlai ta. Chatanachata maisâh châta chatlaina tao ta, maisâh cha a pathaisa.

ZEKARIA 4:14

“Hezy he khizaw zydua liata Abeipa a chakao awpa sathawthupa panozy ama châ,” tahpa ta na chho ta.

MALUHREINA 14:34

Râh nama mohparuna noh ziepa noh sypalih kha, noh kha vyuhpa ta kô kha lymâ ta, nama paraona vâta kô sypalih pasa nama tao aw; chatanachata ei ly leizie nama pahno aw.

MATHAI 1:21

Sawchapaw sa aw ta, a chyhsazy ama moleinazy tawhta a pachha awpa vâta, a moh Zisu na bi aw,” tah ta.

MATHAI 11:13

Zawhâna a vaw pua hlâna khata, hrohsopa zydua nata Ryhpa bie ta ama vaw chhochhielie haw.

MATHAI 4:5

Cha khai tawhta, ahripa ta khihpi pathaihpa lâ a chhi ta, Achhyna o laki pazaopa liata soh ta,

MÂKA 1:24

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Khazohpa Chyhsa Pathaihpa na châ tahpa ei pahno,” tah ta.

LUKA 1:35

Vâlyuhchâpa ta a hnohta, “Thlahpa Pathaihpa na chô liata vaw tlô aw ta, Chônôchaipa hmotaotheina ta a cha khu aw. Chavâta hawti pathaihpa a vaw pih awpa cha, Khazohpa Sawchapawpa bipa a châ aw.

LUKA 21:22

Cha nohzy cha phuh lana noh châ aw ta, chatanachata châbie ropa zydua kha â vaw ki aw.

ZAWHÂNA 1:41

Adaru cha a hmiatua chai ta a unawhpa Saimaw kei tlua ta, a hmô nahta, a hnohta, “Mesia eima hmô haw,” tah ta. Mesia cha Krista tahna a châ.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

HMOTAOPAZY 3:14

Mopathaihpa nata Mosiapa kha dytha ei chi ta, lianycheihpa kha cha papuapa awpa ei ta tlao namâ haw.

HMOTAOPAZY 3:22

Mawsi tlai ta, ‘Abeipa Khazohpa ta keima hawhpa hrohsopa he nama unawhzy hry tawhta a cha paduapa aw ei. A biereipa maih nama nathlie awpa a châ.

HMOTAOPAZY 4:26

Lei beizy thyu ei ta, Ryureituhpazy a hmaoh ei ta, Abeipa nata a Mesia amâ dyuh,’ tahpa ta na reipa kha a vaw tlô haw.

RAWMA 5:10

Khakhaipa eima châ nota hmahta, a Sawchapawpa thina vâta Khazohpa nata a ryhpa ta eima y khiahta cha, tahmâ eimâ ryh ha tawh chhochhi cha, a hrona vâta pachhapa ta eima y via pachai aw.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

KAOLAOSÂ 1:20

a kraws thisaih ta aryhna taopa ta, ato, alei chô liata a ypa nata avâ liata a ypa zydua ano nata a ryhpa ta a tao.

KAOLAOSÂ 2:14

Ku ta ropa ryhpazy cha miah dyuhtuhpa nata miah chakhiatuhpa châ ei ta, châhrasala zyh awpa ta eimâ bâh tlôhpazy ama châ. Krista deikua cha eimâ bâhpa zydua phie ta, kraws liata khaipâpa ta pahlei ta, eima moleina zydua miah ngiahthaituhpa a châ.

HEBRAI 10:14

Ei kha â hlâna ta a pathaisa hapazy cha, chhâzaw châta a pakipa ha ei.

HEBRAI 2:17

Chavâta chyhsazy châta molei reihpha cheina tao awpa ta, Khazohpa chakaona liata zawngiah theipa nata ngâchhihpa theihthai beichaipa a châ thei nawpa ta, kyh to liata a unawhzy hawhta a y awpa cha a byuhpa rai a châ.

HEBRAI 7:26

Cha hawhpa theihthai beichaipa, pathaihpa, palôh phapa, apuapa a bai leipa, moleipazy tawhta pananopa nata avâzy chô lâta cheihchalopa eima hnei awpa cha â ngiahpa rai a châ.

HEBRAI 9:26

Cha hawhta châ leipa sala, leilô y tua no tawhta pasa a tao chanei ngâ thlâh ha aw. Châhrasala daihti chhâna lâ liata, chhâzaw châta ei kha a vaw luah ta, anosasyh ta atheihna ta a hlâpa ta moleina a pahlei haw.

2 PITY 1:1

Zisu Krista chakaotuhpa nata lyuhchâpa Saimaw Pity ta Zisu Krista eima Khazohpa nata Pachhatuhpa siana vâta keimo topa hawhpa ngiapâna sôh ngaitapa a to hrapazy ei châ naoh ei.

1 ZAWHÂNA 3:8

Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.

BIEPHUAH 14:6

Chatawhcha vâlyuhchâpa hropa avâ liata a zaw ngâpa hmô na ta. Ano cha alei liata a pahrâpa râh to, chi to, reih to nata phopi to hnohta phuah awpa tlyzaw thâtihpha a hneipa a châ.

BIEPHUAH 3:7

“Philadelphia Awnanopa vâlyuhchâpa hnohta hetana heta roh teh: ‘Mopathaihpa, a hmeiseihpa, Dâvi châhbi hnei ta, ahy hmahta khaw thei lei awpa ta a pahytuhpa, ahy hmahta pahy thei lei awpa ta a khawtuhpa ta he biezy he a reih.