DÂNIAH 9:19 - Mara Bible RV (BSI)

¹⁹ Hy Abeipa, thei la, Hy Abeipa, a ngiahthai mah y. Hy Abeipa, nathlie la, hria mah y. Na moh vâta, na khihpi nata na moh a phaohpa na phopi vâta, Hy ei Khazohpa, hawh khah y,” tah na ta.

DÂNIAH 9:19 ပူးပေါင်းရင်းမြစ်များ

2 THÂTIHZYRONA 6:21

Châ chakaotuhpa nata na phopi Izarei sawzy ta he su lâ a heihpa ta thlah ama chhâ tita, ama hianazy vaw nathlie tyh mah y. Na pahrâna su vârâh tawhta vaw nathlie la, na thei tita a ngiahthai tyh mah y.

2 THÂTIHZYRONA 6:39

ama thlahchhâna nata ama hiana cha, na pahrâna su vârâh tawhta vaw nathlie la, ama hiana cha hlao patloh la, na chô liata a molei hapa na phopi cha a ngiahthai mah y.

ISAI 43:7

Ei rônahna châta paysa na ta, Kei ta padua na ta, kei ta ei taopa, Ei moh a phaohpa maih a vaw chhi khai mah y.”

ZEREMIAH 14:7

“Eima paraonazy ta miah leih hra sala, Na moh vâta, Hy Abeipa, rai hria mah y; Eima paonazy hluh ngaita ta, Na chô liata eima vaw molei haw.

ZEREMIAH 14:9

Khazia chyhsa noraihpa hawhta y aw chi ta, A pachha thei leipa pasaipha hawhta na y aw? Chatahrasala Hy Abeipa, Nâ cha eima hry liata y chi ta, Keimo chhao na moh a phaohpa eima châ hih, Miah siesai khah y.”

ZEREMIAH 25:29

Moh teh u, ei moh a phaohpa khihpi chô liata chhiena patlôsa pathao ha na ta, hrie leipa ta nama y aw ma? Alei liata a pahrâpa zydua a dyuh awpa ta zaozi aw ha na ta, chavâta hrie leipa ta y aw veih ei chi,’” Pheisaihzy Abeipa ta a tah.

EZEKIA 20:14

Châhrasala ama mohmô liata ei kaw chhi papuapa phopizy hmiakô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

EZEKIA 20:22

Châhrasala ama mohmô ta Izarei sawzy ei kaw chhi papuapa phopizy hmiakô liata ei moh papuapaleipa ta a y lei nawpa ta, ei ku pako na ta, hrie lei awpa lâta hmo ei tao hapa a châ.

EZEKIA 20:9

Châhrasala ama hry liata ama pahrâpa phopizy mohmô liata keimasasyh ta â pahnosapa ta, phopizy mohmô lia tlai ta Izi râh tawhta ei kaw chhi papuapa ama châpa vâta, phopizy mohmô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

EZEKIA 36:22

“Chavâta Izarei pathlazy cha hetana heta chho teh. Abeipa Zehôvâh ta hetana heta a tah: Hy Izarei pathlazy saih u, nâmo thapasa vâ châ leipa ta, nama siena râhzy liata nama papuapaleipa ei moh pathaihpa thapasana vâta, he hmo he tao ei chhuahpa a châ.

EZEKIA 39:25

“Chavâta Abeipa Zehôvâh ta hetana heta a tah: Tahmâ cha Zakaw vânoh patosa heihpa ta, Izarei pathla zydua zawh a ngiah heih aw ei na ta, ei moh pathaihpa cha liahsa ei pabohsa ha bâ aw.

DÂNIAH 9:18

Hy ei Khazohpa, na nah pachôh la, nathlie tua; na mo padeih la, keimo nata na moh a phaohpa na khihpi roryhra hapa he moh tua. Eima hiapazy he eima siana vâta na hmiakô liata a vaw tlôkheipa châ leipa pi ta, na zawngiahna rônah ngaitapa vâta tlao a châ.

AMÔSÂ 7:2

Râh liata sibiepa cha khawsuzy ta ama nie khai nahta, “Hy Abeipa Zehôvâh, rie a ngiahthai mah y! Zakaw cha chyhta tlôh ta, Kheihta ma â duah thei aw?” tah na ta.

MALUHREINA 14:19

Na kyhpachâna rônah ngaitapa vâta, he chyhsazy hmoparaona he ngiachhiepa ta a ngiahthai la, Izi râh tawhta tahmâ taihta nâ ngiahthai lymâpa hawhta, he chyhsazy hmoparaona he a ngiahthai mah y,” tah ta.

MALUHREINA 6:27

“Cha hawhna chata Izarei sawzy chô liata ei moh paysa aw ei ta, kei ta âmo cha byhnâ ei pie aw ei,” tah ta.

LUKA 11:8

Ei cha chho ei, a viasa a châpa vâta thyupa ta a pie leipa chhao ta, bâh leipa ta a hia ngâ thlâh hapa vâta, thyu aw ta â ngiahpa hawhta a pie aw.

HMOTAOPAZY 15:17

Chatanachata chyhsapa laibâhpazy ta Abeipa tlua aw ei ta, Ei moh a phaohpa Zenitai zydua ta Abeipa cha ama tlua aw, Abeipa ta a tah; Cha zydua taotuhpa,

EPHESI 1:12

Chatanachata keimo, Krista liata hnabeiseihna a hnei tuapazy pi he a rônahna reithaina eima châ thei aw.

EPHESI 1:6

A ngiachhiena rônahzie reithai awpa ta, saw châna cha a Kyhpachâpa liata a saipa ta miah a pie.

EPHESI 3:10

Chatanachata Khazohpa sona hnei hluhzie cha, avâ suzy liata ryureihtuhpazy nata biehneituhpazy hnohta, Awnanopa hmâpa ta pahnosapa ta a y thei aw.