DÂNIAH 9:15 - Mara Bible RV (BSI)

¹⁵ Hy Abeipa eima Khazohpa, ku thatlôpa ta na chyhsazy Izi râh tawhta a chhi papuatuhpa nata nâma sasyh ta tanoh taihta na moh â parônahsa lymâpa y, molei ha pi ta, hmo thata eima vaw parao haw.

DÂNIAH 9:15 ပူးပေါင်းရင်းမြစ်များ

1 ABEIZY 8:51

Âmo cha nâma phopi nata na ryuto châ awpa ta, Izi râh, thua patisana hry tawhta nâ chhi papuapazy cha tlôh ei ta.

2 ABEIZY 21:15

Ama pathlatuhpazy Izi râh tawhta ama kaw pua noh tawhta tanoh taih heta, ei mohmô liata hmo pha lei ngaitapa tao ei ta, ei pathi eina pa-iapa vâ ei ta, cha hmo cha ama chô liata ei tao aw,” tah ta.

2 THÂTIHZYRONA 6:37

sei ta amâ chhina râh liata ama palôh zy ananopa ta, ro ei sala, sei ama châna râh liana chata, ‘Hmo vaw parao ha pi ta, â do lei ngaitapa nata molei ngaitapa ta eima vaw tao haw,’ tahpa ta cha hiah ei sala,

NEHEMIAH 1:10

He sahlao he na hmotaotheina rônahpa nata na ku thatlôpa ta na chatlaipa, châ chakaotuhpazy nata na phopi ama châ hih.

NEHEMIAH 1:6

Izarei sawzy moleina, na chô liata eima moleinazy reihpha ei cheina he na nah vaw pachôh la, na mo vaw padeih la, châ chakaotuhpa, na phopi Izarei sawzy châta, châ chakaotuhpa ta chhô nah zâ ta na hmiakô liata ei thlahchhâna he rie vaw nathlie mah y. Kei nata ei chiheihzy ta eima vaw molei haw.

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

HLAZY 106:8

Chatanachôta a moh vâta âmo cha pachha pyly ta, A hmotaotheina rônahpa a pahnosa ei.

PUASAINA 13:14

Noh hro ta nama sawzy ta, ‘He kyhchhi he khâpa ma a yzie?’ tahpa ta ama cha hiahri tita, ama hnohta, ‘Abeipa ta ku thatlôpa ta Izi râh seichâna tawhta miah â chhi papuapa pamosana a châ.

PUASAINA 13:16

Cha hmo ngiana cha nama ku liata y aw ta, nama mo nata mo likawh liata khiriena ta a y awpa a châ, Abeipa ta ku thatlôpa ta Izi râh tawhta miah â chhi papua ha hih,” tah ta.

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

PUASAINA 13:9

Zawpakhô kyhchhi nama hmâ tyh awpa cha, Abeipa ryhpa nama pakah liata a y thlâh ha thei nawpa ta, ngiana châta nama ku liata a ky ei chi ta, atheithlâhna châta nama mo nata mo likawh liata nama sopa hawhta a châ aw. Abeipa ta ku thatlôpa ta Izi râh tawhta a châ chhi papua ei hih.

PUASAINA 14:18

Phiraoh nata a talailihzy nata arâ a kiahpazy hmâpa ta palyupalihna ei hlao tita, Izi mo ta kei he Abeipa ei châ tahpa ama pahno aw,” tah ta.

PUASAINA 32:11

Châhrasala Mawsi ta Abeipa a Khazohpa cha a haw ta, a hnohta, “Hy Abeipa, hmotaotheina rônahpa nata ku thatlôpa ta Izi râh tawhta nâ kaw chhi papuapa na phopi chô liata khazia ma cha tlu po ta na hie a hâh tly?

PUASAINA 6:1

Abeipa ta Mawsi hnohta, “Tahmâ cha Phiraoh chô liata ei tao awpa na hmô bâ aw. Ei ku thatlôpa a hmôpa vâta, Izarei sawzy pasiesa aw ta; ei ku thatlôpa a hmôpa vâta, a râh tawhta a papua aw ei,” tah ta.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

ISAI 55:13

Ahloh vyuhpa ta meisah vyhpa pyuh aw ta, Diahsai vyuhpa ta mytlia kô a pyuh aw. Cha cha Abeipa moh pha nawpa châta châ aw ta, Chhawh pathlahpa ta y beih leipa aw ta, Tlyzaw châta ngiana ta a y lymâ aw.”

ISAI 64:4

Nâ hawhpa Khazohpa thâtih he, Hlâno tawhta nah ta thei beih leipa ei ta; Ano a hâtuhpazy châta hmo a tao tyhpa chhao, Nâma leipa ta cha, Khazoh hropa mo ta hmô beih veih ei.

ZEREMIAH 14:20

Hy Abeipa, eima paraonazy a pahno pi ta, Miah pathlatuhpazy thaileina chhao eima pahno; Na chô liata eima vaw molei ha tlai na.

ZEREMIAH 32:10

Râh chaleina ryuchâ liata ei moh roh na ta, moh chahnaona ta chahnao pa-i na ta, pahnokheituhpazy pahmaohpa ta, tâkâ cha khopathliahna ta ei pathliah.

CHAPHÔHTUNA 3:42

“Hmoparao pi ta eima châ dyuh, Chavâta miah a ngiahthai va chi.

EZEKIA 5:6

Chatanachôta ei ryhpazy a dyuhpa ta, phopi hropazy hlâta thata molei via ta; ei bieraopazy a dyuhpa ta, a chheipâh râhzy hlâta a molei via haw. Ei ryhpazy dytha ei ta, ei bieraopazy a chhih veih ei.

DÂNIAH 9:5

molei ha pi ta, hmoparao ha pi ta, molei ngaitapa ta hroh pi ta, châ dyuh pi ta, na biepiepazy nata bieraopazy eima vaw tleisai haw.

LUKA 15:21

A sawchapawpa ta a paw hnohta, ‘Ei pâ y, Khazohpa chô liata nata na hmiakô liata hmo ei parao haw. Na sawchapawpa ta bi tlâh chhao châ khao va na. Na hnohta hria hlaopa pakha hawhta rie na tao hra mah y,’ tah ta.

LUKA 18:13

Chhiekheituhpa deikua cha, lâhlapi ta a duah ta, avâ lâ chhao ua ngâh leipa ta, a chachôhna a chô ta, ‘Khazohpa y, kei moleipa he na ngiachhie mah y,’ tah ta.

2 KAWRINI 1:10

Khazohpa ta thina chichhihpa tawhta miah pachha ha ta, miah pachha heih aw ta, miah a pachha lymâ aw tahpa eima hnabeiseihna ano liata eima pahnieh.

RYHPACHANEINA 5:15

Nâ chhao Izi râh liata sei châ chi ta, cha tawhtapa cha Abeipa na Khazohpa ta ku thatlôpa nata bâh pazawhpa ta a châ chhi papua tahpa a thei thlâh ha mah y. Chavâta Abeipa na Khazohpa ta Pahânoh chay awpa ta bie a cha pie.