DÂNIAH 8:6 - Mara Bible RV (BSI)

⁶ Mie chata mietaku tôhpa, ki miano a hneipa, chavah kiah liata â duah thlâh hapa ei hmôpa kha vaw pangai ta, thata a hrâhpa ta vâ râhnao ta.

DÂNIAH 8:6 ပူးပေါင်းရင်းမြစ်များ

DÂNIAH 8:5

He kyh he ei pachâ hai nota, moh teh u, notla lâ tawhta mie tôhpa pô kha kaw pua ta, alei rai tly leipa ta alei chô zydua chahryh ta. Cha mie cha a mozy likawh liata ki a lâluah ngaitapa hnei ta.

DÂNIAH 8:7

Mie tôhpa ta mietaku tôhpa cha â kei hniapa hmô na ta, a chô liata a hiehâh ngaita ta, chatanachata mietaku tôhpa cha kei daih ta, a ki mianopazy cha thliepa ha ta. A hmiakô liata a duah thei awpa ta mietaku tôhpa ta thatlôna rai hnei vei. Chavâta alei liata papao ta, tlypâ ta, mie tôhpa hmotaotheina tawhtapa cha mietaku tôhpa a pachha theipa y veih ei.