DÂNIAH 8:4 - Mara Bible RV (BSI)

⁴ Mietaku tôhpa chata notla lâ zy, maw lâ zy, chho lâ zy a tôh laihpa hmô na ta, a hmiakô liata a duah theipa sa rai y leipa ei ta, a ku tawhtapa a pachha theipa y hra veih ei. A khozie hawhta tao ta, a rônah via lymâ.

DÂNIAH 8:4 ပူးပေါင်းရင်းမြစ်များ

1 ABEIZY 22:11

Kenânâ sawchapawpa Zedekia ta thua kizy a tao ta, abei hnohta, “Abeipa ta hetana heta a tah, ‘Hezy hmâpa heta Aramia mo cha ama leidia khaina taihta na daih aw ei,’” tah ta.

ZAWBÂ 10:7

Thaileina ei hnei leizie pahno chi ta, Na ku tawhta nâ pachha awpa y veih ei tahpa Na pahno thlâh ha vei ma?

HLAZY 44:5

Nâma vâta eima khakhaipazy chati pathlah pi ta, Na moh vâta miah thyuhnaopazy eima tlysao haw.

HLAZY 50:22

“Chavâta nâmo, Khazohpa a mypa saih u, A phapa ta pachâ teh u; Chataleipatala cha hriechheih aw ei na ta, Châ pachha awpa y aw veih ei.

HLAZY 7:2

Chataleipatala chakeibarôhneipa hawhta ei hro chaphie aw ei ta, Pachhatuhpa hnei leipa ta ama hriechheih khai pathlei aw.

EZEKIA 34:21

Mietaku chiehleipazy cha nama papai hlâlei nama kâ nata nama ngiatlâh ta chakho ei chi ta, nama kizy ta nama daihpa vâta,

DÂNIAH 11:16

Chho bei a dyuhtuhpa ta a khozie hawhta tao aw ta, a hmiakô liata ahy hmah a duah thei aw veih ei. Râh Ngiapa liata a duah aw ta, a ku liata parao theina a y aw.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

DÂNIAH 5:19

Laina a piepa vâna chata, phopi to, râh to nata reih to ta a hmiakô liata a chalyu ei ta, ama chi ngaita. A khopa maih thie ta, a khopa maih a pahro; a khopa maih pasâhsa ta, a khopa maih a panawh.

DÂNIAH 5:30

Cha zâ liana tlai chata Kaldia bei Belsâza cha thiepa châ ta,

DÂNIAH 7:5

Sahrâhpa mianona cha chavyh lyu ta. Kârakha ta a duah ta, a pakah chhôh a hâhzy likawh liata kâru miathôh y ta, a hnohta, ‘Thyu la, sa thata nie teh,’ tahpa ta chhopa a châ.

DÂNIAH 8:7

Mie tôhpa ta mietaku tôhpa cha â kei hniapa hmô na ta, a chô liata a hiehâh ngaita ta, chatanachata mietaku tôhpa cha kei daih ta, a ki mianopazy cha thliepa ha ta. A hmiakô liata a duah thei awpa ta mietaku tôhpa ta thatlôna rai hnei vei. Chavâta alei liata papao ta, tlypâ ta, mie tôhpa hmotaotheina tawhtapa cha mietaku tôhpa a pachha theipa y veih ei.

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

RYHPACHANEINA 33:17

Zawsi cha viahchao pataw tuapa tôhpa hawhta rônah ta, A kizy chaoliah tôhpa ki hawhta a châ; A ki ta phopizy tôh aw ta, Ama zydua ta alei chhâna taih a tôh pathlah aw ei. Âmo cha Epharai thy hluhpi châ ei ta, Manase sâh hluhpizy ama châ.”