DÂNIAH 8:3 - Mara Bible RV (BSI)

³ Ei mo kaw ua na ta, moh teh u, mietaku tôhpa pô kha chavah kiah liata â duah thlâh hapa hmô na ta. Ki miano hnei ta, cha ki mianopazy cha seih kaw ei ta, châhrasala ki khapa cha ki hropa hlâta seih via ta, ki seih viapa he a thao hawh viapa tlao a châ.

DÂNIAH 8:3 ပူးပေါင်းရင်းမြစ်များ

1 THÂTIHZYRONA 21:16

Dâvi cha mohmia pasaih ta, alei nata avâ likawh liata â duah thlâh hapa Abeipa vâlyuhchâpa hmô ta. A ku liata zaozi â chabapa cha Zerusale chô liata pazawh ta. Dâvi nata machâzy cha latho poh a bupa ta alei liata â khu lâta pao ei ta.

EZRÂ 1:2

“Persia bei Kôresâ ta hetana heta a tah: Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie.

EZRÂ 4:5

Persia bei Kôresâ a bei chhôh zydua ryhraokheituhpazy hnohta panaopapanazy piepa ta, Achhyna o sa amâ chhuahpa cha patypamâ lymâ ei ta. Persia bei Dâria â beina taihta cha hawhta ama tao lymâ.

ESTHERI 1:3

 beina kô thôhna liata a beimachâ nata chakaotuhpa zydua châta kyhchhi tao ta. Persia nata Media pheisaihzy nata râh pachhaihpazy tawhta nôpawpazy nata râhvaotuhpazy a hmiakô liata y khai ei ta.

ISAI 13:17

“Pachâ teh u, âmo a dyuh awpa ta Media mo pathyu aw na ta, Cha phopi cha tâkâ pachâ leipa ei ta, Ngôh liata a ly hra veih ei.

ISAI 21:2

Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.

ISAI 44:28

Kôresâ kyh liata, ‘Ano cha ei mietaku vaituhpa châ ta, Ano ta ei chhuahna zydua pi a patloh aw,’ A tahtuhpa ei châ. Zerusale kyh liata, ‘Paduapathipa a châ aw,’ tah na ta, Achhyna o kyh liata, ‘Nâ bôna lôbô bôpa a châ aw,’ A tahtuhpa ei châ.”

ZEREMIAH 51:11

“Châtaizy chata u la, Vyhphaozy a chaba teh u! Abeipa ta Babylaw parao a chhuah ha ta, Chavâta Media beizy palôh a pathyu haw; Cha cha Abeipa phuh lana châ ta, Achhyna o phuh a lana a châ.

DÂNIAH 10:5

Avâ kaw ua na ta, kaw moh na ta, pala rih dipa chysia ta a tobi ta, Upha râh ngôh suapa chaisaihna ta a chai â saihpa chyhsa pakha hmô na ta.

DÂNIAH 2:39

Nâma khai tawhta khinarâh hropa, nâma hlâta a nawh viapa a vaw duah aw ta, cha khai tawhta khinarâh miathôhna, alei chô zydua liata ryu a reih awpa dawh khinarâh â vaw duah aw.

DÂNIAH 5:31

Media Dâria ta khinarâh cha to ta, ano he kô sycharu nata kô no rachhôhpa a châ.

DÂNIAH 6:28

Chatanachata Dâniah cha Dâria â bei daihti liata nata Persia chyhsa Kôresâ â bei daihti zy liata thlaochhipa ta y lymâ ta.

DÂNIAH 7:5

Sahrâhpa mianona cha chavyh lyu ta. Kârakha ta a duah ta, a pakah chhôh a hâhzy likawh liata kâru miathôh y ta, a hnohta, ‘Thyu la, sa thata nie teh,’ tahpa ta chhopa a châ.

DÂNIAH 8:2

Aluahna liata hmô na ta; hetana heta vaw châ ta, aluahna ei hmô nona cha kei cha Elâmi râh liata Susâ thokhy khihpi liata vaw y thlâh ha na ta. Aluahna liata hmô na ta, Ulai chavah kiah liata vaw y na ta.

DÂNIAH 8:20

Mietaku tôhpa ki miano a hneipa na hmôpa kha Media nata Persia beizy ama châ.

ZEKARIA 1:18

Chatawhcha avâ lâ kaw moh na ta, saki ki palih hmô na ta.

ZEKARIA 2:1

Chatawhcha avâ lâ kaw moh na ta, chyhsa pakha a ku liata thliena ri a chabapa hmô na ta.

ZEKARIA 5:1

Avâ lâ kaw moh heih na ta, châbu chatypa a zaw ngâpa hmô na ta.

ZEKARIA 5:5

Bie nâ chhotuhpa vâlyuhchâpa kha hmia lâ vaw pua ta ei hnohta, “Avâ lâ ua la, a vaw pua ngâpa hmo khi khâpa ma a châ tahpa moh teh,” tah ta.

ZEKARIA 5:9

Chatawhcha avâ lâ uapa ta kaw moh heih na ta, chanô pano thlih liata ama mathlaw ta a vaw zaw ngâpa hmô ei na ta. Ama mathlaw cha vawpô mathlaw nata a lyu ta. Hrâbyh cha alei nata avâ likawh liata chalo ei ta.

ZEKARIA 6:1

Avâ lâ kaw moh heih na ta, talailih miapalih cha tlâhpi miano likawh tawhta amâ vy haipa hmô na ta. Tlâhpizy cha dawh tlâhzy ama châ.

MALUHREINA 24:2

Bâlâma cha mohmia pasaih ta, Izarei sawzy a chi chi ta riehmo ama paryhpa hmô ta. Khazohpa Thlahpa a chô liata vaw tlô ta,

ZAWSUA 5:13

Zawsua cha Zerikô khihpi kiapâh liata a y nota, mohmia pasaih ta, a hmiakô liata chyhsa pakha, zaozi a paih tawhta phia chiehpa a chabapa ta a vaw duah thlâh ha ta. Zawsua ta kei pangai ta, a hnohta, “Keimo chhâh a châpa ma na châ, eima khakhaipazy chhâh a châpa chi maw?” tah ta.

BIEPHUAH 13:11

Chatawhcha sahrâhpa hropa alei tawhta a vaw puapa hmô na ta. Mietakutaw hawhta ki no hnei ta, drâkao reih pathliezie hawhta a reih a pathlie.

BIEPHUAH 5:6

Chatawhcha beidyuchhai nata hmohrohneipa miapalihzy likawh liata machâzy hry liata Mietakutaw a duahpa hmô na ta, Mietakutaw cha thie chiehpa lyu ta, ki miasari nata mokhaoh miasari a hnei. Mokhaoh miasarizy cha, alei chô zydua liata tuapa Khazohpa Thlahpa pasarizy ama châ.