DÂNIAH 8:22 - Mara Bible RV (BSI)

²² Ki a tlie hapa nata a su liata ki palih a kaw thaopazy kha, a râh tawhta khinarâh miapalih a vaw duah awpazy pamosa ta, ano hawhta hmotaotheipa deikua châ aw veih ei.

DÂNIAH 8:22 ပူးပေါင်းရင်းမြစ်များ

DÂNIAH 11:4

 vaw bei tawhta, a khinarâh cha kei chheih aw ta, avâ thlih miapalihzy lâta pachhaihpa ta y aw ta, a pathlazy hnohta piepa châ leipa aw ta, biehneina ta ryu a rei tyhnazie hawhta châ hra aw vei; a khinarâh cha chakhia pathlapa châ aw ta, mohropazy hnohta piepa a châ aw.

DÂNIAH 7:6

He khai tawhta moh na ta, sahrâhpa hropa cha keihchhoh lyu ta, a ky liata pavaw mathlaw miapalih hnei ta. Cha sahrâhpa cha luh miapalih hnei ta, a hnohta ryureina piepa a châ.

DÂNIAH 7:7

He khai tawhta, zâ ta aluahna liana chata, sahrâhpa miapalihna, rarôh y ngaitapa, chichhih ngaitapa nata thatlô ngaitapa hmô na ta. Thua hâh lai ngaitapazy hnei ta, a baw ta bawh ta, a tlawh ta hriechheih ta, a laibâhpazy cha a phei ta a tlybai lymâ. Sahrâhpa hmiatuapa zydua nah khata anano ta, ki hrawh a hnei.

DÂNIAH 8:21

Mie tôhpa hmi rôhpa kha Krikâh bei châ ta, a mozy likawh liata ki laipa kha abei tua chaipa a châ.

DÂNIAH 8:23

Amâ beinarâh chhâna lâ liata, hmoparaopazy paraona kih a tlô tita, abei hmia chichhih ngaitapa, bie khiakhipazy yzie a pahnopa a vaw pua aw.

DÂNIAH 8:3

Ei mo kaw ua na ta, moh teh u, mietaku tôhpa pô kha chavah kiah liata â duah thlâh hapa hmô na ta. Ki miano hnei ta, cha ki mianopazy cha seih kaw ei ta, châhrasala ki khapa cha ki hropa hlâta seih via ta, ki seih viapa he a thao hawh viapa tlao a châ.

DÂNIAH 8:8

Mie tôhpa cha thata vaw lai ta, châhrasala a thatlô lichih ta, a ki laipa cha thliepa châ ta, a su liata ki a lâluah kawpa ki palih, avâ thlih miapalihpazy lâ a heipa ta kaw thao ei ta.

ZEKARIA 6:1

Avâ lâ kaw moh heih na ta, talailih miapalih cha tlâhpi miano likawh tawhta amâ vy haipa hmô na ta. Tlâhpizy cha dawh tlâhzy ama châ.