DÂNIAH 8:21 - Mara Bible RV (BSI)

²¹ Mie tôhpa hmi rôhpa kha Krikâh bei châ ta, a mozy likawh liata ki laipa kha abei tua chaipa a châ.

DÂNIAH 8:21 ပူးပေါင်းရင်းမြစ်များ

DÂNIAH 10:20

Chatawhcha ano ta, “Khâpa vâta nâ lâ a vypa ma ei châ tahpa na pahno ma? Tahmâ Persia ryureituhpa a dyuh awpa ta kua aw na ta, kei ei pua tita, moh teh, Krikâh ryureituhpa â vy aw.

DÂNIAH 11:2

“Tahmâ biedopa ei cha chho aw. Moh teh, Persia liata abei pathôh vaw pua via aw ei ta, a papalihna cha ahropa zydua hlâta a hneirôh via chai aw. A hneirônazy vâta a tha a kaw tlô tita, Krikâh khinarâh a dyuh awpa ta chyhsa zydua a pathyu aw.

DÂNIAH 11:3

Chatawhcha bei thatlô ngaitapa vaw pua aw ta, biehneina lai ngaitapa ta ryureih aw ta, ano rei sai ta a tao aw.

DÂNIAH 2:39

Nâma khai tawhta khinarâh hropa, nâma hlâta a nawh viapa a vaw duah aw ta, cha khai tawhta khinarâh miathôhna, alei chô zydua liata ryu a reih awpa dawh khinarâh â vaw duah aw.

DÂNIAH 7:6

He khai tawhta moh na ta, sahrâhpa hropa cha keihchhoh lyu ta, a ky liata pavaw mathlaw miapalih hnei ta. Cha sahrâhpa cha luh miapalih hnei ta, a hnohta ryureina piepa a châ.

DÂNIAH 8:20

Mietaku tôhpa ki miano a hneipa na hmôpa kha Media nata Persia beizy ama châ.

DÂNIAH 8:22

Ki a tlie hapa nata a su liata ki palih a kaw thaopazy kha, a râh tawhta khinarâh miapalih a vaw duah awpazy pamosa ta, ano hawhta hmotaotheipa deikua châ aw veih ei.

ZEKARIA 9:13

Zudâh cha ei libaw châta a kei na ta, Epharai cha a châtai ta ei tao haw. Hy Zaio, na sawchapawzy ei pathyu aw, Hy Krikâh, na sawchapawzy ei dyuh aw, Pasaipha zaozi hawhta ei cha pahieh aw.