DÂNIAH 8:18 - Mara Bible RV (BSI)

¹⁸ Ei hnohta bie a rei hai no tlai chata, ei hmia alei lâ a khupa ta mokuh pahâh ngaitapa ta a vaw mô ha na ta. Châhrasala na vaw hria ta, na padua ta.

DÂNIAH 8:18 ပူးပေါင်းရင်းမြစ်များ

ÂTHAONA 15:12

Noh a tla hai nota, Abarâ cha a mokuh thata vaw ei ta, a mô ha ta. Zohna rarôh y ngaitapa nata chichhihpa ta ano cha vaw khu ta.

ZAWBÂ 4:13

Zâ saduthlienazy hry liata, Chyhsazy mokuh pahâpa ta amâ mô chhôh ta,

EZEKIA 2:2

Ei hnohta bie a rei hai nota, Thlahpa ei chhôh liata a ngia ta, ei phei ta na paduasa ta, ei hnohta bie a reipazy cha ei thei.

DÂNIAH 10:16

Moh teh u, chyhsapa a lyupa pakha ta ei hmaozy na vaw hria ta, chatanachata ei pakah âpa ta bie reih thei ha heih na ta. Chatawhcha ei hmiakô liata a duahpa hnohta, “Hy ei zibeipa y, aluahna vâta pachârôhna ta thata na vi ta, tha rai hnei khao va na.

DÂNIAH 10:18

Chyhsapa a lyupa chata na vaw hria heih ta, tha na patlô heih ta.

DÂNIAH 8:17

Chatanachata Kabriel cha ei duana kiapâh lâ a vy ta. Â vy nahta, chi ngaita na ta, ei hmia alei lâ a khupa ta pao na ta. Ano ta ei hnohta, “Hy chyhsa sawchapawpa y, aluahna he daihti chhâna kyh a châ tahpa pahno mah y,” tah ta.

DÂNIAH 8:27

Kei, Dâniah cha thachhâpa ta y na ta, noh khazie tlyma pasapa ta a zia na ta. Chatawhcha thyu na ta, abei rai cha hria heih na ta, châhrasala aluahna ta ei thlah thata na pazo ta, a yzie rai pahno leipa na ta.

ZEKARIA 4:1

Chatawhcha bie nâ chhotuhpa vâlyuhchâpa kha vaw kua ta, chyhsa â môpa pahrapa hawhta na vaw pahra ta.

LUKA 22:45

Thlah a chhâ khai tawhta thyu ta, pachupazy lâ a vy ta, pachârôhpa vâta amâ mô thlâhpa hmô ta.

LUKA 9:32

Pity nata a viasazy cha mokupa ta tlauah ei ta, amâ vaw hra nahta, a rônahna nata a hnohta chyhsa pano a duahpazy cha hmô ei ta.

HMOTAOPAZY 26:6

Khazohpa ta miah pathlatuhpazy hnohta bie â taihpa liata hnabeiseihna ei hneipa kyh vâta tahmâ he liata pachiapa ta a duahpa ei châ.

BIEPHUAH 1:17

Ano cha ei hmô nahta, athihpa hawhta a phei thaby liata pao na ta. Châhrasala ano ta a ku chachâh lâ ei chô liata vaw pahnieh ta, ei hnohta, “Chi khah y, kei he âthaona nata achhâna châ na ta,