DÂNIAH 8:12 - Mara Bible RV (BSI)

¹² Mopathaihpa sahlao nata raopa hlâna khâ hlâ tyhpazy cha, paraona a ypa vâta ano hnohta piepa châ ta, biedopa alei lâ za pazaw ta, a hmotaopa maih liata a hlao a tloh lymâ.

DÂNIAH 8:12 ပူးပေါင်းရင်းမြစ်များ

ZAWBÂ 12:6

Hraotuhpazy ama poh o liata thlalôhpa ta y ei ta, Ama ku ta ama khazoh chaba ta, Khazohpa hie pahâhpazy â bohpa ta ama y.

HLAZY 119:142

Na siana cha chhâzaw siana châ ta, Na ryhpa chhao biedopa a châ.

HLAZY 119:43

Ei hnabeiseihna cha na ryhpa liata y ta, Chavâta biedopa ei pakah tawhta la pathlah khah y.

HLAZY 28:5

Abeipa raihriazy pachâ leipa ei ta, A ku raihriazy ama pachâ leipa vâta, Âmo cha parao aw ta, Paduapathi heih khao aw vei.

ISAI 59:14

Ngâchhihna cha tlyliah liata a hluah ta, Biedopa â ngia thei leipa vâta, Adona cha hnôh lâ pakuasapa châ ta, Siana chhao lâhlapi liata â duah bâ.

ZEREMIAH 12:1

Hy Abeipa, ei cha paphôh thlupa chhao ta, Nâ la a do pyly chi ta, Chatahrasala ei cha nôuna bie ei cha vaw tlôkhei aw. Kheihtazieta ma hmoparaopazy lâpi patlâ ta, Haiphiahpazy ama hlao a tloh thlâh ha tly?

DÂNIAH 11:28

Maw bei cha sôh nata thih hluhpi chhao ta ano râh lâ â lie aw. Châhrasala biehrai pathaihpa adyuhna lâta a palôh pahei aw ta, cha cha a hria khai tawhta a râh lâ â lie aw.

DÂNIAH 7:21

Ei mo thlâh ha nota, cha ki chata mopathaihpazy a dyuh ta, âmo cha pahnie ha ta;

DÂNIAH 8:4

Mietaku tôhpa chata notla lâ zy, maw lâ zy, chho lâ zy a tôh laihpa hmô na ta, a hmiakô liata a duah theipa sa rai y leipa ei ta, a ku tawhtapa a pachha theipa y hra veih ei. A khozie hawhta tao ta, a rônah via lymâ.

BIEPHUAH 13:7

Mopathaihpazy a dyuh ta pahnie awpa ta pasaipa châ ta, chi to, phopi to, reih to nata râh to chô liata biehneina a hnohta piepa a châ.

1 SAMUELA 23:9

Sawla ta a chô liata hmo pha leipa tao â chhuahpa cha Dâvi ta pahno ta, theihthaipa Abiathâ hnohta, “Ephaw kha vaw cheih teh,” tah ta.