DÂNIAH 8:11 - Mara Bible RV (BSI)

¹¹ Anosasyh ta a kaw parônahsapa ta, avâ Bei tlu ta a parônahsa ta, avâ Bei hnohta raopa hlâna hlâ tyhpazy pachhâsapa châ ta, a supathaihpa yna su chhao paraopa a châ.

DÂNIAH 8:11 ပူးပေါင်းရင်းမြစ်များ

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

ISAI 37:29

Ei chô liata na ruchhô ta, Nâ palaina ei nah liata â kaw ngia hapa vâta, Na hnari ei cha daoh aw; Na hmao liata chhâri cha pabaw aw na ta, Nâ vyna lâpi lâ tlai khata ei cha pakuasa heih aw.”

ZEREMIAH 48:26

“Môabâ ta Abeipa â palai thlu; Chavâta parisa u la, A pali liata a hlao sala, Pahneisaopa ta y mawh sy.

ZEREMIAH 48:42

Môabâ cha Abeipa â palai thlupa vâta, Pahleipadiapa châ aw ta, Phopi tloh khao aw vei.

EZEKIA 46:14

Sahrohzy chhaota hlâ awpa ta, my chareih ta niepa hlâna a chhuanoh aw chi ta, viahdie kachu hmo charu hmo kha nata viahdie padâna châta sathaw chhiehraôh ôh kha cha, Abeipa lâta niepa hlâna châta nâ chhuanoh tyh aw. Cha cha chhâzaw châta bieraopa a châ.

DÂNIAH 11:22

Pheisaih hluhpi a hmiakô liata tlokhuh chadai paipa ta y aw ei ta, pachhaih pazaoh khaipa ama châ aw, biehrai hyutuhpa chhao taih ta.

DÂNIAH 11:31

A pheisaihzy vaw pua aw ei ta, Achhyna o nata thokhyzy papuapalei aw ei ta, raopa hlâna hlâ tyhpazy ama pachhâsa aw. Chatanachata roryhrana a patlôsatuhpa hmo pasichhihpa cha ama padua aw.

DÂNIAH 12:11

Raopa hlâna hlâ tyhpa cha pachhâsapa ta, roryhrana patlôsatuhpa pasichhihpa paduapa a châna daihti tawhta, noh 1,290 a châ aw.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

DÂNIAH 8:12

Mopathaihpa sahlao nata raopa hlâna khâ hlâ tyhpazy cha, paraona a ypa vâta ano hnohta piepa châ ta, biedopa alei lâ za pazaw ta, a hmotaopa maih liata a hlao a tloh lymâ.

DÂNIAH 8:24

A thatlô ngaita aw ta, châhrasala ano thatlôna vâta châ aw vei. Raona chichhihpa patlôsa aw ta, a hmotaopa maih liata a hlao a tloh aw. Chyhsa thatlôpazy nata chyhsa pathaihpazy a pahleipadia aw.

DÂNIAH 8:25

A piehpiena ta a ku ry liata dôveina palaiseihsa aw ta, a palôh liata anosasyh ta a chaipa ta a pachâ aw ta, chyhsa hluhpi a bohpa ta amâ pachâ nota âmo cha pahleipadia aw ta, beizy Beipa chhao â dyuh aw. Châhrasala ano cha pahleipadiapa a châ aw, chyhsapa ku ta deikua châ aw vei.

DÂNIAH 9:25

Chavâta he he pahno la, na novâh mawh sy. Zerusale padua pathi awpa nata sa pathi awpa ta bie a pua tawhta Mesia Bei â vyna taihta hâta ei sari a châ aw. Hâta ei sycharu nata ei no chhôh tlyliah nata khaohtlôzy taopathipa châ aw ta, châhrasala he chhôh he daihti rairuna a châ aw.

MALUHREINA 28:3

He he mei ta hmohlâpa Abeipa lâta nama hlâ awpa a châ: Noh kha ta mietakutaw chapawpa kô khapa seina hnei leipa pô no lymâ ta, noh chareih ta raopa hlâna châta nama hlâ aw.

LUKA 21:24

Zaozi ta thi aw ei ta, phopi zydua sei ta a chhipa ama châ aw. Zenitaizy noh â ki hlâlei cha, Zerusale cha Zenitaizy tlypâpa ta a y aw.

2 THYSALAWNIKA 2:4

Ano cha khazoh moh bipa nata a chhypa maih a dyuhpa ta, anosasyh â palyupalih aw. Khazohpa hawhta a phuah aw ta, Khazohpa Achhyna o liata a tyuh aw ta, Khazohpa hawhta â chaluah aw.

HEBRAI 2:10

Ano châta nata ano zawhzi ta ato a ypa Khazohpa ta, saw hluhpi rônahna lâ a chhipa ta ama pachhana a taotuhpa Krista cha, pasa taona siepahliepa ta pakina patosa â chhuahpa cha, a châna awpa rai a châ.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.