DÂNIAH 7:9 - Mara Bible RV (BSI)

⁹ “Ei moh thlâh ha nota, Beidyuchhaizy vaw patyu ei ta, Hlôthlâhpa cha a dyuchhai liata a vaw tyuh ta; A chysia dâhaw hawhta ngyuh ta, A luh sâ chhao sahmi naipa hawhta a châ. A beidyuchhai cha meipaleih châ ta, A tiakizy chhao mei kâ ngâpa a châ.

DÂNIAH 7:9 ပူးပေါင်းရင်းမြစ်များ

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

2 THÂTIHZYRONA 18:18

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta amâ duapa ei hmô.

HLAZY 45:8

Na chysiazy cha ropahâhpa ta biepa ta, Deiryh, lilipaw nata lôiasoh rohzy ta bie ta, Sianaoh abei ozy tawhta Pyungiapa chhaichhi ri chhaopazy ta a cha palysa tyh.

HLAZY 90:2

Tlâhpizy ama y hlâta y ha chi ta, Leilô nata khizaw zy na padua hlâ chhao ta na y haw; Chhâzaw nata tlyzaw ta Khazohpa na châ.

HLAZY 93:2

Na beidyuchhai cha hlâno tawhta pa-ipa châ ta, Nâ cha tlyzaw tawhtapa na châ.

ISAI 6:1

Bei Uzia a thi kô ta, Abeipa cha beidyuchhai a sâhpa nata a chaluahpa liata â tyu thlâh hapa hmô na ta. A poh rônahpa ta Achhyna o pabie khai ha ta.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEREMIAH 49:38

Elâmi râh liata ei beidyuchhai patyuh aw na ta, ama beizy nata ama beimachâzy ei pahleipadia khai aw ei,” Abeipa ta a tah.

EZEKIA 1:26

Ama luh chô vâphuh ahlôpa chô liata beidyuchhai a lyupa y ta, â lânazie cha saphai lôsôhpa hawhta a châ. Beidyuchhai a lyupa chô liana chata chyhsapa alânazie a lyupa a tyuh ta.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

DÂNIAH 7:22

Hlôthlâhpa a vypa ta, Chônôchaipa mopathaihpazy chhâh a châhpa ta pachiana bie phuahpa ta, mopathaihpazy ta khinarâh ama hnei hlâlei cha, âmo cha a pahnie lymâ.

MIKÂ 5:2

Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

HABAKU 1:12

Hy Abeipa ei Khazohpa, Ei Mo Pathaihpa, Nâ cha tlyzaw tawhtapa châ va chi ma? Thi aw ma pi. Hy Abeipa, âmo cha Pachiatuhpa châta rao chi ta; Hy Lôpanô, âmo cha, Chhoreituhpa châta na chahnao ei.

MATHAI 17:2

Ama hmiakô liata a hmia a vaw nano ha ta, a hmia cha noh hawhta khaih ta, a chysiazy chhao khaihpa hawhta vaw dieh ta.

MATHAI 28:3

A hmiaphao cha dôhla pathliepa hawhta châ ta, a chysia cha dâhaw hawhta dieh ta.

MÂKA 9:3

A chysiazy cha a thlaraw vaw sie ta, alei chô liata chysia pasutuhpazy ta ama padiehsa theipa hlâ syulyu ta vaw dieh via ha ta.

HMOTAOPAZY 2:30

Dâvi kha hrohsopa châ ta, a pathla hry liata pakha cha a beidyuchhai liata a tyuh awpa ta Khazohpa ta bie â taihpa pahno thlâh ha ta.

HMOTAOPAZY 2:33

Khazohpa ku chachâh lâta palyupalihpa ta y ta, Thlahpa Pathaihpa pie awpa bietai Paw tawhta hmô ta, nama hmôpa nata nama theipa hawhna heta, Thlahpa Pathaihpa hrypa a châ hih.

PHILIPI 3:9

Ryhpa bie zyhpa vâta siana keima liata hnei leipa na ta, Krista ngiapâna vâta siana a hneipa ei châ. Cha siana cha Khazohpa tawhta a puapa châ ta, ngiapâna vâta hnei theipa deita a châ. Chavâta Krista liata ei y thei nawpa ta, hmo to kyna ta ei rao khai haw.

1 TIMAWTHY 6:16

Ano deita cha thi thei leina hnei ta, khaihpa a hnia thei rimâ leipa liata a pahrâ. Ano cha ahy hmah hmô beih leipa nata hmô thei leipa a châ. Khazohpa hnohta palyupalihna nata hmotaotheina chhâzaw ta y mawh sy. Amen.

1 ZAWHÂNA 1:5

He he ano tawhta bietapa eima theipa nata nama hnohta eima phuahpa cha a châ: Khazohpa cha khaihna châ ta, ano liata zohna rai y vei.

BIEPHUAH 1:14

A luh nata a sâ cha mietaku hmi nata dâhaw hawhta ngyuh ta, a mokhaoh cha meipaleih a lyu.

BIEPHUAH 19:18

beizy, pheisaih hyutuhpazy, pasaiphazy, arâ nata a kiahtuhpazy, chyhsa zydua, sei nata khotalaipazy, mochyhpa nata molaipa sapazy vaw nie teh u,” tahpa ta awh ta.

BIEPHUAH 20:4

Chatawhcha beidyuchhaizy hmô na ta, a chô liata a tyuhpazy cha ryurei awpa ta biehneina piepa châ ei ta. Zisu bie nata Khazohpa bie vâta luh taipazy thlahpa, sahrâhpa nata a nothlahpa a chhy leipa nata ama khi liata tlyma, ama ku liata tlyma, ngiana a hnei leipazy thlahpa chhao hmô na ta. Cha sahlao cha vaw hroh ei ta, kô sâh kha chhôh Krista ryureilâh ei ta.

BIEPHUAH 4:2

Sôkha ta Thlahpa ta vaw y na ta. Vârâh liata beidyuchhai a vaw patyuh ta, cha liata chyhsa pakha a vaw tyuh ta.