DÂNIAH 7:20 - Mara Bible RV (BSI)

²⁰ A luh liata ki miahrawhpazy kyh nata, ki hropa kaw thao ta, a hmiakô liata ki thôhpazy ama tlo hapa kyh zy, mo a hneipa ki nata a palaina bie a reihpa pakah kyh nata ki hropazy hlâta lai viapa ta â lâpa ki kyh chhao kha pahno khoh kaw na ta.

DÂNIAH 7:20 ပူးပေါင်းရင်းမြစ်များ

DÂNIAH 7:11

“Ki ta a palaina biezy thata a reipa vâta kaw moh na ta, ei mo ngâ no tlai ta, sahrâhpa cha thiepa châ ta, a pôhpa paraopa châ ta, mei ta rao awpa ta piepa a châ.

DÂNIAH 7:19

“Chatawhcha sahrâhpa pô palihna, ahropa zydua hlâta â nano viapa nata chichhih ngaitapa, a hâhzy thua châ ta, a patozy dawh châ ta, a baw ta bawh ta, a tlawh ta hriechheih khai ta, a laibâhpazy a phei ta a tlybaipa kyh chhao kha â dopa ta pahno khoh kaw na ta.

DÂNIAH 7:21

Ei mo thlâh ha nota, cha ki chata mopathaihpazy a dyuh ta, âmo cha pahnie ha ta;

DÂNIAH 7:23

“Sahrâhpa pô palihna kyh liata hetana heta a tah: ‘Alei chô liata khinarâh miapalihna vaw y aw ta, Khinarâh hropa zydua nata â nano aw; Alei pôhpalôhpa palâ khai aw ta, Tlybai aw ta a pakeichheih khai aw.

DÂNIAH 7:7

He khai tawhta, zâ ta aluahna liana chata, sahrâhpa miapalihna, rarôh y ngaitapa, chichhih ngaitapa nata thatlô ngaitapa hmô na ta. Thua hâh lai ngaitapazy hnei ta, a baw ta bawh ta, a tlawh ta hriechheih ta, a laibâhpazy cha a phei ta a tlybai lymâ. Sahrâhpa hmiatuapa zydua nah khata anano ta, ki hrawh a hnei.

DÂNIAH 7:8

Kizy thâtih ei pachâ hai nota, ama hry tawhta ki hropa miakha, ki chyhpata kaw thao ta, ki hmiatuapa miathôhpazy kha ama tharizy chhaota a hmiakô liata thlopa ta y ei ta. Cha ki cha chyhsapa mozy hawhta mozy hnei ta, a palai ngaitapa ta bie a reihpa pakah a hnei.”

BIEPHUAH 12:3

Ngiana hropa avâ liata a vaw lâ heih ta. Drâkao saihpa lai ngaitapa, luh miasari nata ki hrawh a hneipa, a luhzy liata lakho miasari a khopa vaw y ta.