DÂNIAH 7:2 - Mara Bible RV (BSI)

² Dâniah ta hetana heta phuah ta, “Zâ ta aluahna liata hmôpa hnei na ta, moh teh u, avâ thlih miapalihpazy ta tilaipi rônahpa cha thata vaw chatlao ei ta.

DÂNIAH 7:2 ပူးပေါင်းရင်းမြစ်များ

ISAI 17:12

Tilaipi a chatlaopa hawhta a chatlaopa Phopi hluhpizy cha ama hu a po na! Tisaih a aohpa hawhta a aohpa Râhzy cha ama hu a po na!

ZEREMIAH 49:36

Avâ kaokih miapalih tawhta thlih miapalih Elâmi chô liata vaw pathlisa aw na ta, thlih pathlina kaokih to lâta ei papai aw ei. Elâmi râh tawhta to papua chyhsazy tlô leina râh rai y aw vei.

ZEREMIAH 51:42

Babylaw cha tilaipi ta vao ta, Tichatlaopa a aoh ngâpa ta a vao haw.

DÂNIAH 11:4

 vaw bei tawhta, a khinarâh cha kei chheih aw ta, avâ thlih miapalihzy lâta pachhaihpa ta y aw ta, a pathlazy hnohta piepa châ leipa aw ta, biehneina ta ryu a rei tyhnazie hawhta châ hra aw vei; a khinarâh cha chakhia pathlapa châ aw ta, mohropazy hnohta piepa a châ aw.

DÂNIAH 2:19

Chatanachata bienyupa cha zâ ta aluahna liata Dâniah hnohta palâhâhpa châ ta. Dâniah ta avâ Khazohpa cha reithai ta.

DÂNIAH 7:13

“Zâ ta aluahna liata hmô na ta, Moh teh u, avâ meihdo hry liata, Chyhsa sawchapaw a lyupa a vy ta; Hlôthlâhpa hnohta a vy ta, A hmiakô liata amâ vaw chhi.

DÂNIAH 7:7

He khai tawhta, zâ ta aluahna liana chata, sahrâhpa miapalihna, rarôh y ngaitapa, chichhih ngaitapa nata thatlô ngaitapa hmô na ta. Thua hâh lai ngaitapazy hnei ta, a baw ta bawh ta, a tlawh ta hriechheih ta, a laibâhpazy cha a phei ta a tlybai lymâ. Sahrâhpa hmiatuapa zydua nah khata anano ta, ki hrawh a hnei.

DÂNIAH 8:2

Aluahna liata hmô na ta; hetana heta vaw châ ta, aluahna ei hmô nona cha kei cha Elâmi râh liata Susâ thokhy khihpi liata vaw y thlâh ha na ta. Aluahna liata hmô na ta, Ulai chavah kiah liata vaw y na ta.

DÂNIAH 8:8

Mie tôhpa cha thata vaw lai ta, châhrasala a thatlô lichih ta, a ki laipa cha thliepa châ ta, a su liata ki a lâluah kawpa ki palih, avâ thlih miapalihpazy lâ a heipa ta kaw thao ei ta.

ZEKARIA 6:5

Vâlyuhchâpa ta, “Kha talailihzy kha, khizaw zydua Bei hmiakô liata amâ lâ khai tawhta, avâ thlih miapalihpazy lâta a siepazy ama châ.

MATHAI 24:31

Chiahmie paro ngaitapa chhaota a vâlyuhchâpazy tuah aw ta, âmo chata â tlyhpazy cha kaokih miapalih tawhta pakhy aw ei ta, avâ chy chhâna tawhta hiakha lâ chhâna taihta ama pakhy aw.

BIEPHUAH 17:15

Chatawhcha vâlyuhchâpa ta ei hnohta, “Âzuahnô atyuna ti na hmôpazy kha, phopizy, zawpizy, râhzy nata reihzy ama châ.

BIEPHUAH 7:1

Cha hnôhlâ ta alei ki palih liata vâlyuhchâpa papalih a duahpa hmô na ta. Alei chô liata tlyma, tilaipi chô liata tlyma, thokô chô liata tlyma, thlih a pathli lei nawpa ta, alei thlih miapalihpazy cha patu ei ta.