DÂNIAH 7:19 - Mara Bible RV (BSI)

¹⁹ “Chatawhcha sahrâhpa pô palihna, ahropa zydua hlâta â nano viapa nata chichhih ngaitapa, a hâhzy thua châ ta, a patozy dawh châ ta, a baw ta bawh ta, a tlawh ta hriechheih khai ta, a laibâhpazy a phei ta a tlybaipa kyh chhao kha â dopa ta pahno khoh kaw na ta.

DÂNIAH 7:19 ပူးပေါင်းရင်းမြစ်များ

DÂNIAH 7:20

A luh liata ki miahrawhpazy kyh nata, ki hropa kaw thao ta, a hmiakô liata ki thôhpazy ama tlo hapa kyh zy, mo a hneipa ki nata a palaina bie a reihpa pakah kyh nata ki hropazy hlâta lai viapa ta â lâpa ki kyh chhao kha pahno khoh kaw na ta.

DÂNIAH 7:7

He khai tawhta, zâ ta aluahna liana chata, sahrâhpa miapalihna, rarôh y ngaitapa, chichhih ngaitapa nata thatlô ngaitapa hmô na ta. Thua hâh lai ngaitapazy hnei ta, a baw ta bawh ta, a tlawh ta hriechheih ta, a laibâhpazy cha a phei ta a tlybai lymâ. Sahrâhpa hmiatuapa zydua nah khata anano ta, ki hrawh a hnei.

DÂNIAH 7:8

Kizy thâtih ei pachâ hai nota, ama hry tawhta ki hropa miakha, ki chyhpata kaw thao ta, ki hmiatuapa miathôhpazy kha ama tharizy chhaota a hmiakô liata thlopa ta y ei ta. Cha ki cha chyhsapa mozy hawhta mozy hnei ta, a palai ngaitapa ta bie a reihpa pakah a hnei.”