DÂNIAH 7:15 - Mara Bible RV (BSI)

¹⁵ “Kei, Dâniah cha ei pôhpa chhôh liata ei thlahpa a pachârôh ngaita ta, ei luh liata aluahnazy ta na patypamâ kaw ta.

DÂNIAH 7:15 ပူးပေါင်းရင်းမြစ်များ

ÂTHAONA 41:8

My a vaw châ nahta, a palôh a nôpo kaw ta. Chyhsa tuah ta, Izi râh liata moliethaipa zydua nata chyhsa sopa zydua aw ta. Phiraoh ta a mâzy cha âmo chho ta, châhrasala Phiraoh a chhopasia theipa y tlâ veih ei.

ZEREMIAH 17:16

Na mietaku vaituhpa ei châna a râsai leipa na ta, Chhiena noh a vaw tlô awpa chhao khoh hlei va na. Ei hmao tawhta a puapa pahno chi ta, Cha cha na hmiakô liata a y.

DÂNIAH 10:16

Moh teh u, chyhsapa a lyupa pakha ta ei hmaozy na vaw hria ta, chatanachata ei pakah âpa ta bie reih thei ha heih na ta. Chatawhcha ei hmiakô liata a duahpa hnohta, “Hy ei zibeipa y, aluahna vâta pachârôhna ta thata na vi ta, tha rai hnei khao va na.

DÂNIAH 2:1

Nebukaneza abeina kô nona liata, Nebukaneza ta mâ sa ta; a palôrupa pachârôh ngaita ta, amô thei khao leipa ta.

DÂNIAH 2:3

Abei ta ama hnohta, “Mâ sa na ta, ei mâsapa cha pahno khohpa ta ei pachârôh ngaita ta,” tah ta.

DÂNIAH 4:19

Dâniah, Beltesâza ama tahpa cha, buakha chhôh chihuhpa ta vaw y ta, a pachâpazy ta patypamâ ta. Abei ta a chhy ta, a hnohta, “Beltesâza y, mâsapa tlyma, a chhopasiana tlyma ta cha patypamâ khah se,” tah ta. Beltesâza ta a chhy ta, a hnohta, “Ei zibeipa, na mâsapa he châ haotuhpazy châta châ sala, a chhopasiana he na chariahpazy châta châ mawh sy!

DÂNIAH 4:5

Mâ sa na ta, cha chata na pachisa ngaita ta. Ei rakhô liata ei zia thlâh ha nota, ei pachâhpadypa nata ei luh liata aluahna ei hmôpazy ta na patypamâ ta.

DÂNIAH 7:1

Babylaw bei Belsâza abeina kô khana liata, Dâniah cha a rakhô liata â zia thlâh ha nota, mâsapa nata a luh liata aluahnazy hmô ta. Chatanachata a mâsapa cha roh ta, a hmo hmôpazy cha reih ta.

DÂNIAH 7:28

“Kha kha hmo chhâna cha a châ. Kei, Dâniah cha, ei pachâpazy chata thata na patypamâ ta, ei hmia hlâh khai ha ta, châhrasala cha hmo cha ei palôh liata a vao thlâh ha na ta.”

DÂNIAH 8:2

Aluahna liata hmô na ta; hetana heta vaw châ ta, aluahna ei hmô nona cha kei cha Elâmi râh liata Susâ thokhy khihpi liata vaw y thlâh ha na ta. Aluahna liata hmô na ta, Ulai chavah kiah liata vaw y na ta.

DÂNIAH 8:27

Kei, Dâniah cha thachhâpa ta y na ta, noh khazie tlyma pasapa ta a zia na ta. Chatawhcha thyu na ta, abei rai cha hria heih na ta, châhrasala aluahna ta ei thlah thata na pazo ta, a yzie rai pahno leipa na ta.

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

2 PITY 1:14

Eima Beipa Zisu Krista ta eina pahnosapa hawhta, ei pôhpa paso nawpa daihti a tlô patoh aw tahpa ei pahno.