DÂNIAH 7:10 - Mara Bible RV (BSI)

¹⁰ Mei chavah vaw loh ta, A hmiakô tawhta a vaw pua; A sâh a sâh ta ano cha chakao ei ta, A thy a thy ta a hmiakô liata amâ duah; Pachiana y ta, Châbuzy pahypa a châ.

DÂNIAH 7:10 ပူးပေါင်းရင်းမြစ်များ

1 ABEIZY 22:19

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta a kiapâh liata amâ duapa ei hmô.

2 THÂTIHZYRONA 18:18

Mikai ta, “Chavâta Abeipa bie he nathlie teh: Abeipa cha a beidyuchhai liata â tyupa hmô na ta, vâmo zydua ta a chavei chachâh ta amâ duapa ei hmô.

ZAWBÂ 25:3

A pheisaihzy ahy ma a reih tiah aw? Ahy chô liata ma a khaihna ta a khaih vei?

HLAZY 103:21

Hy Abeipa pheisaihzy saih u, Abeipa cha reithai u la; A khopa tao ta ano a chakaotuhpazy saih u, Abeipa cha reithai teh u!

HLAZY 18:8

A hnapasu tawhta meikhuh puapa ta, A pakah tawhta meipaleih pua ta, Ano tawhta meiia a vaw pua.

HLAZY 50:3

Eima Khazohpa a vy ta, A thlih thlâh ha vei; A hmiakô liata mei thata kâ ta, A chheipâh liata thlihpi thata a pathli.

HLAZY 68:17

Khazohpa talailihzy cha thy hluhpi châ ta, Thy sâh hluhpi a châ; Abeipa cha Sinai liata a ypa hawhna khata, Pathaihna ta ama hry liata a pahrâ.

ISAI 30:27

Moh teh u, Abeipa moh cha lâhlapi tawhta â vy huh; A hiehâhna mei hawhta ia ta, Meikhuh chhakaluhpa liata a kiah; A hmaozy ruchhôna ta bie ta, A paleih chhao lyurâh a charôhpa meipaleih a lyu.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

DÂNIAH 12:1

“Cha daihti liata, na chyhsazy a châhkheituhpa hyutuh rônahpa Mikaila vaw pua aw ta, nôpona daihti, phopi y tua no tawhta a y beih leipa cha a vaw y aw. Châhrasala cha daihti liata, châbu liata a moh ropa ta a ypa na chyhsazy cha pachhapa ta ama y aw.

DÂNIAH 7:22

Hlôthlâhpa a vypa ta, Chônôchaipa mopathaihpazy chhâh a châhpa ta pachiana bie phuahpa ta, mopathaihpazy ta khinarâh ama hnei hlâlei cha, âmo cha a pahnie lymâ.

DÂNIAH 7:26

Châhrasala pachiana y aw ta, A ryureina chhupa a châ aw; Pamua khaipa châ aw ta, Parao khaipa a châ aw.

ZEKARIA 14:5

Tlâhpi saikaozy cha Aze taih a tlôpa vâta, ei tlâhpizy saikao lâ a râ aw ei chi ta, Zudâh bei Uzia â bei nota alosihpa vâta namâ râpaipa hawhna khata namâ râ aw. Chatawhcha Abeipa ei Khazohpa cha a vy aw ta, a mopathaihpa zydua chhao ano hnohta amâ vy aw.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

RYHPACHANEINA 33:2

Hetana heta byhnâ a awpa ei: “Sinai tawhta Abeipa a vy ta, Seirâ tawhta noh hawhta vaw chhipa ta, Pârâ Tlâh tawhta a vaw khaih; Mopathaihpa thysâh hry tawhta a vy ta, A ku chachâh lâta mei paleih â chaba.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

ZUDÂH 1:14

Cha hawhpa chyhsazy thâtih cha, Âdâh tawhta chhâ sarina Enawka chhao ta, “Moh teh u, Abeipa cha a vâlyuhchâpa pathaihpa thy kha chhaota â vy.

BIEPHUAH 11:18

Phopizy ama hiehâh ta, Na pathiiana a vaw tlô; Cha cha athihpazy pachiana daihti châ ta, Châ chakaotuhpa hrohsopazy nata mopathaihpazy Lymâ piena daihti a châ. Na moh a chituhpa a lai a chyh ta Lymâ piena daihti châ ta, Leilô paraotuhpazy paraona daihti a châ,” tahpa ta Khazohpa a chhy ei ta.

BIEPHUAH 5:11

Chatawhcha kaw moh na ta, beidyuchhai nata hmohrohneipazy nata machâzy chheipâh liata vâlyuhchâpa hluhpi ao thei na ta, ama hluhzie cha thysâh hluhpi ama châ.