DÂNIAH 6:7 - Mara Bible RV (BSI)

⁷ Abei ta biepiepa tao sala, cha pakhâna biepiepa cha â i kawpa ta hmâ awpa ta, khinarâh liata hyutuh laipa zydua, râh avaotuhpa zydua, bia avaotuhpa zydua, ryhraotuhpa zydua nata râh ryureituhpa zydua ta â ryh eima tah khai. Noh sythôh chhôh nâma lâ tah leipa ta cha, kheihawhpa khazoh tlyma, chyhsa tlyma lâta thlâh a chhâpa cha, Hy abei y, chakeibarôhneipa lôpu liata thypa a châ aw.

DÂNIAH 6:7 ပူးပေါင်းရင်းမြစ်များ

HLAZY 10:9

Chakeibarôhneipa hawhta chhohbuh hry liata a byupa ta a byh ta, Dyhchhiepazy patu awpa ta a byhpa ta, A sao liata a aopa dyhchhiepazy cha a patu lymâ ei.

HLAZY 2:2

Lei beizy amâ duana su liata a duah ei ta, Ryureituhpazy a hmaohpakhypa ta, Abeipa a dyuh awpa ta ryhrao khoh ei ta, A sathawthupa a dyuh awpa ta amâ paraoh.

HLAZY 59:3

Hy Abeipa, moh tua, Ei hrona a byh ei ta, Thatlôpazy ta eina tei ei. Ei paraona vâta châ leipa ta, Ei moleina vâta châ hra vei.

HLAZY 59:5

Hy Zehôvâh Khazohpa Atotaotheipa, Nâ cha Izarei Khazohpa châ chi ta, Râhzy hrie awpa ta thyu la, Moleina rarôh ypa taotuhpazy cha, Ahy hmah pahlôh khah y. Selah

HLAZY 62:4

A duahmo sâhpa tawhta chati pathlah awpa ta tei ei ta, Haipa bie reipa liata amâ ly kaw tyh. Ama pakah ta byhnâ aw ei ta, Ama palôh ta chhie ama sa tyh. Selah

HLAZY 83:5

Reih kha tlapa ta cha tei ei ta, Châ dyuh awpa ta biehrai ama tao.

HLAZY 94:20

Ryureihtuh moleipazy ta ama cha hrialâh thei aw ma? Hmo doleipa bieraopa ta a taopazy ta ama cha hrialâh thei aw ma?

DÂNIAH 2:4

Kaldia mo chata abei hnohta Aramia reih ta, “Hy abei y, hroh kôzaw mah y! Na mâsapa cha châ chakaotuhpazy he chho la, eima chhopasia aw,” tah ei ta.

DÂNIAH 3:11

Ahy rai âkhu lâta paopa ta a chhy leipa maih cha patina meihô liata thypa a châ aw, tah chi ta.

DÂNIAH 3:2

Bei Nebukaneza ta bia avaotuhpazy, râh avaotuhpa zy, râh ryureituhpazy, ryhraotuhpazy, sôh avaotuhpazy, dâhthaipazy nata pachiatuhpazy nata râh liata sawhkhâ molaipa zydua cha Nebukaneza ta nothlahpa a paduapa hlâna apakhyna liata a hlao awpa ta awpakhy ta.

DÂNIAH 3:27

Bia avaotuhpazy, râh avaotuhpazy, râh ryureituhpazy nata abei ryhraokheituhpazy a pahmaohpakhy ei ta, cha chyhsazy pôhpa chô liata mei ta hmotaotheina a hnei leizie hmô ei ta. Ama luh sâ mei ta hlih leipa ta, ama viahkao pasipazy kâ leipa ta, mei roh rai pahnâh veih ei.

DÂNIAH 3:6

Ahy rai âkhu lâta pao ta a chhy leipa cha, cha nona tlai chata patina meihô liata thypa a châ aw,” tah ta.

DÂNIAH 6:16

Chatawhcha abei ta biepie ta, Dâniah cha a vaw chhi ei ta, chakeibarôhneipa lôpu liana cha thy ei ta. Abei ta Dâniah hnohta, “Na chakao tyhpa na Khazohpa ta a cha pachha aw,” tah ta.

DÂNIAH 6:22

Ei Khazohpa ta a vâlyuhchâpa za tuah ta, chakeibarôhneipazy pakah pabieh ta, na pasasa veih ei, seina hnei leipa ta a hmiakô liata a ypa ei châpa vâta. Nâma hmiakô liata chhao, Hy abei y, khâpa hmah parao va na,” tah ta.

MIKÂ 6:5

Hy ei phopi, Môabâ bei Bâlâka ta Nama chô liata tao â chhuahpazy kha a thei u la, Beô sawchapawpa Bâlâma ta  chhynazy chhao kha a thei teh u; Siti tawhta Kilkal taihta Hmo tlôpazy kha a thei teh u; Chatanachata Abeipa ta Siana ta hmo a taopazy nama pahno thei aw.”

NÂHU 2:12

Chakeibarôhneipa cha, A tawzy nie khi ta sazy hriechheih ta; Chakeibarôhneipa panôzy châta sa a riesao tyh; A lôpuzy cha sa taipa ta pabie ta, A lôkhaohzy cha sa hriechheihpazy ta a pabie.

MATHAI 12:14

Phârisaihzy deikua cha pua ei ta, ano ama pahleipadia thei nawpa ta bie a pachia ei ta.

MATHAI 26:4

Zisu cha dôveipa ta patu ta, ama thie thei nawpa ta a pachia ei ta.

MÂKA 15:1

My a vaw châpa nahta, theihthai beizy ta machâzy, ryhpa pachutuhpazy nata ryureituhpa zydua a chhohia ei ta. Zisu cha chahrypa ta a chhi ei ta, Pilâ lâ hlâ ei ta.

ZAWHÂNA 12:10

Chavâta theihthai beizy ta Lâzarâh chhao cha thie a chhuah ei ta.