DÂNIAH 6:4 - Mara Bible RV (BSI)

⁴ Cha kyh vâna chata hyutuh laipazy nata bia avaotuhpazy ta Dâniah cha khinarâh avaona kyh liata ama leih nawpa tlua ei ta, châhrasala leih nawpa tlyma, â doleina tlyma hmô leipa ei ta. Ngâchhihpa a châpa vâta, taochheipa tlyma, adoleina tlyma ano liata hmô awpa y vei.

DÂNIAH 6:4 ပူးပေါင်းရင်းမြစ်များ

ÂTHAONA 41:38

Phiraoh ta a chakaotuhpazy hnohta, “He hawhta Khazohpa Thlahpa ta a ypâpa chyhsa he eima hmô thei aw mâ?” tah ta.

ÂTHAONA 43:18

Zawsi o lâ a chhipa ama châpa vâta chi kaw ei ta, “Eimâ zu tua nota, eima sykhao liata tâkâ miah a pakuapazy vâ khata miah â chhi hih. Miah a tei nawpa ryhpaohna tluapa ta, miah thyuhnao ta, sei ta miah patupa ta, eima alâzy a la khai â chhuah hih,” tah ei ta.

BIESOZY 29:27

Chyhsa doleipa cha mosiapa châta pasichhihpa châ ta, Chyhsa dopa chhao moleipa châta pasichhihpa a châ hra.

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 18:23

Châhrasala Hy Abeipa, Thie awpa ta eina teina zydua ei cha na pahno khai. Ama paraona a ngiahthai leipa la, Ama moleina chhao na mohmô tawhta pahlei khah y. Na hiehâhna daihti liata ama chô liata hria la, Na hmiakô liata pao mawh ei sy.

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 29:7

Sei ta ei cha tuana ei khihpi pha nawpa tlua u la, cha khihpi phana cha nâmo phana a châ awpa vâta, khihpi châna chata Abeipa lâ thlahchhâ muh vy.

DÂNIAH 3:8

Cha nona chata Kaldia chyhsa ahyzy tlyma hmialâ vaw pua ei ta, Zu chyhsazy vaw leih ei ta.

DÂNIAH 5:12

Ano cha Dâniah châ ta, abei ta a moh Beltesâza a bi. Ano cha palôh pha ngaitapa, pahnona nata novâhna a hneipa chyhsa châ ta, mâzy chhopasia thei ta, bienyupazy reihpasia thei ta, biepeipazy chhao a pathlâ thei. Tahmâ Dâniah cha paawsa la, a chhopasiana a cha chho thlâh ha aw,” tah ta.

DÂNIAH 6:22

Ei Khazohpa ta a vâlyuhchâpa za tuah ta, chakeibarôhneipazy pakah pabieh ta, na pasasa veih ei, seina hnei leipa ta a hmiakô liata a ypa ei châpa vâta. Nâma hmiakô liata chhao, Hy abei y, khâpa hmah parao va na,” tah ta.

MATHAI 26:4

Zisu cha dôveipa ta patu ta, ama thie thei nawpa ta a pachia ei ta.

MATHAI 27:18

Ama hiatliapa vâta Zisu cha ama patupa a châ tahpa pahno thlâh ha ta.

LUKA 20:20

Mohpathli awpa ta mohparutuhpazy tuah ei ta. Mohparutuhpazy cha a bie nathlie khoh hmeiseihpa hawhta y pakhei ei ta, râhvaotuhpa ryureina nata biehneina liata tlôkhei awpa ta, a bie rei chheipa patu awpa ta a byh ei ta.

LUKA 20:26

Zawpi hmiakô liata a bie rei chheipa patu awpa hmô leipa ei ta, â chhyna cha tlao ama noâh kaw ta, amâ chalih haw.

LUKA 22:2

Zawpi ama chipa vâta, theihthai beizy nata ryhpa pachutuhpazy ta arulâta Zisu cha tei ta, thie thei nawpa lâpi tlua ei ta.

ZAWHÂNA 19:4

Pilâ cha pua heih ta, ama hnohta “Moh teh u, khâpa hmah a thaileichâna hmô va na tahpa nama pahno nawpa ta, nâmo lâ ei vaw chhi hih,” tah ta.

2 KAWRINI 11:12

Eima hriapa hawhta a hria hrapa ta a reih ei ta, ama chakaona a palaikhei kawpazy bie ei pachhai thei nawpa ta, ei tao tyhpa hawhta ei tao lymâ aw.

PHILIPI 2:15

Chatanachata chhâ moleipa nata paviapa hry liana heta, seina hnei leipa nata pathaihpa châ aw ei chi ta, vâ awhsizy hawhta ama hry liata nama khaih aw.

1 TIMAWTHY 5:14

Chavâta nôhmei hawti viapazy cha, dyhchâ ei sala, sawzy hneipa ta, ama chhôhkhazy mohôh ei sala, sei nawpa rypaohpa khakhaipa hnohta ama pie lei awpa ei khoh.

TITU 2:8

Na bie reipa â dozie reipasipasua thei awpa a châ leizie palâsa la, miah chakhiatuhpazy ta eima moleina rei awpa pahno leipa aw ei ta, maophyuhpa ta ama y aw.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 3:16

chhie nata pha pahnona pathaihpa hmâpa ta nama tao awpa a châ. Chatanachata Krista liata nama hrozie phapa a reipachhie tyhpazy cha maophyuhpa ta ama y aw.

RYUREITUHPAZY 14:4

A nô nata a paw ta, cha hmo cha Abeipa pachhuahpanohpa a châ tahpa pahno veih ei. Philistinâ mo a dyuh awpa ta Khazohpa ta ryhpaohna a taopa a châ. He daihti he Philistinâ mo ta Izarei chô liata ryu ama rei daihti a châ.

1 SAMUELA 12:4

Âmo ta, “Miah dôvei beih leipa chi ta, miah tlybai beih hra leipa chi ta, ahy ku tawhta hmah â doleipa ta la beih va chi,” tah ei ta.

1 SAMUELA 18:14

Abeipa a hnohta a ypa vâta, Dâvi cha a hmotaopa maih liata hlaotlohna hmô lymâ ta.

1 SAMUELA 22:14

Ahimele ta abei cha a chhy ta, “Châ chakaotuhpa zydua hry liata, abei piahpa Dâvi hawhta ngâchhihpa chyhsa he ahy ma a y? Ano cha na pheisaih hyutuhpa châ ta, na o liata chyhsazy ta ama za ngaitapa châ vei ma?