DÂNIAH 6:28 - Mara Bible RV (BSI)

²⁸ Chatanachata Dâniah cha Dâria â bei daihti liata nata Persia chyhsa Kôresâ â bei daihti zy liata thlaochhipa ta y lymâ ta.

DÂNIAH 6:28 ပူးပေါင်းရင်းမြစ်များ

2 THÂTIHZYRONA 36:22

Persia bei Kôresâ â beina kô khana liata, Zeremiah pakah tawhta a puapa Abeipa bie a vaw tlôpaki thei nawpa ta, Abeipa ta Persia bei Kôresâ palôh pathyu ta. Chatanachata a khinarâh zydua liata biephuahpa tao ta, hetana heta ropa ta a papua:

2 THÂTIHZYRONA 36:23

“Persia bei Kôresâ ta hetana heta a tah, ‘Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie. Nama hry liata ano phopi a châpa maih chô liata Abeipa a Khazohpa cha a hnohta y sala, Zerusale lâ cha khy mawh sy,’” tah ta.

HLAZY 77:15

Na bâh ta na phopi chatlai chi ta, Zakaw nata Zawsi pathlazy na chatlai ha ei. Selah

ISAI 44:28

Kôresâ kyh liata, ‘Ano cha ei mietaku vaituhpa châ ta, Ano ta ei chhuahna zydua pi a patloh aw,’ A tahtuhpa ei châ. Zerusale kyh liata, ‘Paduapathipa a châ aw,’ tah na ta, Achhyna o kyh liata, ‘Nâ bôna lôbô bôpa a châ aw,’ A tahtuhpa ei châ.”

ZEREMIAH 32:20

Izi râh liata ngianazy nata hmonoâhpazy palâsa chi ta, tanoh taihta Izarei liata nata chyhsapa zydua hry liata palâsa lymâpa ta, tanoh ta hmo a ypa hawh tlaina heta, moh phana nâ tao hapa a châ.

DÂNIAH 1:21

Dâniah cha Bei Kôresâ â beina kô khana taihta chakao lymâ ta.

DÂNIAH 10:1

Persia bei Kôresâ kô thôh â bei kô ta, Dâniah, a moh Beltesâza bipa hnohta bie vaw tlô ta. Bie cha a do ta, adyuhna rarôh ypa kyh a châ. Bie cha pahno thai ta, aluahna chhao cha a pahno thai hra.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

DÂNIAH 5:28

UPHARSIN, na khinarâh cha pachhaihpa châ ta, Media mo nata Persia mozy hnohta piepa a châ haw,” tah ta.