DÂNIAH 6:27 - Mara Bible RV (BSI)

²⁷ Pachhapa ta, pabohsa ta, Lei nata vâ liata ngiana nata noâhpazy a tao; Chakeibarôhneipa thatlôna tawhta Dâniah a pachhatuhpa a châ,” tah ta.

DÂNIAH 6:27 ပူးပေါင်းရင်းမြစ်များ

ZAWBÂ 36:15

Pasataopazy cha ama pasataona hmâpa ta pachha ta, Ama pasataona hmâpa ta ama nah a pavâsa.

HLAZY 145:13

Na khinarâh cha tlyzaw khinarâh châ ta, Na ryureina chhâ zydua ta â duah aw. Abeipa cha a bie zydua liata ngâ a chhih ta, A hmotaopa zydua liata a phapa a châ.

HLAZY 18:48

Ei chariahzy tawhta nâ pachhatuhpa châ chi ta, A châ na, nâ thyuhnaopazy chô lâta na cheihchalopa ta, Thachahra a hmâhpa chyhsa tawhta eina pachha ha chi.

HLAZY 18:50

Abeipa cha ano paduapa bei hnohta pachhana rônahpa pie ta, A sathawthupa Dâvi nata a pathlazy chô liata, Zawngiahna chhâzaw ta a palâsa.

HLAZY 32:7

Nâ cha ei nyuna su châ chi ta, Nôpona tawhta na pabohsapa ta, Pachhana hlazy ta eina chadôsa chi. Selah

HLAZY 35:17

Hy Abeipa, khati taih ma na mo thlâh ha aw tly? Ei thlahpa he ama paraona tawhta pachha la, Ei hrona sôhpa he chakeibarôhneipazy tawh­ta pachha mah y!

HLAZY 97:10

Nâmo, Abeipa kyh a pachâtuhpa zydua saih u, Moleina a hao muh vy; Ano cha a mopathaihpazy hrona pabohsa ta, Hmoparaopazy ku tawhta a pachhatuhpa a châ.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 4:31

Cha biezy cha abei pakah liata a y thlâh ha chy nota, avâ tawhta ao za pua ta, “Hy Bei Nebukaneza y, he bie he nâma châta a vaw tlôpa a châ: Khinarâh ta a cha puasai haw.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

DÂNIAH 4:35

Lei chyhsa zydua cha, Hraoleipa ta pachâpa châ ei ta; A khozie hawhta vâmozy hry liata tao ta, Lei chyhsazy hry liata chhao a tao tyh; A ku a chalihsa theipa y leipa ei ta, “Khâpa hmo ma na tao haw?” A tah theipa y hra veih ei.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

ZAWHÂNA 4:48

Zisu ta a hnohta, “Ngiana nata hmonoâhpazy nama hmô vei khiahta la, a ngiapâ ngyu veih ei chi,” tah ta.

HMOTAOPAZY 4:30

Patlâh awpa ta na ku pazawh la, châ chakaotuhpazy he, châ chakaotuhpa pathaihpa Zisu moh ta ngiana nata hmonoâhpazy pataosa lymâ mah y,” tah ei ta.

HEBRAI 2:4

Khazohpa chhao ta ngianazy, hmonoâhpazy nata hmotaotheina to ta nata a khozie hawhta Thlahpa Pathaihpa hmopiepazy piepa ta a pahnokhei.

1 SAMUELA 17:26

Dâvi ta a kiah liata a duahpa pheisaihzy hnohta. “He Philistinâ chyhsa he thiepa ta, Izarei hmiachhie a patlâhtuhpa cha kheihta tao awpa ma a châ? He chopawtaileipa Philistinâ chyhsa he ahy ma châ ta, Khazohpa hrohpa pheisaihzy zua a pahao tly?” tah ta.