DÂNIAH 6:22 - Mara Bible RV (BSI)

²² Ei Khazohpa ta a vâlyuhchâpa za tuah ta, chakeibarôhneipazy pakah pabieh ta, na pasasa veih ei, seina hnei leipa ta a hmiakô liata a ypa ei châpa vâta. Nâma hmiakô liata chhao, Hy abei y, khâpa hmah parao va na,” tah ta.

DÂNIAH 6:22 ပူးပေါင်းရင်းမြစ်များ

ÂTHAONA 40:15

Hebrai mo râh tawhta parupa ta a chhipa châ na ta, he râh liana chhao he patâhna o chhôh lia taihta khô awpa ta khâpa hmah parao va na,” tah ta.

2 SAMUELA 22:7

Nôpopa ta Abeipa cha pado na ta, Ei Khazohpa tlai cha ei aw. Achhyna o tawhta ei ao thei ta, Ei awna ao a nah liata â ngia.

1 ABEIZY 13:28

Sie ta, lâpi liata a ri â thy thlâh hapa nata a ri kiapâh liata alâ nata chakeibarôhneipa a duah thlâh hapa zy cha kei hmô ta. Chakeibarôhneipa ta a ri cha vaw nie leipa ta, alâ chhao cha hmah vaw paphao vei.

2 THÂTIHZYRONA 32:21

Abeipa ta vâlyuhchâpa za tuah ta, ano chata Asuria bei riehmo liata pasaiphazy, pheisaih hyutuhpazy nata chhituhpa zydua a thie khai ha ei. Chatanachata Senâkeri cha noza hmiachhiepa ta a râh lâ â lie haw. Noh kha cha a khazoh o lâ a vaw nota, ano sawchapawzy ta zaozi ta ama chhawhsao haw.

HLAZY 118:28

Hy Abeipa, nâ cha ei Khazohpa châ chi ta, Alyna bie ei cha hlâ aw; Ei Khazohpa châ chi ta, Ei cha palyupalih aw.

HLAZY 26:6

Ei kuzy he seina hnei lei awpa ta a sipa ta, Hy Abeipa, na maisâh chahlô aw na ta;

HLAZY 31:14

Châhrasala Hy Abeipa, nâma cha ngâ na ta, “Ei Khazohpa na châ,” ei tah.

HLAZY 34:7

Abeipa a chituhpazy cha, A vâlyuhchâpazy ta chadô ei ta; Ama kiapâh liata riehmo paryh ei ta, Âmo cha ama pachha tyh.

HLAZY 38:21

Hy Abeipa, na siesai leipa la, Hy ei Khazohpa, nâ hla khah y!

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

ISAI 3:10

Mosiapazy cha ama châta a pha aw tahpa chho mah y, Ama hmotaopa theilâpa ama nie aw.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

ZEREMIAH 37:18

Zeremiah ta Bei Zedekia hnohta, “Nâma chô liata tlyma, châ chakaotuhpazy chô liata tlyma, he zawpi chô liata tlyma, khâpa hmo ma parao na ta, eina patâh chi?

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

DÂNIAH 6:23

Abei cha a ly ngaita ta, Dâniah cha lôpu tawhta thao awpa ta biepie ta. Dâniah cha lôpu tawhta thaoh ei ta, ano liata pasana khâpa hmah hmô awpa y vei, a Khazohpa khâchâ a ngâ hapa vâta.

DÂNIAH 6:4

Cha kyh vâna chata hyutuh laipazy nata bia avaotuhpazy ta Dâniah cha khinarâh avaona kyh liata ama leih nawpa tlua ei ta, châhrasala leih nawpa tlyma, â doleina tlyma hmô leipa ei ta. Ngâchhihpa a châpa vâta, taochheipa tlyma, adoleina tlyma ano liata hmô awpa y vei.

DÂNIAH 6:7

Abei ta biepiepa tao sala, cha pakhâna biepiepa cha â i kawpa ta hmâ awpa ta, khinarâh liata hyutuh laipa zydua, râh avaotuhpa zydua, bia avaotuhpa zydua, ryhraotuhpa zydua nata râh ryureituhpa zydua ta â ryh eima tah khai. Noh sythôh chhôh nâma lâ tah leipa ta cha, kheihawhpa khazoh tlyma, chyhsa tlyma lâta thlâh a chhâpa cha, Hy abei y, chakeibarôhneipa lôpu liata thypa a châ aw.

MIKÂ 7:7

Kei deikua cha Abeipa lâ ei moh aw; Ei pachhana Khazohpa hâ aw na ta, Ei Khazohpa ta einâ thei aw.

MALUHREINA 20:16

Abeipa pado pi ta, ano ta eima ao thei ta, vâlyuhchâpa vaw tuah ta, Izi râh tawhta miah â chhi papua haw. Tahmâ he na râh kiah liata Kâdesâ khihpi liata eima y.

MATHAI 27:46

Dawh thôh rachhôhpa liata, Zisu cha ao paro ngaitapa ta awh ta, “Eli, Eli, lâmâ sabakthâni?” tah ta, cha cha, “Ei Khazohpa, Ei Khazohpa, khazia eina pathlua chi?” tahna a châ.

HMOTAOPAZY 12:11

Pity cha â vaw thei nahta, “Abeipa ta a vâlyuhchâpa za tuah ta, Herawda ku tawhta nata Zu chyhsazy achhuahna tawhta eina pachha haw, tahpa tahmâ a siapa ta ei pahno haw,” tah ta.

HMOTAOPAZY 24:16

Chavâta Khazohpa nata chyhsapa lâta chhie nata pha pahnona pathaihpa hnei awpa khâ ei chhuah tyh.

HMOTAOPAZY 27:23

Tazâ liana tlai khata, ano eih châ na ta, ei chakaopa Khazohpa vâlyuhchâpa ei hmiakô liata a vaw duah ta,

2 KAWRINI 1:12

He he eimâ palaikhei: Khizaw sona ta châ leipa ta, Khazohpa ngiachhiena vâta, he khizaw liata nata nâmo liata pathaihna nata Khazohpa liata adona ta eima hro tyhpa kha, eima chhie na pha pahnona ta miah a pahnokhei.

2 TIMAWTHY 4:17

Châhrasala keima hmâpa ta thâtihpha chho pakipa ta a y thei nawpa nata Zenitai zydua ta ama thei thei nawpa ta, Abeipa tlai ta nâ duakhei ta, tha eina patlô. Chatanachata chakeibarôhneipa pakah tawhta pachhapa ta ei y haw.

HEBRAI 1:14

Vâlyuhchâpa zydua cha pachhana ryu a to awpazy chakao awpa ta tuapa chakaona thlahpazy ama châ.

HEBRAI 11:33

Âmo cha ngiapâna ta khinarâhzy la ei ta, adona a duakhei ei ta, bietaizy to ei ta, chakeibarôhneipa pakahzy ama pamosa.

1 SAMUELA 17:37

Dâvi ta, “Chakeibarôhneipa pheipato tawhta nata chavyh pheipato tawhta nâ pachhatuhpa Abeipa ta, he Philistinâ chyhsa ku tawhna heta eina pachha aw,” tah ta. Sawla ta Dâvi hnohta, “Sie mah y, na hnohta Abeipa y mawh sy!” tah ta.

1 SAMUELA 26:18

Dâvi ta, “Khâpa vâta ma ei zibeipa heta châ chakaotuhpa he â chadai tly? Khâpa hmo ma ei tao ha tly? Khâpa moleina ma ei ku liata a y tly?