DÂNIAH 6:16 - Mara Bible RV (BSI)

¹⁶ Chatawhcha abei ta biepie ta, Dâniah cha a vaw chhi ei ta, chakeibarôhneipa lôpu liana cha thy ei ta. Abei ta Dâniah hnohta, “Na chakao tyhpa na Khazohpa ta a cha pachha aw,” tah ta.

DÂNIAH 6:16 ပူးပေါင်းရင်းမြစ်များ

2 SAMUELA 3:39

Abei châta sathawthupa châ hra aw sah la, tanoh la ei vaw nainyu khai ha na. He chyhsazy, he Zeru sawchapawzy he ei chô liata ama chahraochatôh tu haw. Hmo pha leipa a taopa cha, a hmotaozie lymâ hawhta Abeipa ta viari a thô aw” tah ta.

ZAWBÂ 5:19

Tymâna miacharu tawhta cha pachha aw ta, Miasarina liata chhiena ta cha hria aw vei.

BIESOZY 29:25

Chyhsapa cha a china ta anosasy khoheih a chôkhâh ta, Abeipa a ngâtuhpa deikua cha â boh aw.

ISAI 41:10

Chavâta chi khah y, Na hnohta ei y mâh tâh; Ngiarohpa ta y hra khah y, Na Khazohpa ei châ hih. Tha cha patlôpa ta cha bao aw na ta, Ei siana ku chachâh lâta khâchâ ei cha patu aw.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ZEREMIAH 26:14

Kei deikua cha, moh teh u, nama ku liata ei y hih. Â do nama tahzie nata a pha nama tahzie hawhta tao teh u.

ZEREMIAH 38:5

Bei Zedekia ta, “Moh teh u, Zeremiah cha nama ku liata a y. Nâmo chakhiapa ta cha abei heta tao theipa hnei va,” tah ta.

ZEREMIAH 38:6

Chatanachata Zeremiah cha a chhi ei ta, vaituhpazy dôhpachhôh tlyhmia liata a ypa abei sawchapawpa Mâkia khaohtlô liata chaori ta pathliahpa ta pathla ei ta. Khaohtlô liana cha ti y leipa ta, chiatlao sai châ ta, Zeremiah cha chiatlao liana cha za tla ta.

ZEREMIAH 39:17

Nâ deikua cha, cha noh liata cha pachha aw na ta, na chi kawpa chyhsazy ku liata hlâpa châ aw va chi, Abeipa ta a tah.

DÂNIAH 3:15

Tahmâ chiahmie zy, ramo zy, totâ zy, tlaipih zy, totâ laipa zy, bâzâ nata paropasyu theipa chi to pyu nama theipa nahta, âkhu lâta paopa ta nothlahpa ei taopa namâ chhy khiahta cha a pha. Namâ chhy leipa khiahta deikua cha, patina meihô ru ngaitapa liata thlai thypa nama châ aw. Keima ku tawhta châ pachha thei awpa khazoh ahy ma a y?” tah ta.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

DÂNIAH 6:7

Abei ta biepiepa tao sala, cha pakhâna biepiepa cha â i kawpa ta hmâ awpa ta, khinarâh liata hyutuh laipa zydua, râh avaotuhpa zydua, bia avaotuhpa zydua, ryhraotuhpa zydua nata râh ryureituhpa zydua ta â ryh eima tah khai. Noh sythôh chhôh nâma lâ tah leipa ta cha, kheihawhpa khazoh tlyma, chyhsa tlyma lâta thlâh a chhâpa cha, Hy abei y, chakeibarôhneipa lôpu liata thypa a châ aw.

HMOTAOPAZY 24:27

Kô no a sie tawhta, Felika cha Pôsia Festâ ta a thla ta. Zuzy hry liata moh pha a khohpa vâta, Felika ta Pawla cha patâhna o liata siesai ta.

HMOTAOPAZY 25:11

Hmoparaotuhpa châ ha sah la, thina tlâh a châpa hmo a paraopa ei châ khiahta cha, thina khôkhâh awpa a chhuah va na. He Zu chyhsazy ta eina leihna ei he khâpa hmah a y leipa a châ khiahta deikua cha, ahy hmahta âmo lâ na hlâ thei aw veih ei. Kaisarâ kô ei tlô aw,” tah ta.

HMOTAOPAZY 25:9

Châhrasala Festâ ta Zuzy hry liata moh pha khohpa ta, Pawla hnohta, “Zerusale lâ khy ta, na thâtih he ei hmiakô liata pachia awpa na khoh ma?” tah ta.

RAWMA 13:3

Ryureituhpazy cha hmo phapa a taotuhpazy châta chichhihpa châ leipa ei ta, hmo chhiepa a taotuhpazy châta deikua cha, chichhihpa ama châ. Ryureituhpa chi leipa ta y na khoh ma? Hmo pha tao la a cha reithai aw.

2 KAWRINI 1:10

Khazohpa ta thina chichhihpa tawhta miah pachha ha ta, miah pachha heih aw ta, miah a pachha lymâ aw tahpa eima hnabeiseihna ano liata eima pahnieh.