DÂNIAH 5:5 - Mara Bible RV (BSI)

⁵ Cha nona tlai chata chyhsapa kuparozy a vaw luah ta, meiôh sona dady liata abei o pâhchhô pamihpa liata châ vaw roh ta. Abei ta châ a roh ngâpa ku cha hmô ta.

DÂNIAH 5:5 ပူးပေါင်းရင်းမြစ်များ

ZAWBÂ 20:5

Hmoparaopa thaphana cha chyuta ta, Khazoh a pahno leipa alyna cha buakha deita a châ tahpa pahno beih va chi ma?

BIESOZY 29:1

Khâ chhoreipa chhao ta a kuh a chhapa cha, Eikhapi ta thliepa châ aw ta, Tlâh thei khao aw vei.

ZEREMIAH 50:43

“Babylaw bei cha ama thâtih a thei nahta, A bâhtha a tlo khai haw; Nôpona ta patu ta, Chanô sawzeih pasapa tlu ta pasana ta a patu haw.

DÂNIAH 4:31

Cha biezy cha abei pakah liata a y thlâh ha chy nota, avâ tawhta ao za pua ta, “Hy Bei Nebukaneza y, he bie he nâma châta a vaw tlôpa a châ: Khinarâh ta a cha puasai haw.

DÂNIAH 4:33

Cha nona tlai chata ao ta a reipa bie cha Nebukaneza chô liata thlai vaw tlô ta. Chyhsazy hry tawhtapa papuapa ta y ta, pahmôhpi hmi hawhta a sâ a seihna taihta nata pavaw patozy hawhta a patozy a seih khai hana taihta viahchao hawhta sibiepa bâ ta, a pôhpa cha avâ diati ta padâ ta.

DÂNIAH 5:15

He châropa he reih ta, a yzie na chhopasia awpa ta chyhsa sopazy nata pachaothaipazy ei hmiakô liata a vaw chhi ei ta, châhrasala he hmo chhopasiana he na chho thei veih ei.

DÂNIAH 5:4

Kresawhti cha doh ei ta, ngôh, tâkâ, dawh, thua, tho nata alô khazohzy reithai ei ta.

DÂNIAH 5:6

Abei cha a hmia vaw hlâh khai ha ta, a palôh thata a tymâ ta, a pheizy a chalyupa ta a pakhuzy a chakhyh ta.

DÂNIAH 5:8

Chatanachata abei chyhsa sopa zydua cha a zâ ngia ei ta, châhrasala châropa a reih theipa y leipa ei ta, a chhopasiana abei a pahnosa theipa y hra veih ei.

KAOLAOSÂ 2:14

Ku ta ropa ryhpazy cha miah dyuhtuhpa nata miah chakhiatuhpa châ ei ta, châhrasala zyh awpa ta eimâ bâh tlôhpazy ama châ. Krista deikua cha eimâ bâhpa zydua phie ta, kraws liata khaipâpa ta pahlei ta, eima moleina zydua miah ngiahthaituhpa a châ.