DÂNIAH 5:29 - Mara Bible RV (BSI)

²⁹ Chatawhcha Belsâza ta biepie ta, Dâniah cha poh saihlawpa pabupa châ ta, a rao liata ngôh pachhih paao ei ta, khinarâh liata ryureituhpa a sâh chaipa a pathôhna ta phuahpa a châ.

DÂNIAH 5:29 ပူးပေါင်းရင်းမြစ်များ

ÂTHAONA 41:42

Phiraoh ta a moh chahnaona kusadi a ku tawhta pahluh ta, Zawsi ku liata paky ta, lini chysia rônahpa ta tobi ta, a rao liata ngôh pachhih paao ta.

ESTHERI 10:3

Zu chyhsa Môdekai cha Bei Ahasuarâ a pazipa châ ta, Zuzy hry liata chyhsa rônahpa a châ. A chiheihzy phana pachâpa ta, a chiheih zydua hnohta thlalôhna bie a reih tyhpa a châpa vâta, a unawh zasâh manôhzy ta ama pasâhsa ngaitapa a châ.

BIESOZY 1:9

Na luh châta pawpi pachhih a ngia ngaitapa châ ei ta, Na rao châta pachhihzy ama châ.

DÂNIAH 2:48

Chatanachata abei ta Dâniah cha thata palyupalih ta, hmosaipa rônahpa hluhpi pie ta, Babylaw râh zydua chô liata ryureituhpa nata Babylaw chyhsa sopazy chô liata hyutuh chaipa ta tao ta.

DÂNIAH 5:16

Nâ deikua cha chhopasianazy reih thei chi ta, bie rupazy na pathlâ thei tahpa ei thei. Tahmâ châropa he reih thaipa ta, a chhopasiana eina pahnosa thei khiah chi ta cha, poh saihlawpa pabupa châ aw chi ta, na rao liata ngôh pachhih paaopa châ aw chi ta, ei râh liata ryureituhpa a sâh chaipa a pathôhna na châ aw,” tah ta.

DÂNIAH 5:7

Dyuthaipazy, awhsithaipazy nata pachaothaipazy ano lâ a vaw chhi awpa ta abei cha a paro ngaitapa ta awh ta. Abei ta Babylaw chyhsa sopazy hnohta, “Ahy rai he châropa he reih ta, a chhopasiana nâ chho theipa cha, poh saihlawpa pabupa châ aw ta, a rao liata ngôh pachhih paaopa châ aw ta, khinarâh liata ryureituhpa a sâh chaipa a pathôhna a châ aw,” tah ta.

DÂNIAH 6:2

Âmo chô lâta hyutuh laipa pathôh rao ta, chazy hry liata pakha cha Dâniah a châ. Abei ta raona â tyh lei nawpa ta, bia avaotuhpazy ta hyutuh laipa pathôhpazy hnohna heta bie ama tlôkhei tyh.