DÂNIAH 5:28 - Mara Bible RV (BSI)

²⁸ UPHARSIN, na khinarâh cha pachhaihpa châ ta, Media mo nata Persia mozy hnohta piepa a châ haw,” tah ta.

DÂNIAH 5:28 ပူးပေါင်းရင်းမြစ်များ

2 THÂTIHZYRONA 36:23

“Persia bei Kôresâ ta hetana heta a tah, ‘Abeipa, avâ Khazohpa ta khizaw khinarâh zydua na pie ha ta, Zudâh râh Zerusale khihpi liata ano châta o sapa awpa ta bi eina pie. Nama hry liata ano phopi a châpa maih chô liata Abeipa a Khazohpa cha a hnohta y sala, Zerusale lâ cha khy mawh sy,’” tah ta.

ISAI 13:17

“Pachâ teh u, âmo a dyuh awpa ta Media mo pathyu aw na ta, Cha phopi cha tâkâ pachâ leipa ei ta, Ngôh liata a ly hra veih ei.

ISAI 21:2

Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.

ISAI 47:11

Châhrasala na chô liata hmo pha leipa vaw tlô aw ta, Pachaona hmâpa ta papai nawpazie pahno aw va chi; Chhiena cha tla thlu aw ta, A chatlai thei aw va chi; Eikhapi ta raona cha vaw tlô thlu aw ta, Pahno chhielie aw va chi.

ZEREMIAH 25:13

A chô liata bie ei reipa zydua kha, cha râh chô liata patlôsa aw na ta, Zeremiah ta phopi zydua chô liata hrohsona bie a phuahpa, he châbu liata ropa zydua ei patlôsa aw.

ZEREMIAH 51:28

Babylaw a dyuh awpa ta, Phopizy pachhuahpanoh teh u; Media beizy pachhuahpanoh u la, Ama râh avaotuhpazy nata baotuhpazy pachhuahpanoh teh u; Ama biehneina ry liata râh zydua chhao, Pachhuahpanoh teh u.

DÂNIAH 2:32

Cha nothlahpa cha a luh ngôh suapa ta taopa châ ta, a chachôhna nata a bâhzy cha tâkâ ta taopa châ ta, a py nata a byhpizy cha dawh ta taopa a châ.

DÂNIAH 2:39

Nâma khai tawhta khinarâh hropa, nâma hlâta a nawh viapa a vaw duah aw ta, cha khai tawhta khinarâh miathôhna, alei chô zydua liata ryu a reih awpa dawh khinarâh â vaw duah aw.

DÂNIAH 5:31

Media Dâria ta khinarâh cha to ta, ano he kô sycharu nata kô no rachhôhpa a châ.

DÂNIAH 6:28

Chatanachata Dâniah cha Dâria â bei daihti liata nata Persia chyhsa Kôresâ â bei daihti zy liata thlaochhipa ta y lymâ ta.

DÂNIAH 6:8

Chavâta Hy abei y, tahmâ pakhâna biepiepa châ cha papua la, Media nata Persia ryhpa cha panano theipa a châ leipa hawhta, cha pakhâna biepiepa chhao cha panano thei lei awpa ta na moh ro thlu mah y,” tah ei ta.

DÂNIAH 8:20

Mietaku tôhpa ki miano a hneipa na hmôpa kha Media nata Persia beizy ama châ.

DÂNIAH 9:1

Ahasuarâ sawchapawpa Dâria, Media chipathla, Kaldia mo râh chô liata abei ta taopa, a kô khana liata,

HMOTAOPAZY 2:9

Pâthia mozy, Media mozy, Elâmi mozy, Mesôpôtamia râh liata a ypazy, Zudia râh liata a ypazy, Kâpadôkia râh liata a ypazy, Pawntu râh liata a ypazy, Asia râh liata a ypazy,