DÂNIAH 5:23 - Mara Bible RV (BSI)

²³ Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

DÂNIAH 5:23 ပူးပေါင်းရင်းမြစ်များ

ÂTHAONA 14:19

Melkizade ta Abarâ cha byhnâ awpa ta, “Lei nata vâ hneituhpa Khazohpa Chônôchaipa ta, Abarâ cha byhnâ pie mawh sy!

ÂTHAONA 2:7

Chatawhcha Zehôvâh Khazohpa ta chhaohlei tawhta dohlei ta chyhsapa tao ta, a hnapasu liata hrona hu so thlu ta, chatanachata chyhsapa cha hrona hneipa a vaw châ haw.

2 ABEIZY 14:10

Edômâ cha pahnie ha tlai chi ta, chavâta na palôh a lai kaw bâ he. Na rônahna liata na palôh tlâh sala, o liata tlao y molo mah y. Khazia tymâna taopa ta, nâma paona liata Zudâh chhao na paokhei aw?” tah ta.

ZAWBÂ 12:10

A ku liata hmo hrohneipa to hrona y ta, Chyhsa zydua husona chhao a y.

ZAWBÂ 31:4

Ei lâpizy hmô ta, Ei phei chakâpa zydua a reih khai vei ma?

HLAZY 104:29

Na hmia nyu chi ta, Thlazohpa ta y ei ta; Ama husona la chi ta, Thi ei ta dohlei lâta ama kua heih tyh.

HLAZY 115:16

Avâzy khi Abeipa vârâh châ ei ta, Alei deikua he chyhsa sawzy a pie ei.

HLAZY 139:3

Ei siepa nata ei môpa zy liahsa na moh chi ta, Ei hrozie zydua na pahno khai.

HLAZY 146:4

A hu ta a puasai tita, Chhaohlei lâ kua heih ta; Cha noh lia tlai chata â chhuahnazy a lei pâ haw.

BIESOZY 20:24

Chyhsapa keih chakânazy cha Abeipa raopa châ ta, Kheihta ma chyhsa ta a lâpi a pahno thei aw?

ISAI 13:11

“Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

ISAI 14:13

Na palôh liata, ‘Avâ lâ kiah aw na ta, Khazohpa awhsizy chô lâ liata Vâ chô sâhpa liata ei beidyuchhai patyu aw na ta, Maw chhâna pakhypi tlâh liata ei tyuh aw.

ISAI 2:12

A palaipa nata a khotlâhpa nata a pasâhsapa zy cha, Ama chô liata chhiena a patlôsa nawpa noh Pheisaihzy Abeipa ta hnei ta, Panawhpa ama châ aw.

ISAI 33:10

Abeipa ta hetana heta a tah: “Tahmâ cha thyu aw na ta, Tahmâ cha keimasasyh a chalo aw na ta, Tahmâ cha cheihchalopa ta ei y ha aw.

ISAI 37:19

ama khazohzy chhao mei liata ama thy ha tlai. Chazy cha Khazohpa châ leipa ei ta, chyhsapa ku ta taopa tho nata lô dei ama châpa vâta pahleipadiapa ama châ.

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

ISAI 42:5

Avâzy taopa ta parai ta, Alei nata a chhôh tawhta a puapazy pakawh ta, Alei chô liata a ypa chyhsazy hnohta husona piepa ta, A chô liata a chareipa chyhsazy hnohta thlahpa a pietuhpa, Khazohpa, Abeipa ta hetana heta a tah:

ZEREMIAH 10:23

Hy Abeipa, chyhsapa hrona he, Ano chyhsapa eih châ vei tahpa ei pahno; A siena lâpi liata chhao, Anosasyh ta a chhihtha thei vei tahpa ei pahno.

ZEREMIAH 48:26

“Môabâ ta Abeipa â palai thlu; Chavâta parisa u la, A pali liata a hlao sala, Pahneisaopa ta y mawh sy.

ZEREMIAH 50:28

“Abeipa eima Khazohpa phuh lana kyh Zaio liata phuahpa ta, Achhyna o phuh lana kyh phuah awpa ta, Babylaw râh tawhta a vaw râpazy ao nathlie u la, Riahnyupazy ao nathlie teh u.

ZEREMIAH 50:29

“Babylaw a dyuh awpa ta, Likathaipazy aw u la, Libaw a keipa zydua aw teh u. Babylaw chadôpa ta riehmozy paryh u la, Ahy hmah papua khuh vy. A hmotaopa lymâ hawhta viarithô u la, A taopa zydua hawhta a chô liata tao teh u; Sâlâ kawpa ta Abeipa a dyuh ta, Izarei Mo Pathaihpa a dyuhtuhpa a châ.

EZEKIA 28:17

Na chhithaina vâta na palôh lai ta, Na sona cha nâma rônahna châta na hmâh tyh. Chavâta alei liata cha thy na ta, Beizy mo lôhrâ patlô nawpa ta, Ama hmiakô liata ei cha chaluah.

EZEKIA 28:2

“Chyhsa sawchapawpa y, Tyre bei hnohta reih teh, Abeipa Zehôvâh ta hetana heta a tah: “Na palôh lai ta, ‘Khazoh châ na ta, Tilaipizy liah liata, Khazohzy dyuchhai liata ei tyuh,’ tah chi ta, Châhrasala chyhsapa dei na châ; Khazoh palôh hawhta na palôh tao hra la, Khazohpa châ va chi.

EZEKIA 28:5

So ngaitapa ta sôh na paliepa vâta, Hneirôh via rili chi ta, Châhrasala na hneirôna nâ palaikhei haw.

EZEKIA 31:10

“Chavâta Abeipa Zehôvâh ­ta hetana heta a tah: A kaw sâhpa ta, vâ meihdozy hry liata a kithlao chaluah ta, â sâhna cha a palôh ta â palaikheipa vâta,

DÂNIAH 11:12

Pheisaihzy cha chho lâ a chhipa ta ama y nahta, chho bei palôh cha thata a kaw palai aw ta, sâh hluhpi a thie aw ei. Châhrasala a duah patlô aw vei.

DÂNIAH 4:37

Chavâta tahmâ, kei, Nebukaneza ta avâ Beipa cha reithai na ta, palyupalihpa ta, ei parônahsa. Avâ Beipa cha a hmotaopa zydua a do ta, a lâpizy sia ta, a palaipazy a panawh theipa a châ.

DÂNIAH 8:11

Anosasyh ta a kaw parônahsapa ta, avâ Bei tlu ta a parônahsa ta, avâ Bei hnohta raopa hlâna hlâ tyhpazy pachhâsapa châ ta, a supathaihpa yna su chhao paraopa a châ.

HABAKU 2:4

“Moh tua u, moleipa palôh cha a palai kaw ta, Ano liata adona y vei; Mosiapa deikua cha, Â ngiapâna ta a hroh aw.

HMOTAOPAZY 17:25

Hmo a phahlapa hawhta, chyhsapa ku ta chakao a ngiahpa châ hra vei. Ano tlai cha chyhsa zydua hnohta hrona nata husona nata hmo zydua a pietuhpa tlao a châ.

1 KAWRINI 8:4

Chavâta nothlahpa lâta hmohlâpa niepa kyh liata, khizaw liata nothlahpa cha khâpa hmah a châ leizie nata Khazohpa pakha dei leipa ta cha, Khazoh hropa rai a y leizie eima pahno.

1 TIMAWTHY 3:6

Ngiapâ thiehpa chyhsa a châ awpa châ vei. Chataleipatala a palai aw ta, ahripa thailei pachâsana liata a pao pathlei aw.

HEBRAI 4:13

A mohmô tawhta a nyu theipa hmotaopa rai y vei. Eima thâtih eima tlôkhei nawpa mohmô liata cha, ato thluahruapa nata pahy chiehpa ta a y khai.

BIEPHUAH 9:20

Khizaw chyhsa hropa, cha potlanazy ta a thie leipazy ta ama ku ta taopazy amâ chhypa tawhta ro khoh to veih ei. A hmô thei leipa, a thei thei leipa nata a sie thei leipa ngôh nothlahpa, tâkâ nothlahpa, dawh nothlahpa, alô nothlahpa nata tho nothlahpa achhyna nata ahripazy achhyna bâsai hlei veih ei.

RYUREITUHPAZY 16:23

Philistinâ beimachâzy cha ama khazoh Dakao lâ atheihna rônahpa hlâ awpa nata alyna tao awpa ta a pahmaohpakhy ei ta, “Eima khazoh ta eima chariahpa Sâsawna eima ku liata miah a pie haw,” tah ei ta.

1 SAMUELA 17:26

Dâvi ta a kiah liata a duahpa pheisaihzy hnohta. “He Philistinâ chyhsa he thiepa ta, Izarei hmiachhie a patlâhtuhpa cha kheihta tao awpa ma a châ? He chopawtaileipa Philistinâ chyhsa he ahy ma châ ta, Khazohpa hrohpa pheisaihzy zua a pahao tly?” tah ta.

1 SAMUELA 17:36

Châ chakaotuhpa he chakeibarôhneipa nata chavyh zy vaw thie ha tyh na ta, he chopawtaileipa Philistinâ chyhsa chhao he, Khazohpa hrohpa pheisaihzy a pahaopa vâta, âmo hawh pyly cha a châ hra aw,” tah ta.