DÂNIAH 5:2 - Mara Bible RV (BSI)

² Belsâza ta kresawhti cha doh ta, ano nata a beimachâzy, a lapinôzy nata a nôthozy kresawhti do nawpa ta, a paw Nebukaneza ta Zerusale Achhyna o tawhta a lapa ngôh nata tâkâ nyuzy vaw chei awpa ta biepie ta.

DÂNIAH 5:2 ပူးပေါင်းရင်းမြစ်များ

2 SAMUELA 9:7

Dâvi ta a hnohta, “Chi kha, na paw Zawnathâ vâta na chô liata ngiachhiena ei palâsa aw. Na mapaw Sawla râh zydua kha cha pie pakhua khai aw na ta, ei tlâhkhai liata pati na dôh lymâ aw,” tah ta.

2 ABEIZY 24:13

Abeipa ta a vaw reipa hawhta, Abeipa o liata ryusôhpa zydua nata abei o liata ryusôhpa zydua cha Babylaw bei ta a siekhei khai haw. Izarei bei Sawlawmaw ta Abeipa Achhyna o liata ngôh hmobaoh a taopa zydua chhao a pakeichheih khai haw.

2 ABEIZY 25:15

mei lanazy nata rahôzy chhao ama la khai haw. Abei vaituhpazy hyutuhpa ta ngôh ta taopazy cha ngôh hmobaohzy hry liata soh ta, tâkâ ta taopazy cha tâkâ hmobaohzy hry liata soh ta, a siekhei haw.

2 THÂTIHZYRONA 11:20

Mâhalâ a hnei khai tawhta, Absalaw sawchanô Mâkâ hnei ta, ano ta Abiza, Atai, Ziza nata Selômi zy sapa ta.

2 THÂTIHZYRONA 15:16

A nô Mâkâ tlai chhao, khazoh nothlahpa pasichhihpa Aseri tôh a taopa vâta, beinô a châna tawhta pabâh ta, a nô khazoh nothlahpa cha chhawh pachhô ta, pazao khai ta, Kidaraw vahtiepa liata mei ta a rao haw.

2 THÂTIHZYRONA 36:10

Châhvâ daihti liata, Bei Nebukaneza ta Zerusale lâ chyhsa tuah ta, Abeipa o liata hmobaoh sôhpazy chhaota Bei Zehôkhi cha Babylaw lâ ama siekhei haw. Nebukaneza ta Zehôkhi unawhpa Zedekia cha Zudâh nata Zerusale bei ta a tao.

2 THÂTIHZYRONA 36:18

Khazohpa o liata hmobaoh zydua, a laipa chhao, a chyhpa chhao, Abeipa o liata sôh sopakhypa zydua, abei sôh nata a beimachâzy sôhzy taihta Babylaw râh lâ a siekhei khai haw.

EZRÂ 5:14

Nebukaneza ta Zerusale liata Achhyna o liata ngôh nata tâkâ hmobaohzy la ta, Babylaw râh achhyna o liata a sopazy cha, Bei Kôresâ ta Babylaw achhyna o tawhta la ta, râhvaotuhpa ta a sopa Sebâza hnohta hlâ ta,

ZEREMIAH 27:7

Ano râh daihti chhâna a tlô hlâta cha, phopi zydua ta ano nata a sawchapawpa nata a samohpa chakao aw ei ta, cha hnôhlâ ta deikua cha, phopi hluhpi nata bei rônahpazy ta ano cha sei ta ama tao aw.

ZEREMIAH 50:35

“Zaozi ta Kaldia mo a dyuh aw ta, Babylaw chyhsazy â dyuh aw; A beimachâzy nata a chyhsa sopazy chhao, Â dyuh aw ei,” Abeipa ta a tah.

ZEREMIAH 52:19

nyuzy, mei lanazy, rahôzy, beihzy, sathaw meiôh sonazy, ropahâhpa raona beihkohzy nata dopa hlâna châta hmâpa biebuhzy chhao ama la khai haw. Abei vaituhpazy hyutuhpa ta, ngôh ta taopazy cha ngôh hmobaohzy hry liata soh ta, tâkâ ta taopazy cha tâkâ hmobaohzy hry liata sopa ta a siekhei khai haw.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

DÂNIAH 5:11

Na khinarâh liana heta chyhsa pakha, ano liata khazoh pathaihpazy thlahpa a ypa a y mâh tâh. Na paw daihti liana kha, khaihna nata pahnona nata khazohzy sona hawhpa sona ano liata hmôpa a châ. Chavâta na paw Bei Nebukaneza, na paw abei kha ta, ano cha moliethaipazy, dyuthaipazy, awhsithaipazy nata pachaothaipazy hyutuh chaipa ta a tao.

DÂNIAH 5:13

Chatanachata Dâniah cha abei hmiakô liata a vaw chhi ei ta. Abei ta Dâniah hnohta, “Nâma he ma, sei ta a ypa Zudâh chyhsa, abei ei paw ta Zudâh râh tawhta â kaw chhipa, Dâniah ama tahpa cha a châ chi?

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

DÂNIAH 5:23

Avâ Beipa cha tlao a palai thlu chi ta, a o liata nyuzy cha na hmiakô liata vaw cheih ei ta, nâma nata na beimachâzy, na lapinôzy nata na nôthozy ta kresawhti dona ta hmâh ei chi ta, a hmô thei leipa, a thei thei leipa nata pahnona a hnei leipa tâkâ khazohzy, ngôh khazohzy, dawh khazohzy, thua khazohzy, tho khazohzy nata alô khazohzy cha tlao reithai chi ta, na husona a ku liata a ypa nata na lâpi zydua a vaotuhpa Khazohpa hmâchhâh palyupalih va chi.

DÂNIAH 5:3

Chatanachata Achhyna o, Zerusale liata Khazohpa o tawhta ama lapa ngôh nyuzy cha vaw cheih ei ta, cha nyuzy cha hmâpa ta abei nata a beimachâzy, a lapinôzy nata a nôthozy ta kresawhti cha doh ei ta.

DÂNIAH 5:30

Cha zâ liana tlai chata Kaldia bei Belsâza cha thiepa châ ta,

DÂNIAH 5:4

Kresawhti cha doh ei ta, ngôh, tâkâ, dawh, thua, tho nata alô khazohzy reithai ei ta.

MALUHREINA 7:79

A hmohlâpa cha supathaihpa sekel reizie ta reipa ta, niepa hlâna châta sathaw pahlaopa viahdie dipa ta pabiepa tâkâ beikoh sekel 130 a hripa miakha nata tâkâ biebuh sekel sysari a hripa miakha;