DÂNIAH 5:16 - Mara Bible RV (BSI)

¹⁶ Nâ deikua cha chhopasianazy reih thei chi ta, bie rupazy na pathlâ thei tahpa ei thei. Tahmâ châropa he reih thaipa ta, a chhopasiana eina pahnosa thei khiah chi ta cha, poh saihlawpa pabupa châ aw chi ta, na rao liata ngôh pachhih paaopa châ aw chi ta, ei râh liata ryureituhpa a sâh chaipa a pathôhna na châ aw,” tah ta.

DÂNIAH 5:16 ပူးပေါင်းရင်းမြစ်များ

ÂTHAONA 40:8

Âmo ta a hnohta, “Mâ sa pi ta, miah a chhopasia theipa y veih ei,” tah ei ta. Zawsi ta ama hnohta, “Chhopasianazy cha Khazohpa eih châ vei mâ? Tahmâ nama mâzy cha na chho teh u,” tah ta.

ÂTHAONA 41:15

Phiraoh ta Zawsi hnohta, “Mâ sa na ta, a chhopasia theipa y veih ei. Nâ cha mâ na thei nahta, na chhopasia theipa kyh ama reipa ei vaw thei,” tah ta.

ÂTHAONA 41:42

Phiraoh ta a moh chahnaona kusadi a ku tawhta pahluh ta, Zawsi ku liata paky ta, lini chysia rônahpa ta tobi ta, a rao liata ngôh pachhih paao ta.

DÂNIAH 2:48

Chatanachata abei ta Dâniah cha thata palyupalih ta, hmosaipa rônahpa hluhpi pie ta, Babylaw râh zydua chô liata ryureituhpa nata Babylaw chyhsa sopazy chô liata hyutuh chaipa ta tao ta.

DÂNIAH 2:6

Châhrasala ei mâsapa nata a chhopasiana nama rei thei khiahta cha, hmosaipazy, lymâzy nata palyupalihna rônahpazy keima tawhta nama hmô aw. Chavâta ei mâsapa nata a yzie cha na chho teh u,” tah ta.

DÂNIAH 5:29

Chatawhcha Belsâza ta biepie ta, Dâniah cha poh saihlawpa pabupa châ ta, a rao liata ngôh pachhih paao ei ta, khinarâh liata ryureituhpa a sâh chaipa a pathôhna ta phuahpa a châ.

DÂNIAH 5:7

Dyuthaipazy, awhsithaipazy nata pachaothaipazy ano lâ a vaw chhi awpa ta abei cha a paro ngaitapa ta awh ta. Abei ta Babylaw chyhsa sopazy hnohta, “Ahy rai he châropa he reih ta, a chhopasiana nâ chho theipa cha, poh saihlawpa pabupa châ aw ta, a rao liata ngôh pachhih paaopa châ aw ta, khinarâh liata ryureituhpa a sâh chaipa a pathôhna a châ aw,” tah ta.

DÂNIAH 6:2

Âmo chô lâta hyutuh laipa pathôh rao ta, chazy hry liata pakha cha Dâniah a châ. Abei ta raona â tyh lei nawpa ta, bia avaotuhpazy ta hyutuh laipa pathôhpazy hnohna heta bie ama tlôkhei tyh.

HMOTAOPAZY 8:18

Lyuhchâpazy ku pahniehpa vâta Thlahpa Pathaihpa piepa a châ tahpa Saimaw ta a hmô nahta, lyuhchâpazy cha tâkâ pie ta,