DÂNIAH 5:13 - Mara Bible RV (BSI)

¹³ Chatanachata Dâniah cha abei hmiakô liata a vaw chhi ei ta. Abei ta Dâniah hnohta, “Nâma he ma, sei ta a ypa Zudâh chyhsa, abei ei paw ta Zudâh râh tawhta â kaw chhipa, Dâniah ama tahpa cha a châ chi?

DÂNIAH 5:13 ပူးပေါင်းရင်းမြစ်များ

EZRÂ 10:16

Seichâna tawhta a vaw kuapazy deikua cha, cha hawhta tao ei ta. Theihthaipa Ezrâ ta ama pho yzie lymâ hawhta ama moh ropa ta pho pawhrâhpazy a tlyh ta. Thla hrawhna, noh khana noh ta, cha bie cha pachâ awpa ta a tyuhpakhy ei ta.

EZRÂ 10:7

Seichâna tawhta a vaw kuapa Zudâh râh nata Zerusale liata a ypa zydua hnohta Zerusale liata a hmaohpakhy awpa ta bie papuapa châ ta.

EZRÂ 4:1

Seichâna tawhta a vaw kuapa Zudâh mo nata Benzami mozy ta Abeipa, Izarei Khazohpa Achhyna o ama sapa kyh cha ama khakhaipazy ta ama thei nahta,

EZRÂ 6:16

Izarei sawzy, theihthaipazy, Livai pathlazy nata seichâna tawhta a vaw kuapazy ta a ly ngaitapa ta Khazohpa o cha ama hlâ.

DÂNIAH 1:1

Zudâh bei Zehôki ryureina kô thôhna liata, Babylaw bei Nebukaneza Zerusale lâ a vy ta, Zerusale khihpi cha dôh ta.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

DÂNIAH 1:21

Dâniah cha Bei Kôresâ â beina kô khana taihta chakao lymâ ta.

DÂNIAH 1:6

Chazy hry liata Zudâh pathla liatapa Dâniah zy, Hânaniah zy, Misela zy, Azariah zy amâ hlao hra.

DÂNIAH 2:25

Ariôka ta Dâniah cha abei lâ thlai a chhi ta, a hnohta, “Abei mâsapa a chhopasia thei awpa chyhsa Zudâh râh tawhta sei ta â khypazy hry liata pakha ei hmô haw,” tah ta.

DÂNIAH 2:48

Chatanachata abei ta Dâniah cha thata palyupalih ta, hmosaipa rônahpa hluhpi pie ta, Babylaw râh zydua chô liata ryureituhpa nata Babylaw chyhsa sopazy chô liata hyutuh chaipa ta tao ta.

DÂNIAH 5:11

Na khinarâh liana heta chyhsa pakha, ano liata khazoh pathaihpazy thlahpa a ypa a y mâh tâh. Na paw daihti liana kha, khaihna nata pahnona nata khazohzy sona hawhpa sona ano liata hmôpa a châ. Chavâta na paw Bei Nebukaneza, na paw abei kha ta, ano cha moliethaipazy, dyuthaipazy, awhsithaipazy nata pachaothaipazy hyutuh chaipa ta a tao.

DÂNIAH 5:14

Khazohzy thlahpa cha nâma liata y ta, khaihna nata novâhna nata so patluana zy na hnei tahpa ei vaw thei.

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

DÂNIAH 5:2

Belsâza ta kresawhti cha doh ta, ano nata a beimachâzy, a lapinôzy nata a nôthozy kresawhti do nawpa ta, a paw Nebukaneza ta Zerusale Achhyna o tawhta a lapa ngôh nata tâkâ nyuzy vaw chei awpa ta biepie ta.

DÂNIAH 6:13

Abei cha a chhy ei ta, a hnohta, “Dâniah, Zudâh râh tawhta sei ta â khypazy hry liatapa khata, Hy abei y, cha papeisa leipa ta, pakhâna bie na moh na ro thlu hapa chhao papeisa hra vei; noh kha ta ei thôh thlah a chhâ lymâ,” tah ei ta.

DÂNIAH 8:1

Bei Belsâza ryureina kô thôhna liata, ei hnohta, kei Dâniah hnoh tlai heta, aluahna a vaw lâ heih ta; he he ei hnohta aluahna a vaw lâ tuapa khai tawhna khata a vaw lâ heihpa a châ.

DÂNIAH 8:27

Kei, Dâniah cha thachhâpa ta y na ta, noh khazie tlyma pasapa ta a zia na ta. Chatawhcha thyu na ta, abei rai cha hria heih na ta, châhrasala aluahna ta ei thlah thata na pazo ta, a yzie rai pahno leipa na ta.

ZAWHÂNA 7:1

Cha khai tawhta Zisu cha Kâlili râh chahryh ta. Zuzy ta thie amâ chhuahpa vâta, Zudia râh deikua chahryh a chhuah vei.

ZAWHÂNA 7:3

A unawhzy ta “He tawhta pua la, na pachupazy ta na hmotaopazy ama hmô thei nawpa ta, Zudia râh lâ sie mah y.