DÂNIAH 5:12 - Mara Bible RV (BSI)

¹² Ano cha Dâniah châ ta, abei ta a moh Beltesâza a bi. Ano cha palôh pha ngaitapa, pahnona nata novâhna a hneipa chyhsa châ ta, mâzy chhopasia thei ta, bienyupazy reihpasia thei ta, biepeipazy chhao a pathlâ thei. Tahmâ Dâniah cha paawsa la, a chhopasiana a cha chho thlâh ha aw,” tah ta.

DÂNIAH 5:12 ပူးပေါင်းရင်းမြစ်များ

HLAZY 16:3

Alei liata mopathaihpazy he, Chyhsa pha patluapazy châ ei ta, Âmo cha ei lyna chaipa ama châ tyh.

BIESOZY 12:26

Mosiapa cha a vaih châta chhituhpa châ ta, Moleipa lâpi deikua cha ama paviana a châ.

BIESOZY 17:27

Bierei a chadopa cha chyhsa sopa châ ta, A reikah a sôhpa chhao chyhsa novâhpa a châ.

EZEKIA 28:3

Dâniah hlâta so via tlai chi ta, Nâ tawhta nyupa rai y vei.

DÂNIAH 1:17

He satlia papalihpazy he achuna nata thaina kyh to liata Khazohpa ta sona nata novâhna pie ta. Dâniah chhochhi cha aluahna nata mâ zydua taih chhao chhopasia thei ta.

DÂNIAH 1:7

Bei chakaotuhpazy hyutuhpa chata Dâniah cha Beltesâza, Hânaniah cha Sâdarâka, Misela cha Mesâka, Azariah cha Abenekô tahpa ta ama moh a bi ei.

DÂNIAH 2:26

Abei ta Dâniah, Beltesâza ama tahpa hnohna chata, “Ei mâ lâta ei hmôpa nata a chhopasiana cha eina chho thei aw chi ma?” tah ta.

DÂNIAH 4:19

Dâniah, Beltesâza ama tahpa cha, buakha chhôh chihuhpa ta vaw y ta, a pachâpazy ta patypamâ ta. Abei ta a chhy ta, a hnohta, “Beltesâza y, mâsapa tlyma, a chhopasiana tlyma ta cha patypamâ khah se,” tah ta. Beltesâza ta a chhy ta, a hnohta, “Ei zibeipa, na mâsapa he châ haotuhpazy châta châ sala, a chhopasiana he na chariahpazy châta châ mawh sy!

DÂNIAH 4:8

A chhâna lâta Dâniah, ei khazoh moh paphaopa ta a moh Beltesâza bipa, ano liata khazoh pathaihpazy thlahpa a ypa cha, ei hmiakô liata a vy ta, ei mâsapa cha chho na ta.

DÂNIAH 5:14

Khazohzy thlahpa cha nâma liata y ta, khaihna nata novâhna nata so patluana zy na hnei tahpa ei vaw thei.

DÂNIAH 5:16

Nâ deikua cha chhopasianazy reih thei chi ta, bie rupazy na pathlâ thei tahpa ei thei. Tahmâ châropa he reih thaipa ta, a chhopasiana eina pahnosa thei khiah chi ta cha, poh saihlawpa pabupa châ aw chi ta, na rao liata ngôh pachhih paaopa châ aw chi ta, ei râh liata ryureituhpa a sâh chaipa a pathôhna na châ aw,” tah ta.

DÂNIAH 6:3

Dâniah cha palôh pha patluapa a phaohpa a châpa vâta, hyutuh laipa hropazy nata bia avaotuhpazy hlâta a lâluah via pachai ta. Chatanachata abei ta Dâniah cha khinarâh pôhpalôhpa chô liata so a chhuah ta.

DÂNIAH 6:4

Cha kyh vâna chata hyutuh laipazy nata bia avaotuhpazy ta Dâniah cha khinarâh avaona kyh liata ama leih nawpa tlua ei ta, châhrasala leih nawpa tlyma, â doleina tlyma hmô leipa ei ta. Ngâchhihpa a châpa vâta, taochheipa tlyma, adoleina tlyma ano liata hmô awpa y vei.

KAOLAOSÂ 1:29

Cha châna chata hriapasa na ta, kei liata thatlô ngaitapa ta a hriatuhpa thatlôna zydua hmâpa ta ei tei lymâ.