DÂNIAH 4:8 - Mara Bible RV (BSI)

⁸ A chhâna lâta Dâniah, ei khazoh moh paphaopa ta a moh Beltesâza bipa, ano liata khazoh pathaihpazy thlahpa a ypa cha, ei hmiakô liata a vy ta, ei mâsapa cha chho na ta.

DÂNIAH 4:8 ပူးပေါင်းရင်းမြစ်များ

ÂTHAONA 41:38

Phiraoh ta a chakaotuhpazy hnohta, “He hawhta Khazohpa Thlahpa ta a ypâpa chyhsa he eima hmô thei aw mâ?” tah ta.

ISAI 46:1

Bel a bôh ta, Nebô â pahnai; Ama khazoh nothlahpazy cha, Râhsazy nata sahrohzy chô liata ama khaih. He hmozy nama phaopa he, Sahroh thachhâpazy chô liata Phaohri hawh deita a châ.

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

ZEREMIAH 50:2

“Phopizy hry liata phuahpa ta tlâh awh u la, Ngiana poh chaluahpa ta awh teh u; ‘Babylaw cha lapa châ ta, Bel maophyuhpa ta y ta, Merôdâ thlazohpa ta a y. A nothlah leihpazy maophyuhpa ta y ei ta, A khazoh nothlahpazy thlazohpa ta ama y,’ Tahpa ta phih leipa ta phuah teh u.

EZEKIA 17:23

Izarei tlâhpi laki liata loh aw na ta, a chiahzy pachiahpa ta, a theizy pathei aw ta, sidy tho phapa a vaw châ aw. A buh ry liata mathlaw a hneipa pavaw chi to pahrâ aw ei ta, a chiah nohpahlipa liata pavaw chi to ama pahrâ aw.

DÂNIAH 1:7

Bei chakaotuhpazy hyutuhpa chata Dâniah cha Beltesâza, Hânaniah cha Sâdarâka, Misela cha Mesâka, Azariah cha Abenekô tahpa ta ama moh a bi ei.

DÂNIAH 2:11

Abei hmo a hnawpa he a ru tu ha na; khazohzy na tah leipa ta cha ahy hmahta he hmo he abei a chhopasia thei awpa y aw veih ei, khazohzy hra cha chyhsazy hry liata pahrâ tlôh ei vâ,” tah ei ta.

DÂNIAH 2:26

Abei ta Dâniah, Beltesâza ama tahpa hnohna chata, “Ei mâ lâta ei hmôpa nata a chhopasiana cha eina chho thei aw chi ma?” tah ta.

DÂNIAH 3:14

Nebukaneza ta âmo cha bie a chho ta, ama hnohta, “Hy Sâdarâka, Mesâka, Abenekô, ei khazohzy chakao leipa ei chi ta, ngôh nothlahpa ei paduapa chhao a chhy veih ei chi, tahpa he â do ma?

DÂNIAH 4:18

He mâ he, kei, Bei Nebukaneza ta sa na ta, nâ, Hy Beltesâza y, a chhopasiana cha phuah teh. Ei beinarâh liata chyhsa sopa zydua ta a chhopasiana na chho thei veih ei. Nâ deikua cha na tao thei aw, khazoh pathaihpazy thlahpa nâma liata a ypa vâta,” tah na ta.

DÂNIAH 4:9

“Hy Beltesâza, moliethaipazy hyutuh chaipa y, khazoh pathaihpazy thlahpa na hnohta y ta, chavâta nâma châta la bienyupa ru tupa y vei, tahpa ei pahno; ei mâ lâta ei hmôpa aluahna nata a chhopasiana na chho teh.

DÂNIAH 5:14

Khazohzy thlahpa cha nâma liata y ta, khaihna nata novâhna nata so patluana zy na hnei tahpa ei vaw thei.