DÂNIAH 4:7 - Mara Bible RV (BSI)

⁷ Moliethaipazy, dyuthaipazy, awhsithaipazy nata pachaothaipazy a vy ei ta, ei mâsapa cha âmo chho ei na ta, châhrasala a chhopasiana na chho thei veih ei.

DÂNIAH 4:7 ပူးပေါင်းရင်းမြစ်များ

ÂTHAONA 41:24

Sâh suh sihpazy chata sâh suh patapa suh saripazy cha ama palâ khai haw. Moliethaipazy chho ei na ta, châhrasala nâ chhopasia theipa y veih ei,” tah ta.

ÂTHAONA 41:8

My a vaw châ nahta, a palôh a nôpo kaw ta. Chyhsa tuah ta, Izi râh liata moliethaipa zydua nata chyhsa sopa zydua aw ta. Phiraoh ta a mâzy cha âmo chho ta, châhrasala Phiraoh a chhopasia theipa y tlâ veih ei.

HLAZY 37:35

Chyhsa chhiepa moleipa hmô na ta, Thobuh hrohpa hawhta â zawhpa ei hmô.

ISAI 44:25

Hrohso pakheipazy maoh paphyuhpa ta, Ama chhochhieliena biezy â do leizie a palâsatuhpa châ na ta, Peihthaipazy ahrupa ta a taotuhpa ei châ. Asopazy hnôh lâ paheihsa na ta, Ama pahnona hruna lâta a paliesatuhpa ei châ.

EZEKIA 31:3

Pachâ teh, Asuria cha Lebanaw liata sidy tho châ ta, A chiah a ngiapa nata a nohdi buh a rôhpa a châ; Thokô a sâh ngaitapa châ ta, A kithlao vâ meihdo taihta a daihpa a châ.

DÂNIAH 1:4

Âmo cha pizie liata seina hnei leipa satlia, hmiphapa, sona zydua a chu thei awpa duahmo liata â duahpa, hmo a pahno thaipa, pachâna pasohpa a hmâh thaipa nata abei o liata rai hria awpa ta a tlâh a châpazy ama châ awpa a châ. Aspenâza ta âmo cha Kaldia reih nata thainazy a pachu aw ei.

DÂNIAH 2:10

Kaldia mo ta abei cha a chhy ei ta, a hnohta, “Abei hmo reipa a tao thei awpa he alei chô liata chyhsa ahy hmah y veih ei! Ahy bei rônahpa nata hmotaotheipa hmahta he hawhpa hmo he moliethaipa tlyma, dyuthaipa tlyma, awhsithaipa tlyma hiahri beih vei.

DÂNIAH 2:27

Dâniah ta a chhy ta, a hnohta, “Abei ta bienyupa a hiahripa he chyhsa sopazy, dyuthaipazy, moliethaipazy nata, pachaothaipazy ahy ta hmahta abei chho thei aw veih ei.

DÂNIAH 2:7

A einona ta a chhy ei ta, a hnohta, “Abei ta a mâsapa cha ano a chakaotuhpazy he chho sala, a chhopasiana cha eima phuah aw,” tah ei ta.

DÂNIAH 3:8

Cha nona chata Kaldia chyhsa ahyzy tlyma hmialâ vaw pua ei ta, Zu chyhsazy vaw leih ei ta.

DÂNIAH 4:18

He mâ he, kei, Bei Nebukaneza ta sa na ta, nâ, Hy Beltesâza y, a chhopasiana cha phuah teh. Ei beinarâh liata chyhsa sopa zydua ta a chhopasiana na chho thei veih ei. Nâ deikua cha na tao thei aw, khazoh pathaihpazy thlahpa nâma liata a ypa vâta,” tah na ta.

DÂNIAH 5:7

Dyuthaipazy, awhsithaipazy nata pachaothaipazy ano lâ a vaw chhi awpa ta abei cha a paro ngaitapa ta awh ta. Abei ta Babylaw chyhsa sopazy hnohta, “Ahy rai he châropa he reih ta, a chhopasiana nâ chho theipa cha, poh saihlawpa pabupa châ aw ta, a rao liata ngôh pachhih paaopa châ aw ta, khinarâh liata ryureituhpa a sâh chaipa a pathôhna a châ aw,” tah ta.

DÂNIAH 5:8

Chatanachata abei chyhsa sopa zydua cha a zâ ngia ei ta, châhrasala châropa a reih theipa y leipa ei ta, a chhopasiana abei a pahnosa theipa y hra veih ei.