DÂNIAH 4:6 - Mara Bible RV (BSI)

⁶ Chavâta ei mâsapa na chhopasia awpa ta, Babylaw râh liata chyhsa sopa zydua ei hmiakô liata a vaw chhi awpa ta biepie na ta.

DÂNIAH 4:6 ပူးပေါင်းရင်းမြစ်များ

PUASAINA 7:11

Phiraoh chhao ta chyhsa sopazy nata dyuthaipazy aw hra ta, Izi râh liata moliethaipazy chhao chata ama dyu hmâpa ta, cha hawhna tlai chata tao hra ei ta.

ISAI 8:19

Chyhsazy ta, “Pavaw tieta hawhta sâh ei ta, chaeichamypa ta bie a reihpa peihthaipa nata dyuthaipa zy a saohiah teh u,” ama cha tah tita, hetana heta a chhy teh u. Phopi miakha châ hra tlôhpa khiahta cha, ama Khazohpa amâ saohiah awpa châ hri vei ma? Ahrohpazy châta ma athipa tlao amâ saohiah aw?

DÂNIAH 1:17

He satlia papalihpazy he achuna nata thaina kyh to liata Khazohpa ta sona nata novâhna pie ta. Dâniah chhochhi cha aluahna nata mâ zydua taih chhao chhopasia thei ta.

DÂNIAH 2:2

Abei ta a mâsapazy cha ano chho awpa ta moliethaipazy, dyuthaipazy, pachaothaipazy nata awhsithaipazy awpakhy awpa ta biepie ta. Âmo cha a vy ei ta abei hmiakô liata a duah ei ta.

DÂNIAH 2:48

Chatanachata abei ta Dâniah cha thata palyupalih ta, hmosaipa rônahpa hluhpi pie ta, Babylaw râh zydua chô liata ryureituhpa nata Babylaw chyhsa sopazy chô liata hyutuh chaipa ta tao ta.

DÂNIAH 4:15

A chuahmi nata alei ry lâta a tharizy deikua cha pahlôh la, thua ri nata dawh ri ta chahry la, râh sibie panyupazy hry liata y thlâh ha mawh sy. Avâ diati ta padâ sala, a tovyuh awpa cha râhsazy hnohta alei sibiepa hry liata pahrâpa châ mawh sy.

DÂNIAH 5:11

Na khinarâh liana heta chyhsa pakha, ano liata khazoh pathaihpazy thlahpa a ypa a y mâh tâh. Na paw daihti liana kha, khaihna nata pahnona nata khazohzy sona hawhpa sona ano liata hmôpa a châ. Chavâta na paw Bei Nebukaneza, na paw abei kha ta, ano cha moliethaipazy, dyuthaipazy, awhsithaipazy nata pachaothaipazy hyutuh chaipa ta a tao.

DÂNIAH 5:7

Dyuthaipazy, awhsithaipazy nata pachaothaipazy ano lâ a vaw chhi awpa ta abei cha a paro ngaitapa ta awh ta. Abei ta Babylaw chyhsa sopazy hnohta, “Ahy rai he châropa he reih ta, a chhopasiana nâ chho theipa cha, poh saihlawpa pabupa châ aw ta, a rao liata ngôh pachhih paaopa châ aw ta, khinarâh liata ryureituhpa a sâh chaipa a pathôhna a châ aw,” tah ta.