DÂNIAH 4:36 - Mara Bible RV (BSI)

³⁶ Ei pahnona kei lâ a vaw kua heihna daihti liata, ei beinarâh rônahna nata ei beina nata ei khaih ngianazy cha kei lâ vaw kua heih ei ta. Ei ryhraokheituhpazy nata ei beimachâzy ta na vaw pangai ei ta, ei beidyuchhai liata na patyusa heih ei ta, hmialâ tahpa hlâta thata rônah viapa ta y na ta.

DÂNIAH 4:36 ပူးပေါင်းရင်းမြစ်များ

ZAWBÂ 13:12

Nama biesozy cha, Buchâh hawhpa biesozy châ ei ta; Namâ vainazy cha, Beihlei ta sapa avainazy hawh dei a châ.

BIESOZY 22:4

Areisina nata Abeipa china lymâzy cha, Hneirôna, zana nata hrona zy a châ.

DÂNIAH 2:31

“Hy abei y, mohmia pasaih chi ta, moh teh, na hmiakô liata nothlahpa lai ngaitapa miakha y ta, cha nothlahpa, thatlô ngaitapa nata khaih ngaitapa cha na hmiakô liata a duah ta, â lânazie chhao chichhih ngaitapa a châ.

DÂNIAH 4:22

Hy abei y, kha thokô kha nâma he na châ. Kaw lai chi ta, na tha kaw tlô ta, na rônahna a sâh via rilipa ta avâ daih ta, nâ beinarâh chhao alei chhâna taihta a châ.

DÂNIAH 4:32

Chyhsazy hry tawhtapa papuapa ta y aw chi ta, na pahrâna cha râhsazy hry ta a châ aw. Viahchao hawhta sibiepa pabâsapa châ aw chi ta, na châta daihti mia sari a khô aw, Chônôchaipa ta chyhsazy khinarâh chô liata ryureih ta, a pie khohpa hnohta khinarâh cha a pie tyh, tahpa na pahno hlâlei cha,” tahpa ta.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

MATHAI 6:33

Khazohpa khinarâh nata a siana tlua tua u la, cha hmo zydua cha baichhapa nama châ aw.

2 KAWRINI 4:17

Bohpi leipa chhôh riethei chyhta eima taopa nata pakho thei rimâ lei awpa chhâzaw rônahna eima to awpa châta miah a pachhuahpanohpa a châ.

1 SAMUELA 2:30

Chavâta Abeipa Izarei Khazohpa ta hetana heta a tah: ‘Na chipathlazy nata châ pathlatuhpa chipathlazy cha ei hmiakô liata chhâzaw ta ama y aw,’ tahpa ta bie a vaw taih taraw na ta, tahmâ deikua cha Abeipa ta, ‘Cha hawhta châ khao aw vei, nâ palyupalihpa maih palyupalih aw ei na ta, nâ mohnaopa maih cha ama noh â li lymâ aw.