DÂNIAH 4:32 - Mara Bible RV (BSI)

³² Chyhsazy hry tawhtapa papuapa ta y aw chi ta, na pahrâna cha râhsazy hry ta a châ aw. Viahchao hawhta sibiepa pabâsapa châ aw chi ta, na châta daihti mia sari a khô aw, Chônôchaipa ta chyhsazy khinarâh chô liata ryureih ta, a pie khohpa hnohta khinarâh cha a pie tyh, tahpa na pahno hlâlei cha,” tahpa ta.

DÂNIAH 4:32 ပူးပေါင်းရင်းမြစ်များ

2 THÂTIHZYRONA 33:13

Khazohpa lâ thlahchhâ ta, a hiana cha Khazohpa ta thei ta, ngiachhie ta, a khinarâh Zerusale khihpi lâ â chhi pakhua heih. Chatanachata Manase ta Abeipa cha Khazohpa a châ tahpa a pahno haw.

ZAWBÂ 42:2

“Ato na tao thei tahpa ei pahno, Nâ chhuah hapa cha khâpa hmah pakhâ theipa châ vei.

ZAWBÂ 9:12

Pachâ tua, A râkhei ta, Ahy a pakhâ thei tly? Ahy ma, ‘Khâpa na tao?’ a tah thei tly?

HLAZY 115:3

Keimo Khazohpa cha vârâh liata y ta, A khopa maih a tao tyh.

HLAZY 135:6

Abeipa cha avâ nata alei liata a khopa maih tao tyh ta, Tilaipizy nata ti athupazy liata a khopa maih a tao tyh.

PUASAINA 8:10

Phiraoh ta, “Mylâ sy,” tah ta. Mawsi ta, “Na bie hawhta châ mawh sy. Chatanachata Abeipa eima Khazohpa hawhpa he ahy hmah y veih ei tahpa na pahno aw.

PUASAINA 9:14

Tahmâ liana heta la na chô liata nata châ chakaotuhpazy chô liata nata na phopi chô liata potlana ta ei hrie nawpa zydua ei vaw patlôsa bâ aw. Chatanachata khizaw zydua liata keima hawhpa he ahy hmah y veih ei tahpa na pahno aw.

PUASAINA 9:29

Mawsi ta a hnohta, “Khih tawhta ei puapata nahta, Abeipa lâ ei ku ei pazawh aw. Tôkalôhpa a chalih aw ta, pareih chhao tla khao aw vei. Chatanachata leilô he Abeipa eih a châ tahpa na pahno aw.

ISAI 37:20

Chavâta Hy Abeipa eima Khazohpa y, nâma deita he Abeipa cha na châ tahpa alei chô liata khinarâh zydua ta ama pahno thei nawpa ta, ngiachhiepa ta Senâkeri ku tawhtapa he miah pachha tlai mah y,” tah ta.

ISAI 40:15

Pachâ tua u, phopizy cha tibyh liata ti di kha hawh dei châ ei ta, Khopathliahna liata doh chyhta a baipa hawh dei pachâpa ama châ. Pachâ tua u, Abeipa cha liahpahlôzy chhao, Hmo chyhpata hawhta a chalo thlâh hapa a châ.

ISAI 40:17

Ano hmiakô liata la, Râh zydua he khâpa hmah a châ leipa hawhta châ ei ta, Ano pachâ ta la, Khâpa hmah a châ leipa hlâ chhao ta, Chyh viapa nata aruapa hawhta pachâpa ama châ.

ISAI 45:3

Kei Abeipa, Izarei Khazohpa heta, Na moh tlai ta ei cha aw tahpa na pahno thei nawpa ta, Zohna ryusôhpazy cha pie aw na ta, Su a nyupazy liata sôh nyupazy ei cha pie aw.

ZEREMIAH 27:5

“Alei nata a chhôh liata a ypa chyhsapa nata sazy he, kei ta ei hmotaotheina rônah ngaitapa nata ei bâh pazawhpa ta ei taopazy châ ei ta, pie tlâhpa ta ei raopazy hnohta ei pie ei.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

DÂNIAH 4:31

Cha biezy cha abei pakah liata a y thlâh ha chy nota, avâ tawhta ao za pua ta, “Hy Bei Nebukaneza y, he bie he nâma châta a vaw tlôpa a châ: Khinarâh ta a cha puasai haw.

DÂNIAH 5:21

Khazohpa Chônôchaipa ta chyhsazy khinarâh chô liata ryureih ta, a khopa maih khinarâh chô liata a pabeisa tyh tahpa a pahno hlâlei cha, chyhsazy hry tawhtapa papuapa ta y ta, râhsa palôh paphaosapa châ ta, râh alâzy hry liata pahrâ ta, viahchaozy hawhta sibiepa pabâsapa châ ta, a pôhpa avâ diati ta padâpa ta a y.

ZAWSUA 4:24

Chatanachata alei chô liata phopi zydua ta Abeipa ku cha ku thatlôpa a châ tahpa pahno aw ei ta, Abeipa nama Khazohpa cha nama chi lymâ thei aw,” tah ta.