DÂNIAH 4:30 - Mara Bible RV (BSI)

³⁰ abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

DÂNIAH 4:30 ပူးပေါင်းရင်းမြစ်များ

ÂTHAONA 10:10

Ano râh athaona cha Sinâ râh liata Babylaw, Ere, Akadâ nata Kalne khihzy ama châ.

ESTHERI 1:4

 beina râh rônahzie nata ano mopakha rônahzie nata laiphazie zy noh hluhpi, noh 180 tlai pamosa ta.

HLAZY 104:1

Hy ei thlahpa, Abeipa cha reithai mah y! Hy Abeipa ei Khazohpa, na rônah ngaita kaw dia! Rônahna nata abeina zy ta a tobipa ta,

HLAZY 49:20

Chyhsapa cha hneirôh kaw hra sala, Novâhna a hnei vei khiahta cha, Sazy thipa hawhta a thi tyh.

HLAZY 73:8

Chyhsa pahneisaopa ta bie chhiepa reih ei ta, A palai ngaitapa ta tlybaina bie ama reih tyh.

BIESOZY 11:2

Apalaina a vaw y nahta, Maophyuhna vaw y ta; Areisipa deikua cha, Sona a hneipa a châ.

BIESOZY 16:18

Apalaina cha raona hmia lâta sie ta, Akhotlâhna palôh chhao paona hmia lâta a sie.

BIESOZY 29:23

Chyhsa cha â palaina ta ano panawh aw ta, Chyhsa areisipa deikua cha palyupalihna a hlao aw.

ISAI 13:19

“Khazohpa ta a parao ti ei ta cha, Khinarâhzy lôsôhpa Babylaw cha, Sawdawmâ nata Kawmawrâ hawh ta châ aw ta; Kaldia mo rônahna nata apalaina chhao, Sawdawmâ nata Kawmawrâ hawhta a châ aw.

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

DÂNIAH 4:31

Cha biezy cha abei pakah liata a y thlâh ha chy nota, avâ tawhta ao za pua ta, “Hy Bei Nebukaneza y, he bie he nâma châta a vaw tlôpa a châ: Khinarâh ta a cha puasai haw.

HABAKU 1:11

Ama thatlôna cha ama khazoh ta tao ei ta, Ama siena liata thlih hawhta ama chanaoh laih; Moleina hmo tao ei ta, Thaileichâpa ta ama y.”

LUKA 14:11

A pasâhsapa maih panawhpa châ aw ei ta, a panawhpa maih palyupalihpa ama châ aw,” tah ta.

LUKA 14:9

nama pano ta châ hruatuhpa cha a vy aw ta na hnohta, ‘Nâ tyuna kha he chyhsa he tlei teh,’ cha tah aw ta, nâ cha noza ngaitapa ta atyuna a hnai chaipa liata a tyuh awpa na châ pathlei aw.

1 KAWRINI 10:31

Chavâta nama nie tlyma, nama doh tlyma, nama taopa maih Khazohpa rônahna châta tao muh vy.

1 PITY 5:5

Cha hawhna chata nâmo, hawti viapazy saih u, uhthei viapazy liata a ngiarih teh u. Nama zydua ta areisina chysia ta a tobi u la, a chakao raihrie teh u. “Khazohpa ta apalaipazy a dyuh ta, areisipazy deikua cha a ngiachhie tyh.”

BIEPHUAH 14:8

Vâlyuhchâpa hropa, panona ta vaw pazi ta, “A pao haw, Babylaw khihpi rônahpa cha a pao haw. Sihryhna vâta phopi to hiehâhna kresawhti a padosatuhpa cha a pao haw,” tah ta.

BIEPHUAH 16:19

Khihpi rônahpa cha su thôh ta a vaw patlaw ta, phopi to khihpizy cha pao ta. Khazohpa ta Babylaw rônahpa cha a thei thlâh ha ta. Chatanachata a hiehâhna ru ngaitapa kresawhti nyu cha a hnohta pie ta.

BIEPHUAH 17:5

A khi liata bienyupa, “Babylaw khihpi rônahpa, sihryhpazy nata lei hmo pasichhihpazy nô,” tahpa ta moh ropa y ta.

BIEPHUAH 18:10

A pasataona chipa ta, lâhlapi ta a duah aw ei ta, hetana heta ama tah aw: “Cha rimâ cha! Cha rimâ cha! Nâ, khihpi rônahpa, Nâ, khihpi thatlôpa, Hy Babylaw khihpi! Dawh kha chhôh ta, Na rao khai ha he zaw.”

BIEPHUAH 18:21

Chatawhcha vâlyuhchâpa thatlô ngaitapa ta sâhchariehna lô lai ngaitapa a lyupa alô la ta, tilaipi liata thy ta, hetana heta a tah: “Kha hawhna khata, Babylaw khihpi rônahpa chhao, Pasa kawpa ta thypa châ aw ta, Hmô heihpa châ khao aw vei.