DÂNIAH 4:3 - Mara Bible RV (BSI)

³ A ngiana hmozy rônah ta, A hmonoâhpazy a thatlô ngaita! A khinarâh cha tlyzaw khinarâh châ ta, A ryureina chhâ zydua ta â duah aw.

DÂNIAH 4:3 ပူးပေါင်းရင်းမြစ်များ

ZAWBÂ 25:2

“Khazohpa hnohta ryureina nata china y ta, Avâ sâhpa liata adyhna a tao.

HLAZY 104:24

Hy Abeipa, na hmotaopazy a hluh kaw dia! So kawpa ta na taopa sai châ ei ta, Leilô he na hmotaopazy ta a bie.

HLAZY 105:27

Âmo chata Izi mo hry liata ngianazy tao ei ta, Hamâ râh liata hmonoâhpazy ama tao.

HLAZY 145:13

Na khinarâh cha tlyzaw khinarâh châ ta, Na ryureina chhâ zydua ta â duah aw. Abeipa cha a bie zydua liata ngâ a chhih ta, A hmotaopa zydua liata a phapa a châ.

HLAZY 66:7

A thatlôna ta tlyzaw ta ryureih ta, A mo ta râhzy khâ a vaih tyh. Dyuhtuhpazy âmosasyh a cheihchalo khah ei sy. Selah

HLAZY 72:18

Abeipa, Izarei Khazohpa cha, Reithaipa ta y mawh sy; Ano deita he hmonoâhpazy taotuhpa a châ.

HLAZY 77:19

Na lâpi ta tilaipi siepahlie ta, Na lâthlôh ta ti lai ngaitapazy a siepahlie; Chatanachôta na pheihniezy hmô awpa y vei.

HLAZY 86:10

Nâ cha rônahpa nata hmonoâh taotuhpa châ chi ta, Nâma deita he Khazohpa na châ.

HLAZY 92:5

Hy Abeipa, na hmotaopazy cha rônah ta, Na pachânazy â thu kaw dia!

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 28:29

Cha pahnona chhao cha, Pheisaihzy Abeipa tawhta a vypa a châ; Ano cha ryhraotuh noâchhihpa châ ta, Sona kipa a hneipa a châ.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

DÂNIAH 2:2

Abei ta a mâsapazy cha ano chho awpa ta moliethaipazy, dyuthaipazy, pachaothaipazy nata awhsithaipazy awpakhy awpa ta biepie ta. Âmo cha a vy ei ta abei hmiakô liata a duah ei ta.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

DÂNIAH 7:27

Chatawhcha khinarâh nata ryureina cha, Chônôchaipa phopi mopathaihpazy hnohta piepa châ aw ta; Avâ ry zydua liata khinarâhzy rônahna chhao, Ama hnohta piepa a châ aw. A khinarâh cha tlyzaw khinarâh a châ aw; Ryureituhpa zydua ta ano cha chakao aw ei ta, A rei amâ ngiah aw.’”

RAWMA 11:33

Hy â thu kaw dia, Khazohpa hneirôna, Sona nata pahnona zy cha! A ryureinazy pahno thei awpa châ leipa ta, A lâpizy chathô thei awpa châ vei.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

1 TIMAWTHY 1:17

Chhâzaw Beipa, thi thei leipa, hmô thei leipa nata Khazohpa a y chhôhpa hnohta chhâzaw nata tlyzaw ta palyupalihna nata rônahna y mawh sy. Amen.

HEBRAI 1:8

Sawchapawpa kyh liata deikua cha, hetana heta a tah: “Hy Khazohpa, na beidyuchhai cha, Chhâzaw nata tlyzaw ta y ta, Siana chôchahrei cha, Na khinarâh chôchahrei a châ.

HEBRAI 2:4

Khazohpa chhao ta ngianazy, hmonoâhpazy nata hmotaotheina to ta nata a khozie hawhta Thlahpa Pathaihpa hmopiepazy piepa ta a pahnokhei.

1 PITY 4:11

Ahy rai bie a reihpa maih Khazohpa bie hawhta reih sala, a chakaopa maih Khazohpa ta thatlôna a piepa lymâ hawhta chakao mawh sy. Chatanachata Zisu Krista vâta Khazohpa cha kyh to liata palyupalihpa ta a y thei aw. Rônahna nata hmotaotheina cha chhâzaw nata tlyzaw ta ano eih châ tlôh ta. Amen.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.