DÂNIAH 4:22 - Mara Bible RV (BSI)

²² Hy abei y, kha thokô kha nâma he na châ. Kaw lai chi ta, na tha kaw tlô ta, na rônahna a sâh via rilipa ta avâ daih ta, nâ beinarâh chhao alei chhâna taihta a châ.

DÂNIAH 4:22 ပူးပေါင်းရင်းမြစ်များ

ÂTHAONA 11:4

Chatanachata, “A vy teh u, khihpi padua sih la, o sâhpa a laki avâ a daih awpa sa sih la, eima moh pathâhsa suh u. Chataleipatala alei chô zydua liata papaipa ta eima y pathlei aw na,” tah ei ta.

ÂTHAONA 28:12

Mâ sa ta, alei chô liata hleidy a vaw daopa hmô ta, hleidy pawhmao cha avâ daih ta. Khazohpa vâlyuhchâpazy ta hleidy chô liata kiah heih, chô heih, ama tah ngâpa hmô ta.

2 SAMUELA 12:7

Nâthâ ta Dâvi hnohta, “Cha chyhsa cha nâma he na châ! Abeipa, Izarei Khazohpa ta hetana heta a tah: ‘Izarei bei châta sathaw cha thu na ta, Sawla ku tawhta ei cha pachha.

2 THÂTIHZYRONA 28:9

Cha liata Abeipa hrohsopa pakha, a moh Ôdedâ ama tahpa y ta. Samâri lâ a vaw tlôpa pheisaihzy cha kei dy ta, ama hnohta, “Pachâ teh u, Abeipa châ pathlatuhpazy Khazohpa cha Zudâh chô liata a hie a hâhpa vâta nama ku liata a cha pie ei. Châhrasala pathi iapa ta thie ei chi ta, nama thiena kyh cha vârâh a daih haw.

HLAZY 108:4

Na kyhpachâna tleih beih leipa ta avâzy kaw daih ta, Na ngâchhihna ta meihdozy a kaw tlô.

HLAZY 36:5

Hy Abeipa, na zawngiahna cha avâ kaw daih ta, Na ngâchhihna ta meihdo taih a kaw tlô.

ZEREMIAH 27:5

“Alei nata a chhôh liata a ypa chyhsapa nata sazy he, kei ta ei hmotaotheina rônah ngaitapa nata ei bâh pazawhpa ta ei taopazy châ ei ta, pie tlâhpa ta ei raopazy hnohta ei pie ei.

EZEKIA 17:3

Abeipa Zehôvâh ta hetana heta a tah: Pahmôhpi lai ngaitapa, mathlaw phiapa, mathlaw ki seihpa, hmi phi kaluhpa nata chapaipa cha Lebanaw lâ a zaw ta, sidy tho pawthlyu kei thlie ta.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

DÂNIAH 4:11

Thokô cha kaw lai ta, pachyu ta, a kihthlao avâ daih ta, alei chhâna zydua tawhta hmô thei khaipa ta a y.

DÂNIAH 4:21

a hnazy a ngia kawpa nata a thei a hluh ngaitapa, hmohrohneipa to châta nie awpa a hneipa, râhsazy ta a nohdi amâ chhaipa nata avâ pavawzy ta a chiahzy liata ama pahrâpa thokô kha,

DÂNIAH 4:29

Thla hrawh hleino chhâna liata Babylaw bei o vâphuh liata â hlaihlâ ngâ nota,

DÂNIAH 4:36

Ei pahnona kei lâ a vaw kua heihna daihti liata, ei beinarâh rônahna nata ei beina nata ei khaih ngianazy cha kei lâ vaw kua heih ei ta. Ei ryhraokheituhpazy nata ei beimachâzy ta na vaw pangai ei ta, ei beidyuchhai liata na patyusa heih ei ta, hmialâ tahpa hlâta thata rônah viapa ta y na ta.

MATHAI 14:4

Zawhâna ta a hnohta, “He chanô na hnei awpa he ryhpa ta pasaih vei” tahpa ta a chho tyhpa vâta, patu ta a patâhpa a châ.

BIEPHUAH 18:5

A moleinazy avâ taihta a pacho ta, A paraonazy Khazohpa ta â thei thlâh haw.