DÂNIAH 4:2 - Mara Bible RV (BSI)

² Chônôchai Khazohpa ta ei chô liata a taopa ngiana nata hmo noâhpazy phuah awpa he kei châta a phapa ta ei pahno.

DÂNIAH 4:2 ပူးပေါင်းရင်းမြစ်များ

ZAWBÂ 7:14

Châhrasala mâzy ta na pachisa chi ta, Aluahnazy ta ei thlah eina pazo chi.

HLAZY 51:14

Hy Khazohpa, ei pachhana Kha­zohpa y, Thisaih maoh tawhta na pachha mah y; Chatanachata ei paleih ta a paropa ta na siana hla a sa aw.

HLAZY 65:9

Alei he vaw tlypa ta ti bao chi ta, Alei thata na paphasa; Khazohpa chavah cha ti ta bie ta, Na vaw pachhuapanoh chiehpa hawhta, Chyhsazy cha sâh ta na pasa ei.

HLAZY 66:16

Nâmo, Khazohpa a chipa zydua saih u, A vy u la, nathlie teh u; Ei hro châta a hmotaopazy ei cha chho aw ei.

HLAZY 71:18

Chavâta Hy Khazohpa, Machâpa nata sâ pawhpa ei châ tita, Na siesai khah y; Chhâ a vaw y awpa hnohta na thatlôna ei phuah hlâlei cha, Na siesai leipa la; Miah a vaw pazi awpazy hnohta Na hmotaotheina ei phuah hlâlei cha, Na siesai hra khah y.

DÂNIAH 2:1

Nebukaneza abeina kô nona liata, Nebukaneza ta mâ sa ta; a palôrupa pachârôh ngaita ta, amô thei khao leipa ta.

DÂNIAH 3:26

Chatawhcha Nebukaneza cha patina meihô chhikao kiapâh lâ vâ hnia ta, awh ta, “Sâdarâka, Mesâka, Abenekô, Khazohpa Chônôchaipa chakaotuhpa saih u, vaw pua u la, he lâ a vy teh u,” tah ta. Sâdarâka, Mesâka nata Abenekô zy cha mei tawhta vaw pua ei ta.

DÂNIAH 4:17

He pachiana bie he vaituhpazy biepiepa ta taopa châ ta, biepathlupa he mo pathaihpazy bie ta taopa a châ. Chônôchaipa cha chyhsazy khinarâh chô liata ryu a reihpa châ ta, a pie khohpa hnohta khinarâh pie ta, chyhsa nawh chaipazy chhao a pabeisa thei ei tahpa chyhsazy ta ama pahno thei nawpa ta,’ tah ta.

DÂNIAH 4:24

Hy abei y, he he a chhopasiana cha a châ: He he Chônôchaipa biepiepa châ ta, ei zibeipa, abei nâma chô liata a vaw tlôpa a châ.

DÂNIAH 4:25

Chyhsa hry tawhtapa papuapa ta y aw chi ta, na pahrâna cha râhsazy hry liata a châ aw. Viahchao hawhta sibiepa pabâsapa châ aw chi ta, avâ diati ta padâpa na châ aw. Chônôchaipa ta chyhsa khinarâhzy chô liata ryureih ta, a pie khohpa hnohta khinarâh a pie tyh, tahpa na pahno hlâlei cha na châta daihti mia sari a khô aw.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

DÂNIAH 6:27

Pachhapa ta, pabohsa ta, Lei nata vâ liata ngiana nata noâhpazy a tao; Chakeibarôhneipa thatlôna tawhta Dâniah a pachhatuhpa a châ,” tah ta.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

ZAWHÂNA 4:48

Zisu ta a hnohta, “Ngiana nata hmonoâhpazy nama hmô vei khiahta la, a ngiapâ ngyu veih ei chi,” tah ta.

ZAWSUA 7:19

Zawsua ta Âkhâ hnohta, “Ei sawchapawpa, Abeipa Izarei Khazohpa parônahsa la, a hnohta a phuah teh. Khâpa hmo ma na tao tahpa na chho la, na phih khah y,” tah ta.