DÂNIAH 4:14 - Mara Bible RV (BSI)

¹⁴ A paro ngaitapa ta hetana heta awh ta, ‘Thokô kha thlu la, a chiahzy thlâ la, a hnazy pahrie la, a theizy hiepatla khai teh. A ry tawhta râhsazy pai ei sala, a chiah tawhta pavawzy a zaw khai mawh ei sy.

DÂNIAH 4:14 ပူးပေါင်းရင်းမြစ်များ

ZAWBÂ 24:20

Chhi ta âmo cha my ta, Alôpa châta athlôhpa châ ei ta, Atheipa châ khao leipa ei ta, Paraotuhpazy cha tho hawhta thliepa ama châ.

ZEREMIAH 27:5

“Alei nata a chhôh liata a ypa chyhsapa nata sazy he, kei ta ei hmotaotheina rônah ngaitapa nata ei bâh pazawhpa ta ei taopazy châ ei ta, pie tlâhpa ta ei raopazy hnohta ei pie ei.

ZEREMIAH 51:6

“Babylaw khih chhôh tawhta a râ u la, Chyhsa to ama hrona pabohsa mawh ei sy! Babylaw moleina vâta leidia khah u; He he Abeipa phuh lana daihti châ ta, Babylaw viari a thôna daihti a châ hih.

ZEREMIAH 51:9

Babylaw cha patlâh a chhuah pi ta, Châhrasala tlâh thei vei. Chavâta ano cha siesai sih la, Eima râh chyu lâta sie ei suh u; Ano hrie nawpa kyh vârâh tlô ha ta, Avâ taihta chalopa a châ ha hih.

EZEKIA 31:10

“Chavâta Abeipa Zehôvâh ­ta hetana heta a tah: A kaw sâhpa ta, vâ meihdozy hry liata a kithlao chaluah ta, â sâhna cha a palôh ta â palaikheipa vâta,

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

DÂNIAH 3:4

Chatawhcha tlâh awhtuhpa ta ao paro ngaitapa ta awh ta, “Hy phopizy, râhzy nata reihzy saih u,

DÂNIAH 4:12

A hnazy a ngia kaw ta, a theizy hluh ta, hro hnei to zydua châta nie awpa ano liata a y. Râhsazy ta a nohdi a chhai ei ta, avâ pavawzy ta a chiahzy liata pahrâ ei ta, sapa zydua ano tawhta pasapa ta ama y.

DÂNIAH 4:23

Avâ tawhta vaituhpa, mo pathaihpa a zâ chôpa ta na hnohta, ‘Thokô kha thlu la, pahleipadia teh; a chuahmi nata alei ry liata a tharizy deikua cha râh sibie panyupazy hry liata pahlôh la, ano cha avâ diati ta padâ sala, a tovyuh cha râhsazy hnohta châ mawh sy, ano châta daihti mia sari a khôna taihta,’ tahpa ta a reipa bie kha,

DÂNIAH 4:29

Thla hrawh hleino chhâna liata Babylaw bei o vâphuh liata â hlaihlâ ngâ nota,

DÂNIAH 5:20

Châhrasala a palôh a pasâhsa ta, a pachâna pachyupa ta, â vaw palai nahta cha, â beina beidyuchhai tawhta pathlapa ta y ta, a rônahna pahluhpa a châ.

DÂNIAH 5:21

Khazohpa Chônôchaipa ta chyhsazy khinarâh chô liata ryureih ta, a khopa maih khinarâh chô liata a pabeisa tyh tahpa a pahno hlâlei cha, chyhsazy hry tawhtapa papuapa ta y ta, râhsa palôh paphaosapa châ ta, râh alâzy hry liata pahrâ ta, viahchaozy hawhta sibiepa pabâsapa châ ta, a pôhpa avâ diati ta padâpa ta a y.

MATHAI 3:10

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw.

MATHAI 7:19

Thei phapa a pathei leipa tho maih cha thlupa châ ta, mei liata thypa a châ tyh.

LUKA 3:9

Tahmâ chhao tlai he, tho tharizy liata ahrei sopa a châ haw. Tho to thei pha a pathei leipa maih thlu ta mei liata thypa a châ aw,” tah ta.

BIEPHUAH 10:3

Chakeibarôhneipa a rôhpa hawhta ao paro ngaitapa ta awh ta, a awh khai nahta, tôkalôhpa miasari a vaw thua ta.

BIEPHUAH 18:2

Vâlyuhchâpa chata ao thatlô ngaitapa ta, “A pao haw, Babylaw rônahpa a pao haw! Ahripazy pahrâna, Thlahpa puapa to ahrâhna, Pavaw puapa to pahrâna, Hmo puapa nata pasichhihpa to atohna Khihpi lâta â lie haw.