DÂNIAH 4:1 - Mara Bible RV (BSI)

¹ Bei Nebukaneza ta, khizaw zydua liata a pahrâpa phopi to, râh to nata reih to hnohta hetana heta tah ta: Thlalôhna nama chô liata pôh lymâ mawh sy!

DÂNIAH 4:1 ပူးပေါင်းရင်းမြစ်များ

1 THÂTIHZYRONA 12:18

Sythôh chô liata hyutuhpa Amasai chô liata Thlahpa vaw tlô ta, ano chata, “Hy Dâvi y, na chyhsazy châ pi ta, Hy Zese sawchapawpa y, Na chhâh a châpazy eima châ hih! Thlalôhna, na chô liata thlalôhna y sala, Châ baotuhpazy chô liata thlalôhna y mawh sy! Na Khazohpa ta a cha bao lymâ hih,” tah ta. Chatawhcha Dâvi ta âmo cha a ly ta, a pheisaih hyutuhpazy ta a tao ha ei.

EZRÂ 4:17

Abei ta hetana heta achhyna châ a paphao: “Pheisaih hyutuhpa Rehu nata chârohtuhpa Sisai nata ama hrialâhpa Samâri râh nata Chavah Haosâ lâta a ypazy saih u, he hawhpa daihti lia heta nama chô liata thlalôhna y mawh sy.

EZRÂ 5:7

Châ cha hetana heta roh ei ta, Bei Dâria lâ ama paphao: “Bei Dâria hnohta thlalôhna kipa y mawh sy.

ESTHERI 3:12

Chatanachata thla khana, noh hrawh hleithôhna noh ta, abei chârohtuhpazy aw ei ta, Hâmâ biepiepa hawhta bia zydua liata beimachâzy, râhvaotuhpazy nata phopizy chhituhpazy lâta châ papua ei ta. Âmo châ nata âmo reih chyu ta bia to liata châ papuapa a châ. Châ cha Bei Ahasuarâ moh ta ropa châ ta, abei kusadi ta chahnao pa-ipa a châ.

ESTHERI 8:9

Cha daihti lia tlai ta, thla thôhna, Sivan thla, noh kih nata noh thôhna noh ta, abei chârohtuhpazy aw ei ta. Zuzy kyh liata Môdekai biepiepa hawhta, châpapuapa roh ei ta. India tawhta Kusi taihta a ypa, râh 127 liata beimachâzy, râhvaotuhpazy nata ryureituhpazy lâ paphao ei ta. Râh to âmo châ chyu ta paphaopa châ ta, phopi to ama reih chyu ta paphaopa a châ. Zuzy chhao âmo châ nata reih ta paphaopa ama châ.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

DÂNIAH 3:4

Chatawhcha tlâh awhtuhpa ta ao paro ngaitapa ta awh ta, “Hy phopizy, râhzy nata reihzy saih u,

DÂNIAH 6:25

Chatawhcha Bei Dâria ta khizaw zydua liata a pahrâpa phopi to, râh to nata reih to lâta châ paphao ta, “Thlalôhna nama chô liata pôh mawh sy!

DÂNIAH 6:27

Pachhapa ta, pabohsa ta, Lei nata vâ liata ngiana nata noâhpazy a tao; Chakeibarôhneipa thatlôna tawhta Dâniah a pachhatuhpa a châ,” tah ta.

DÂNIAH 7:14

Phopi to, râh to, reih to ta ano cha ama chakao thei nawpa ta, A hnohta ryureina piepa châ ta, Rônahna nata khinarâh chhao piepa a châ. A ryureina cha chhâzaw ryureina châ ta, Tleih beih aw vei; A khinarâh chhao parao theipa châ aw vei.”

ZEKARIA 8:23

Pheisaihzy Abeipa ta hetana heta a tah: Cha nohzy liata, râh to nata reih to tawhta chyhsa pahrawhzy ta Zu chyhsa pakha cha a poh pai patupa ta, ‘Khazohpa nama hnohta a y tahpa thei ha pi ta, chavâta nama hnohta bâh sie hra ei suh u,’ ama tah aw.”

HMOTAOPAZY 2:6

Cha pyu cha ama thei nahta, zawpi a vy pakhy ei ta, ama biereipa cha chyhsa to ta ama reih hawh chyu ta ama theipa vâta ama noâh kaw ta.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

EPHESI 1:2

Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

1 TIMAWTHY 1:2

ngiapâna liata ei sawchapaw hmeiseihpa Timawthy ei châ naoh. Paw Khazohpa nata Krista Zisu eima Beipa tawhta ngiachhiena, zawngiahna nata thlalôhna na hnohta y mawh sy.

1 PITY 1:2

Paw Khazohpa pahno chhieliepa hawhta atlyhpazy, Zisu Krista rei a ngiah awpa nata a thisaih ta thia awpa ta Thlahpa ta pathaisapazy ei cha naoh ei. Nama chô liata ngiachhiena nata thlalôhna papôhsapa ta y mawh sy.