DÂNIAH 3:29 - Mara Bible RV (BSI)

²⁹ Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

DÂNIAH 3:29 ပူးပေါင်းရင်းမြစ်များ

2 ABEIZY 10:27

Bâlâ nothlahpazy parao ei ta, Bâlâ achhyna o chhao parao ei ta, tanoh taihta ie o ta hmâpa a châ.

EZRÂ 6:11

Ahy rai ta biepiepa ei taopa he a panano khiahta cha, a o pâkô thliepa châ aw ta, cha chata ano cha chhôpahlie aw ta, a o cha hnaihny thyna ta taopa a châ aw.

HLAZY 3:8

Pachhana cha Abeipa eih châ ta, Na byhnâ na chyhsazy chô liata y mawh sy! Selah

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

DÂNIAH 1:19

Abei ta âmo cha bie a chho ta, ama hry liata Dâniah, Hânaniah, Misela nata Azariah hawhpa rai y veih ei. Chatanachata abei chakaona rai liata a ngia ha ei ta.

DÂNIAH 1:7

Bei chakaotuhpazy hyutuhpa chata Dâniah cha Beltesâza, Hânaniah cha Sâdarâka, Misela cha Mesâka, Azariah cha Abenekô tahpa ta ama moh a bi ei.

DÂNIAH 2:17

Dâniah cha o lâ a di ta, cha hmo cha a viasa Hânaniah, Misela nata Azariah zy chho ta.

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 2:49

Dâniah ta abei cha a haw ta, chatanachata abei ta Sâdarâka, Mesâka nata Abenekô zy cha Babylaw râh bia liata hyutuhpazy ta a rao hra ei. Dâniah deikua cha abei o liata a chakao lymâ.

DÂNIAH 2:5

Abei ta Kaldia mo cha a chhy ta, ama hnohta, “Keima tawhta bie a puapa cha â i: Ei mâsapa nata a chhopasiana eina pahnosa leipa khiah ei chi ta cha, pachhaih pazaoh khaipa châ aw ei chi ta, nama ozy hnaihny thyna su ta taopa a châ aw.

DÂNIAH 3:12

Châhrasala Zu chyhsa thokha, Babylaw râh bia hyutuhpazy ta na taopa Sâdarâka, Mesâka nata Abenekô zy kha y ei ta. Hy abei y, he chyhsazy heta châ papeisa veih ei. Na khazohzy chakao leipa ei ta, ngôh nothlahpa na paduapa chhao a chhy veih ei,” tah ei ta.

DÂNIAH 3:15

Tahmâ chiahmie zy, ramo zy, totâ zy, tlaipih zy, totâ laipa zy, bâzâ nata paropasyu theipa chi to pyu nama theipa nahta, âkhu lâta paopa ta nothlahpa ei taopa namâ chhy khiahta cha a pha. Namâ chhy leipa khiahta deikua cha, patina meihô ru ngaitapa liata thlai thypa nama châ aw. Keima ku tawhta châ pachha thei awpa khazoh ahy ma a y?” tah ta.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

DÂNIAH 6:28

Chatanachata Dâniah cha Dâria â bei daihti liata nata Persia chyhsa Kôresâ â bei daihti zy liata thlaochhipa ta y lymâ ta.

RYHPACHANEINA 32:31

Âmo lôpanô cha keimo Lôpanô hawhpa châ vei; Cha cha eima chariahpazy chhao ta ama pahno.