DÂNIAH 3:18 - Mara Bible RV (BSI)

¹⁸ Maniah a pachha leipa chhao ta, Hy abei y, he he pahno mah y; na khazohzy cha chakao leipa aw pi ta, ngôh nothlahpa na paduapa chhao a chhy aw ma pi,” tah ei ta.

DÂNIAH 3:18 ပူးပေါင်းရင်းမြစ်များ

1 ABEIZY 19:14

Elaizâh ta, “Abeipa, Pheisaihzy Khazohpa châta phahnai a ngiah ngaita tyh na ta. Izarei sawzy hra ta na biehrai tleisai ei ta, na maisâhzy pacho ei ta, na hrohsopazy zaozi ta chhawhsao ei ta, keima, keima deita he a laibâhpa y na ta, keima chhao he ei hrona na la amâ chhuah,” tah ta.

1 ABEIZY 19:18

Châhrasala Izarei râh liana heta Bâlâ hmiakô liata pakhu paneih beih leipa nata Bâlâ a pahnâ beih leipa chyhsa sâh sari kei châta ei pahlôh aw,” tah ta.

ZAWBÂ 13:15

Eina thie hapa chhao ta, Ano liata hnabeiseihna hnei aw na ta, A hmiakô liata ei thâtih ei duakhei pyly aw.

BIESOZY 28:1

Ahy ta hmah ama chadai leipa chhao ta, Moleipazy cha a râpai ei ta; Mosiapazy deikua cha, Chakeibarôhneipa hawhta ama riah a pha.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

THEIHTHAINA 19:4

Nothlahpa khazoh lâ a heih leipa u la, thua ta leihpa nothlahpa khazohzy a tao khuh vy. Kei he Abeipa nama Khazohpa ei châ.

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

MATHAI 10:39

Ahy rai a hrona a hmôpa ta a hrona pahlei aw ta, keima vâta a hrona a pahleipa ta a hrona a hmô heih aw.

MATHAI 16:2

Zisu ta âmo cha a chhy ta, “Zâlâ a vaw châ nahta, avâ a saih khiahta cha, ‘Noh a pha aw,’ tah ei chi ta,

HMOTAOPAZY 4:19

Châhrasala Pity nata Zawhâna ta a chhy ei ta, “Khazohpa bie zyh leipa ta nâmo bie zyhpa cha, Khazohpa mohmô ta â do thai aw ma? Nâmo ta pasia teh u.

HEBRAI 11:25

Bohpi leipa chhôh molei phasana liata lôhrâ a patlôpa hlâta cha, Khazohpa chyhsazy hnohta taolana tao awpa tlao a tlyh ta.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.

BIEPHUAH 12:11

Mietakutaw thisaih nata ama pahnokheina bie vâta ano cha ama pahnie haw. Ama hrona kyh chhao pachâ thei khao leipa ta thina taihta a dyuhpazy ama châ.