DÂNIAH 3:15 - Mara Bible RV (BSI)

¹⁵ Tahmâ chiahmie zy, ramo zy, totâ zy, tlaipih zy, totâ laipa zy, bâzâ nata paropasyu theipa chi to pyu nama theipa nahta, âkhu lâta paopa ta nothlahpa ei taopa namâ chhy khiahta cha a pha. Namâ chhy leipa khiahta deikua cha, patina meihô ru ngaitapa liata thlai thypa nama châ aw. Keima ku tawhta châ pachha thei awpa khazoh ahy ma a y?” tah ta.

DÂNIAH 3:15 ပူးပေါင်းရင်းမြစ်များ

2 ABEIZY 18:35

Ahy râh khazohzy kha ma ei ku tawhta ama râh a vaw pachha ha ei? Abeipa chata Zerusale he ei ku tawhta zua a pachha aw ma?’” tah ta.

PUASAINA 32:32

Ngiachhiepa ta ama moleinazy rie a ngiahthai mah y. Nâ ngiahthai thei leipa khiahta cha, na châbu liata na ropa tawhna khata na thy ha mah y,” tah ta.

PUASAINA 5:2

Phiraoh ta, “Abeipa cha ahy maw? A bie zyh ta, Izarei cha ei pasiesa awpa cha ahy ma a châ? Abeipa cha pahno va na, Izarei chhao pasiesa aw va na,” tah ta.

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

DÂNIAH 2:47

Abei ta Dâniah cha a chhy ta, a hnohta, “Hmeiseihta ta, nâmo Khazohpa he khazohzy Khazohpa châ ta, beizy Beipa a châ; bienyupa a palâhâh theipa chhao a châ, chavâta bienyupa na palâhâh thei ha hih,” tah ta.

DÂNIAH 2:9

Khâpa mâ ma ei sa tahpa eina chho leipa khiah ei chi ta cha, hriena dei leipa ta cha nama to hro awpa y vei. Hmo â vaw nano laih awpa hnabeiseihpa ta, ei hmiakô liata haipa nata moleina biezy rei awpa namâ paraohpa a châpa ei pahno haw. Ei mâsapa cha na chho teh u, chatanachata a chhopasiana eina chho thei aw ei chi tahpa ei pahno aw,” tah ta.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

DÂNIAH 6:16

Chatawhcha abei ta biepie ta, Dâniah cha a vaw chhi ei ta, chakeibarôhneipa lôpu liana cha thy ei ta. Abei ta Dâniah hnohta, “Na chakao tyhpa na Khazohpa ta a cha pachha aw,” tah ta.

DÂNIAH 6:20

Dâniah yna lôpu cha â hnia nahta, pachârôh ngaitana chôta awh ta. Abei ta Dâniah cha bie a chho ta, a hnohta, “Hy Dâniah, Khazoh hrohpa chakaotuhpa y, na chakao tyhpa na Khazohpa ta chakeibarôhneipazy tawhtapa a cha pachha thei ma?” tah ta.

MATHAI 10:19

Ama cha patu tita, ‘Kheihta ma bie eima reih aw, khâpa bie ma eima reih aw,’ tahpa ta nama nôpo khah sy. Nama rei awpa cha a daihtita liata piepa nama châ aw.

MATHAI 27:43

Khazohpa ngâ ta, ‘Khazohpa Sawchapawpa ei châ’ a tah mâh tâh. Khazohpa ta a chô liata â ly tlai khiahta cha, tahmâ pachha bao sa,” tah ei ta.

MÂKA 13:11

Cha patupa ta ama châ chhi tita, khâpa eima reih aw tahpa ta pachâ chhie chhielie khuh vy. A daihtita liata bie vaw tlô aw ta, cha bie cha nama rei awpa a châ. A reihtuhpa cha nâmo châ leipa aw ei chi ta, Thlahpa Pathaihpa tlao a châ aw.

LUKA 12:11

Pakhyna ozy liata nata ryureituhpa nata biehneituhpazy hmiakô liata ama châ chhi tita, kheihta ma eimâ chhy aw, khâpa bie ma eima rei aw tahpa ta nama thlazoh khah sy.

LUKA 13:9

Chatanachata hâhkô a pathei khiahta cha, a phapa châ sala, a pathei vei khiahta deikua cha, thlu thlâh ha lah vâ chi,’ tahpa ta â chhy,” tah ta.

HMOTAOPAZY 4:19

Châhrasala Pity nata Zawhâna ta a chhy ei ta, “Khazohpa bie zyh leipa ta nâmo bie zyhpa cha, Khazohpa mohmô ta â do thai aw ma? Nâmo ta pasia teh u.

HMOTAOPAZY 5:29

Pity nata lyuhchâpazy ta, “Chyhsa bie hlâta Khazohpa bie eima zyh via awpa a châ.

HMOTAOPAZY 6:15

Ryureina liata a tyuhpa zydua ta Stiphana cha moh ei ta, a hmia cha vâlyuhchâpa hmia hawhta hmô ei ta.