DÂNIAH 2:9 - Mara Bible RV (BSI)

⁹ Khâpa mâ ma ei sa tahpa eina chho leipa khiah ei chi ta cha, hriena dei leipa ta cha nama to hro awpa y vei. Hmo â vaw nano laih awpa hnabeiseihpa ta, ei hmiakô liata haipa nata moleina biezy rei awpa namâ paraohpa a châpa ei pahno haw. Ei mâsapa cha na chho teh u, chatanachata a chhopasiana eina chho thei aw ei chi tahpa ei pahno aw,” tah ta.

DÂNIAH 2:9 ပူးပေါင်းရင်းမြစ်များ

1 ABEIZY 22:22

Abeipa ta a hnohta, ‘Khâpa ta maw?’ tah ta. Ano ta, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

1 ABEIZY 22:6

Izarei bei ta hrohsopa za palih rachhôh awpakhy ta, ama hnohta, “Ramôkilia khihpi a dyuh awpa ta ei sie aw ma, ei chalih aw?” tah ta. Âmo ta, “A kaw dyuh teh, Abeipa ta Ramôkilia khihpi cha abei ku liata a pie aw,” tah ei ta,

ESTHERI 4:11

“Bei chakaotuhpa zydua nata abei râhzy liata chyhsa zydua ta, ahy rai, chanô chhao, chapaw chhao, aw leipa ta abei chhôhpadâhpa chhôh chaipa lâ a ngiapa cha, ryhpa miakha deita y ta, thie awpa a châ. Abei ta ano lâta ngôh chôchahrei a chaluahpa deita a hroh tyh tahpa ama pahno khai. Kei he abei ta noh sythôh chhôh na aw khao vei,” tahpa ta.

BIESOZY 12:19

Biedopa hmao cha chhâzaw a daih ta, Haipa paleih deikua cha buakha dei â daih.

ISAI 41:23

Khazohzy nama châ tlai na tahpa eima pahno thei nawpa ta, He khai tawhta hmo vaw tlô awpazy miah chho teh u. Eima nôpo sala eima chi thei nawpa ta, Hmo phapa tlyma, hmo chhiepa tlyma tao teh u.

ISAI 44:25

Hrohso pakheipazy maoh paphyuhpa ta, Ama chhochhieliena biezy â do leizie a palâsatuhpa châ na ta, Peihthaipazy ahrupa ta a taotuhpa ei châ. Asopazy hnôh lâ paheihsa na ta, Ama pahnona hruna lâta a paliesatuhpa ei châ.

EZEKIA 13:17

“Nâ deikua cha, chyhsa sawchapawpa y, âmo palôh liata a ypa hmo hrohsona bie hawhta a phuahtuhpa na phopi sawchanôzy cha a heihnao la, âmo cha hrohsona bie phuah thlu mah y.

EZEKIA 13:19

Haipa bie a nathliepa ei phopi hnohta haipa bie reih ei chi ta, bâli sâh pazah kha nata viahchhâ tlâ chyhta hmô nawpa ta, ei phopi hry liata na reipachhie ei chi ta, a thi tlâh a châ leipa chyhsazy thiepa ta, a hroh tlâh a châ leipazy tlao nama pahro.’

EZEKIA 13:6

Aluahna doleipa hmô ei ta, haipa ta ama pachaopadâh tyh. Abeipa ta a tuah leipa ei tlai ta, ‘Abeipa ta a phuah,’ tah ei ta, ama bie cha Abeipa ta a vaw patlôsa awpa ama hnabeiseih.

DÂNIAH 2:16

Chatawhcha Dâniah cha abei lâ a ngia ta, a mâsapa a chhopasia thei nawpa ta daihti pie awpa ta a haw ta.

DÂNIAH 2:21

Daihti nata khihchâh zy panano ta, Abeizy pabâ ta, abeizy a padua; Asopazy hnohta sona pie ta, Pahno thaipazy hnohta novâhna a pie.

DÂNIAH 2:8

Abei ta a chhy ta, ama hnohta, “Daihti pahawh pasâh namâ chhuahpa dei a châ tahpa a siapa ta ei pahno haw, keima tawhta bie a puapa cha â i tahpa nama pahnopa vâta.

DÂNIAH 3:15

Tahmâ chiahmie zy, ramo zy, totâ zy, tlaipih zy, totâ laipa zy, bâzâ nata paropasyu theipa chi to pyu nama theipa nahta, âkhu lâta paopa ta nothlahpa ei taopa namâ chhy khiahta cha a pha. Namâ chhy leipa khiahta deikua cha, patina meihô ru ngaitapa liata thlai thypa nama châ aw. Keima ku tawhta châ pachha thei awpa khazoh ahy ma a y?” tah ta.

DÂNIAH 5:28

UPHARSIN, na khinarâh cha pachhaihpa châ ta, Media mo nata Persia mozy hnohta piepa a châ haw,” tah ta.

DÂNIAH 5:31

Media Dâria ta khinarâh cha to ta, ano he kô sycharu nata kô no rachhôhpa a châ.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

2 KAWRINI 2:17

Chyhsa hluhpi ta Khazohpa bie he sôhpaliena ta ama hmâpa hawhta keimo la hmâh ma pi. Keimo la Khazohpa tuapa chyhsa ngâchhihpazy châ pi ta, Khazohpa mohmô ta Krista liata bie eima reih tyh.