DÂNIAH 2:5 - Mara Bible RV (BSI)

⁵ Abei ta Kaldia mo cha a chhy ta, ama hnohta, “Keima tawhta bie a puapa cha â i: Ei mâsapa nata a chhopasiana eina pahnosa leipa khiah ei chi ta cha, pachhaih pazaoh khaipa châ aw ei chi ta, nama ozy hnaihny thyna su ta taopa a châ aw.

DÂNIAH 2:5 ပူးပေါင်းရင်းမြစ်များ

2 ABEIZY 10:27

Bâlâ nothlahpazy parao ei ta, Bâlâ achhyna o chhao parao ei ta, tanoh taihta ie o ta hmâpa a châ.

EZRÂ 6:11

Ahy rai ta biepiepa ei taopa he a panano khiahta cha, a o pâkô thliepa châ aw ta, cha chata ano cha chhôpahlie aw ta, a o cha hnaihny thyna ta taopa a châ aw.

HLAZY 50:22

“Chavâta nâmo, Khazohpa a mypa saih u, A phapa ta pachâ teh u; Chataleipatala cha hriechheih aw ei na ta, Châ pachha awpa y aw veih ei.

HLAZY 58:7

Ti a loh pathlahpa hawhta lei ei sala, Ama châtaizy ta ama mopâ tita a hmao a bih ha mawh sy.

DÂNIAH 2:12

Ama biereipa vâna chata abei cha a pathi iapa ta thata a hrâh ta, Babylaw chyhsa sopa zydua cha pahleipadia khai awpa ta biepie ta.

DÂNIAH 3:29

Chavâta he biepiepa he ei tao: Phopi nata râh nata reih kheihawhpa hmahta, Sâdarâka, Mesâka nata Abenekô zy Khazohpa chô liata bie pha leipa kheihawhpa rai a reihpa maih cha, a tlawpoh ta pachhaih khaipa châ aw ei ta, ama ozy cha hnaihny thyna ta taopa a châ aw; he hawhta a pachha theipa khazoh hropa rai y veih ei,” tahpa ta.

DÂNIAH 4:9

“Hy Beltesâza, moliethaipazy hyutuh chaipa y, khazoh pathaihpazy thlahpa na hnohta y ta, chavâta nâma châta la bienyupa ru tupa y vei, tahpa ei pahno; ei mâ lâta ei hmôpa aluahna nata a chhopasiana na chho teh.

RYHPACHANEINA 13:16

Hraona sôh zydua khihpi tlyliah khophie liata pahmaoh aw ei chi ta, khihpi nata hraona sôh zydua cha Abeipa nama Khazohpa lâta raopa hlâna ta tlokhuh mei ta nama rao khai aw. Cha khihpi cha chhâzaw ta lei byuhpa ta y aw ta, sa pathi heihpa châ khao aw vei.

ZAWSUA 6:26

Cha daihti liata, Zawsua ta zawpi cha chhie sakhâh ta, “Thyu ta, he Zerikô khihpi a paduapathipa maih cha Abeipa hmiakô liata chhiesapa ta y mawh sy. “A sawchapaw uhtheipa hrona ta Khihpi abôna lô bô sala, A sawchapaw seihnaipa hrona ta A chhikaozy padua mawh sy,” tah ta.

1 SAMUELA 15:33

Samuela ta, “Na zaozi ta chanôzy saw leipa ta a taopa hawhta, Na nô chhao chanôzy hry liata saw leipa a châ aw,” tah ta. Chatanachata Samuela ta Akâ cha, a pôhpa â pachhaih khaina taihta Abeipa hmiakô ta Kilkal liata chhawh ta a thie haw.