DÂNIAH 2:45 - Mara Bible RV (BSI)

⁴⁵ Chyhsa ku ta châ leipa ta, tlâh tawhta ano kho ta zâ chakhiapa alô na hmôpa hawhta nata, cha chata thua zy, dawh zy, beihlei zy, tâkâ zy, ngôh zy a pakeichheih khaipa na hmôpa hawhna khata a châ aw. Khazohpa rônahpa ta he tawhta hmo a vaw tlô awpa abei hnohta a pahnosapa a châ. Mâsapa he a hmeiseihpa châ ta, a chhopasiana chhao â dopa a châ,” tahpa ta chho ta.

DÂNIAH 2:45 ပူးပေါင်းရင်းမြစ်များ

ÂTHAONA 41:26

Viahchao panô phapa pô sarizy kha kô sari châ ei ta, sâh suh phapa suh sarizy kha kô sari ama châ hra. Mâzy cha miakhapa ama châ.

ÂTHAONA 41:28

Cha cha na a châ, Phiraoh hnohta ei reipa hawhna khata, Khazohpa ta a tao patoh awpa Phiraoh a pahnosa.

ÂTHAONA 41:32

Phiraoh hnohta yzie a lyupa mâ ei no tlai piepa a châpa heta, Khazohpa ta a tao awpa liahsa pathlu ha ta, a tao patoh awpa a châzie a pa-i.

2 SAMUELA 7:22

Chavâta Hy Abeipa Zehôvâh y, nâ cha rônahpa na châ. Eima nah ta eima thei khai hapa hawhta, nâma hawhpa he y leipa ei ta, nâma leipa ta Khazohpa rai y veih ei.

1 THÂTIHZYRONA 16:25

Abeipa cha rônah ta, Thata reithai awpa châ ta, Khazoh zydua hlâta chi chai awpa a châ.

NEHEMIAH 4:14

Chatawhcha mohmia pasaih na ta, thyu na ta, nôpawpazy nata ryureituhpazy nata zawpizy hnohta, “Âmo cha chi khuh vy. Abeipa rônahpa nata chichhihpa a thei u la, nama unawhzy, nama sawchapawzy, nama sawchanôzy, nama lapinôzy, nama ozy châta a dyuh muh vy,” tah na ta.

NEHEMIAH 9:32

“Chavâta eima Khazohpa, Khazohpa rônahpa nata thatlôpa nata chichhihpa, a biehrai patlôpa ta ngâchhihna a palâsa tyhpa Khazohpa y, keimo nata eima beizy, eima beimachâzy, eima theihthaipazy, eima hrohsopazy, miah pathlatuhpazy nata na phopi pôhpalôhpa chô liata, Asuria beizy daihti tawhta tanoh taihta rietheina vaw tlôpa zydua he, hmo chyhpa ta rie pachâ khah y.

ZAWBÂ 36:26

Pachâ teh, Khazohpa cha rônah ngaita ta, Keimo deikua ta pahno ma pi; A kô ziepa chhao reipati theipa châ vei.

HLAZY 135:5

Abeipa cha a rônah tahpa pahno na ta, Eima Beipa cha khazoh zydua chô lâta a ypa a châ tahpa ei pahno.

HLAZY 145:3

Abeipa cha rônah ta, Rônahpa ta reithai awpa a châ; A rônahzie cha, A laichadai khai thei rimâ awpa châ vei.

HLAZY 2:9

Thua chôchahrei ta âmo cha tuchheih aw chi ta, Alei beih hawhta a tlawh ta na taichheih aw ei,” eina tah.

HLAZY 48:1

Abeipa cha rônah ta, Eima Khazohpa khihpi tlâh pathaihpa liata, Rônah ngaitapa ta reithai awpa a châ.

HLAZY 96:4

Abeipa cha rônah ta, Thata reithai awpa châ ta, Khazoh zydua hlâta chi chai awpa a châ.

ISAI 28:16

Abeipa Zehôvâh ta hetana heta a tah: “Moh teh u, Zaio liata alô bô na ta, Alô pasia chiehpa a châ; A ki liata alô sôhpa châ ta, Abôna a ipa a châ: ‘A ngiapâpa maih a chalyu aw veih ei.’

DÂNIAH 2:24

Chatawhcha Dâniah cha Babylaw chyhsa sopazy thie awpa ta abei ta a raopa Ariôka lâ a ngia ta, a hnohta, “Babylaw chyhsa sopazy cha pahleipadia khah y; abei lâ nâ chhi la, abei hnohta a chhopasiana ei chho aw,” tah ta.

DÂNIAH 2:28

Châhrasala bienyupa a palâhâhtuhpa Khazohpa avâ liata y ta, ano ta hmialâ ta hmo a vaw y awpazy Nebukaneza hnohta a pahnosapa a châ hih. Hezy he rakhô liata nâ zia thlâh ha nota na luh liata mâ na sapa nata aluahnazy cha a châ.

DÂNIAH 2:29

“Hy abei y, rakhô liata nâ zia thlâh ha nota, hmo a vaw tlô awpazy pachâ chi ta, bienyupa a palâhâhtuhpa ta hmo a vaw tlô awpazy cha a cha pahnosa.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 8:25

A piehpiena ta a ku ry liata dôveina palaiseihsa aw ta, a palôh liata anosasyh ta a chaipa ta a pachâ aw ta, chyhsa hluhpi a bohpa ta amâ pachâ nota âmo cha pahleipadia aw ta, beizy Beipa chhao â dyuh aw. Châhrasala ano cha pahleipadiapa a châ aw, chyhsapa ku ta deikua châ aw vei.

HÂKAI 2:22

Khinarâh beidyuchhaizy thy pathlah aw na ta, phopi to khinarâh thatlônazy ei parao khai aw. Arâ talailih nata a chô liata a kiahpazy papao aw ei na ta, arâ nata a kiahtuhpazy cha ama unawhpa zaozi ta ama pao aw.

ZEKARIA 12:3

Cha noh liata, Zerusale cha khizaw phopi zydua châta alô a hri ngaitapa ta tao aw na ta, a chalopa maih cha âmosasyh ta hmah amâ paphao lymâ aw. Chatawhcha khizaw râh zydua a paraoh aw ei ta, ano cha amâ dyuh aw.

MALAKHAI 1:11

“Noh chhina tawhta noh tlana taihta phopizy hry liata ei moh palyupalihpa ta y aw ta, su to liata ropahâhpa nata hmohlâpa pathaihpazy ei moh ta ama hlâ tyh aw. Phopizy hry liata ei moh palyupalihpa ta a y aw,” Pheisaihzy Abeipa ta a tah.

MATHAI 21:24

Zisu ta âmo cha a chhy ta, “Kei chhao ta hmo miakha ei cha hiahri hra aw ei. Cha cha eina chho khiah ei chi ta cha, kei chhao ahy biehneina ta ma he hmozy he ei tao tahpa ei cha chho aw ei.

MATHAI 24:35

Lei nata vâ a lei aw, ei biezy deikua lei aw vei.

LUKA 17:20

Phârisaihzy ta Khazohpa khinarâh vaw tlô nawpa daihti hiahri ei ta, Zisu ta âmo cha a chhy ta, “Khazohpa khinarâh cha mo ta hmô theipa ta vaw tlô aw vei.

RYHPACHANEINA 10:17

Abeipa nama Khazohpa cha khazohzy Khazohpa, beizy Beipa, Khazoh rônahpa, Khazoh thatlôpa nata chichhihpa, khokhei hlei hnei leipa nata panaopapana hmo a la beih leipa a châ.

BIEPHUAH 1:19

Chavâta na hmo hmôpa, hmo a y haipazy nata tahmâ tawhta a vaw y awpazy cha roh teh.

BIEPHUAH 19:17

Chatawhcha vâlyuhchâpa pakha, noh liata a duah thlâh hapa hmô na ta. Ano chata avâ liata pavaw a zawpa zydua hnohta ao paro ngaitapa ta, “A vy u la, Khazohpa zâpati rônahpa châta a vaw hmaoh u la,

BIEPHUAH 4:1

Cha khai tawhta kaw sai na ta, vârâh ochhi a pahypa hmô na ta. Ao ei thei tuapa, chiahmie pyu hawhta ei hnohta bie a reihpa khata, “He lâ a khy teh, he khai tawhta hmo a vaw tlô awpazy ei cha pahmô aw,” tah ta.