DÂNIAH 2:44 - Mara Bible RV (BSI)

⁴⁴ “Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

DÂNIAH 2:44 ပူးပေါင်းရင်းမြစ်များ

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

2 SAMUELA 7:13

Ano ta ei moh châta o sa aw ta, kei ta â beinarâh beidyuchhai cha chhâzaw châta ei pa-i aw.

2 SAMUELA 7:16

Na pathlazy nata nâ beinarâh cha ei hmiakô liata chhâzaw ta a duah aw ei ta, na beidyuchhai chhao chhâzaw ta â duah aw,’ tahpa ta kei chho teh,” tah ta.

HLAZY 145:13

Na khinarâh cha tlyzaw khinarâh châ ta, Na ryureina chhâ zydua ta â duah aw. Abeipa cha a bie zydua liata ngâ a chhih ta, A hmotaopa zydua liata a phapa a châ.

ISAI 60:12

Châ chakao khoh leipa Phopi nata khinarâh cha a leidia aw; Cha phopizy cha, Tlokhuh pahleipadia khaipa a châ aw.

EZEKIA 37:25

Nâ chakaotuhpa Zakaw hnohta râh ei piepa, châ pathlatuhpazy vaw pahrâ tyhna râh liata ama pahrâ aw. Cha liata âmo nata ama sawzy nata ama samohzy chhâzaw ta pahrâ aw ei ta, nâ chakaotuhpa Dâvi cha chhâzaw ta ama bei a châ aw.

DÂNIAH 2:28

Châhrasala bienyupa a palâhâhtuhpa Khazohpa avâ liata y ta, ano ta hmialâ ta hmo a vaw y awpazy Nebukaneza hnohta a pahnosapa a châ hih. Hezy he rakhô liata nâ zia thlâh ha nota na luh liata mâ na sapa nata aluahnazy cha a châ.

DÂNIAH 2:34

Na mo thlâh ha nota, alô miakha cha chyhsa ku ta chakhiapa châ leipa ta ano kho tlai ta zâ chakhia ta, cha chata thua nata beihlei ta taopa nothlahpa phei cha za vi ta, a pazao khai haw.

DÂNIAH 2:35

Thua zy, beihlei zy, dawh zy, tâkâ zy, ngôh zy cha a tlawh ta zao khai ha ei ta, nopi noh sawhri sâh sihpa hawhta vaw châ ei ta, thlih ta âmo cha phaoh ta, ama hniehnôh chhao hmô awpa y khao vei. Cha nona chata nothlahpa a vituhpa alô cha tlâh lai ngaitapa lâta a vaw lie ta, alei chô zydua a bie haw.

DÂNIAH 2:37

Hy abei y, nâ cha beizy bei châ chi ta,

DÂNIAH 2:43

Thua nata beihlei naipa â pahlaopa na hmôpa hawh tlai ta, âmo cha chi â pathla pahlaopa châ aw ei ta, châhrasala thua cha beihlei nata â pahlao thai leipa hawhta, a pôhkha hlei aw veih ei.

DÂNIAH 4:3

A ngiana hmozy rônah ta, A hmonoâhpazy a thatlô ngaita! A khinarâh cha tlyzaw khinarâh châ ta, A ryureina chhâ zydua ta â duah aw.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

DÂNIAH 6:26

Ei ryureina râh zydua liata chyhsazy ta Dâniah Khazohpa hmiakô liata chipa ta a chalyu awpa ta biepiepa ei tao. “Ano cha Khazoh hrohpa châ ta, Tlyzaw ta a ypa a châ; A khinarâh paraopa châ beih leipa aw ta, A ryureina ta chhâna noh hnei aw vei.

DÂNIAH 6:27

Pachhapa ta, pabohsa ta, Lei nata vâ liata ngiana nata noâhpazy a tao; Chakeibarôhneipa thatlôna tawhta Dâniah a pachhatuhpa a châ,” tah ta.

DÂNIAH 7:27

Chatawhcha khinarâh nata ryureina cha, Chônôchaipa phopi mopathaihpazy hnohta piepa châ aw ta; Avâ ry zydua liata khinarâhzy rônahna chhao, Ama hnohta piepa a châ aw. A khinarâh cha tlyzaw khinarâh a châ aw; Ryureituhpa zydua ta ano cha chakao aw ei ta, A rei amâ ngiah aw.’”

DÂNIAH 8:25

A piehpiena ta a ku ry liata dôveina palaiseihsa aw ta, a palôh liata anosasyh ta a chaipa ta a pachâ aw ta, chyhsa hluhpi a bohpa ta amâ pachâ nota âmo cha pahleipadia aw ta, beizy Beipa chhao â dyuh aw. Châhrasala ano cha pahleipadiapa a châ aw, chyhsapa ku ta deikua châ aw vei.

MIKÂ 4:7

Pheisypazy cha, Laibâhpazy ta tao aw ei na ta; Thy hapazy chhao, Râh thatlôpa ta ei tao aw ei; Abeipa ta Zaio tlâh liata, Ama chô liata ryu a reih aw; Tahmâ tawhta ama chô liata ryureih aw ta, Chhâzaw ta ryu a reih aw.

HÂKAI 2:22

Khinarâh beidyuchhaizy thy pathlah aw na ta, phopi to khinarâh thatlônazy ei parao khai aw. Arâ talailih nata a chô liata a kiahpazy papao aw ei na ta, arâ nata a kiahtuhpazy cha ama unawhpa zaozi ta ama pao aw.

HÂKAI 2:7

Phopi zydua ei chalyu aw ei. Râh to liata ryusôhpazy vaw tlô aw ta, he o he rônahna ta ei pabie aw,’ Pheisaihzy Abeipa ta a tah.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

ZAWHÂNA 12:34

Zawpizy ta a chhy ei ta, “Mesia cha chhâzaw ta a y aw tahpa ryhpa châbu liata eima pahno. Kheihtazieta Chyhsa Sawchapawpa chaluahpa ta a y aw a tahpa ma na châ? Chyhsa Sawchapawpa cha ahy maw?” tah ei ta.

HEBRAI 12:28

Chatanachata khinarâh a chalyu thei leipa eima topa vâna heta, alyna châh pahno sih la, a pyh tlâhpa achhyna cha, china nata zana chôta Khazohpa lâ hlâ ei suh u,

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.

BIEPHUAH 2:27

Ei paw tawhta biehneina ei hmôpa hawhna heta, biehneina ei piepa chyhsa chata thua chôchahrei ta ama chô liata ryureih aw ta, alei beihzy pakeichheihpa hawhta a pakeichheih aw ei.